اسلام آباد: پاکستان پیپلزپارٹی، پاکستان تحریک انصاف اورعوامی نیشنل پارٹی  نے ریگولیٹری اتھارٹیزکو وزارتوں کے ماتحت کرنے کے حکومتی فیصلے کو مسترد کردیا ۔

قومی اسمبلی میں اپوزیشن لیڈر خورشید شاہ نے فیصلے کے خلاف سپریم کورٹ سے رجوع کرنے کا اعلان کرتے ہوئےے کہا کہ فیصلے سے کرپشن میں اضافہ اور وفاق کمزورہوگا۔

' مشترکہ مفادکونسل کی منظوری کے بغیراتھارٹی کو وزارتوں کے ماتحت کیسے کیا گیا؟'

 تحریک انصاف نے فیصلہ کو جمہوری نظام کوبادشاہت میں بدلنے کی ایک کوشش قراردیا ۔

پی ٹی آئی کے مطابق، وزیر اعظم نواز شریف نے شفافیت واحتساب کے نظام پرکاری ضرب لگانے کی کوشش کی ، نوازشریف حکومت ، بیوروکریسی اورریاستی اداروں کو قواعد سے آزاد کرنا چاہتے ہیں ۔

عوامی نیشنل پارٹی نے بھی حکومتی فیصلے کی مذمت کرتے ہوئے کہاکہ حکومت دباؤ میں غلط فیصلے کررہی ہے اور وہ ہرفورم پرحکومتی غیرقانونی اقدام پرآوازاٹھائے گی۔