اسلام آباد:سعودی عرب ایران کشیدگی اورسعودی وزیرخارجہ کے دورہ پاکستان کے حوالے سے پارلیمنٹیرینزکا کہنا ہے کہ پاکستان خود مختارملک ہے۔ ہمیں اپنے فیصلے خود کرنے چاہئیں۔ کسی بھی ملک سے ڈکٹیشن لینے کی ضرورت نہیں۔

پاکستان کے دوروزہ دورے کے دوران سعودی عرب کے وزیرخارجہ عادل بن احمد الجبیرپاکستانی قیادت سے پاک سعودی عرب تعلقات کے حوالے سے بات چیت کریں گے۔ سعودی وزیرکے دورہ پاکستان کے حوالے سے پارلیمنٹیرینزکا کہنا ہے کہ سعودی عرب کی طرح ایران بھی پاکستان کے انتہائی قریبی دوست ہے۔ حکومت کوکشیدگی کے خاتمے کے لیے فہم وفراست سے کام لینا ہوگا۔

سعودی عرب اورایران کشیدہ تعلقات کے باعث پاکستان پرپڑنے والے اثرات کے سوال پرارکان پارلیمنٹ نے کہا کہ پاکستان خود مختارملک ہے۔ اپنے فیصلے خود کرنا ہوں گے۔

ارکان پارلیمنٹ متفق ہیں کہ خارجہ پالیسی ملکی مفادات کومدنظررکھ کربننی چاہئے نہ کہ کسی دباوٴ کے تحت اسے تبدیل کیا جانا چاہیے۔