انڈیا کی سابق ملکۂ یونیورس اور بولی وڈ اداکارہ سشمیتا سین نے بتایا ہے کہ وہ سنہ 2017 کے مس یونیورس مقابلوں میں بطور جج حصہ لیں گی۔

خیال رہے کہ انہیں فلپائن کے دارالحکومت منیلا میں 23 سال قبل سنہ 1994 میں مس یونیورس کا تاج پہنایا گیا تھا۔

انہوں نے اپنے ٹویٹر اکاؤنٹ پر اس خبر کی تصدیق کی ہے اور 23 سال بعد اسی جگہ جانے پر اپنے جذبات پر قابو رکھنے سے قاصر نظر آ رہی ہیں جہاں انہیں کائنات کی حسین ترین دوشیزہ کا تاج پہنایا گيا تھا۔

انہوں نے لکھا: 'جھومتے دل کے ساتھ وہاں جانے کی تیاری کر رہی ہوں۔ میں بہت پرجوش ہوں اور 23 سال بعد فلپائن کے اسی گھر لوٹنے پر اپنے جذبات پر قابو نہیں رکھ پا رہی ہوں۔‘

انہوں نے اپنے انسٹا گرام پر لکھا: یہ وہی جگہ ہے جہاں سنہ 1994 میں سب کچھ شروع ہوا تھا اور اس کے ساتھ انہوں نے مس یونیورس 1994 کو ہیش ٹیگ کیا ہے۔

انہوں نے مزید لکھا: 'زندگی نے اپنا چکر پورا کر لیا ہے۔ پہلے مس یونیورس کا خطاب جیتنا پھر اس کی انڈین فرینچائز لینا اور پھر ایک جج کی حیثیت سے 65 ویں مس یونیورس کے لیے منیلا جانا۔ میں اپنے تمام چشم براہ فلپائنی دوستوں کو اب یہ کہہ سکتی ہوں کہ ہاں یہ مصدقہ ہے۔ ہاں! میں آ رہی ہوں! محل کیتا فلپائن جلد ہی تمہیں دیکھوں گی۔'

انڈیا کی خبر رساں ایجنسی پی ٹی آئی کے مطابق رواں سال انڈیا کی جانب سے اس مقابلۂ حسن میں روشمیتھا ہری مورتھی شرکت کر رہی ہیں۔ اور مس یونیورس کا یہ مقابلہ رواں سال 30 جنوری کو ہو رہا ہے۔

Getting ready with a dancing heart!!!!! 💃🏻😍👏❤️😀I am soooooooo excited, emotional and looking forward to returning home to the #Philippines after #23years 😇💃🏻✈️❤ it's where it all began #manila1994 #missuniverse1994 😍👏💃🏻life comes a full circle, from winning Miss Universe, to having owned its Indian Franchise to now...returning back to #Manila this time as a #judge at the 65th Miss Universe pageant!!!😊❤😇💃🏻💃🏻💃🏻to all my #filipino friends who have been graciously asking...I can now confirm...yesssssss!!!! I am coming!!!😄❤️💃🏻😍✈️🎵 Mahal Kita Philippines 👏👏👏❤️💃🏻see u sooooooon!!!!!🌹❤️😍

A photo posted by Sushmita Sen (@sushmitasen47) on Jan 20, 2017 at 5:08pm PST

بشکریہ:بی بی سی اردو