لاہور :لاہور میں تجارتی مراکز میں قائم تجاوزات اور پارکنگ پلازوں کی کمی کے باعث جہاں مارکٹیں مسائل کی آماجگاہ بنی ہوئی ہیں، وہیں خریداری کیلئے آئے شہریوں کو بھی شدید پریشانی کا سامنا کرنا پڑرہا ہے۔

شام ڈھلتے ہی لاہور کی مارکیٹوں میں خریداروں کی تعداد میں ی اضافہ دیکھنے میں آتا ہے، مال روڈ، رنگ محل، ہال روڈ سمیت شہر کی دیگر چھوٹی بڑی مارکیٹوں میں فٹ پاتھ پر قائم تجاوزات، سڑکوں پر لگے اسٹالز اور پلازوں میں پارکنگ کے نامناسب انتظامات شہریوں کیلئے وبال جان بنے ہوئے ہیں۔
شہر کی تاجر برادری بھی مارکٹوں میں پارکنگ اور دیگر مسائل پر پریشان ہیں، کہتے ہیں کہ ضلعی انتظامیہ تجارتی مراکز کے مسائل کیلئے آگے بڑھے تو وہ ان کی بھرپور معاونت کریں گے۔
شہر کی مارکیٹوں میں ان مسائل کی وجہ سے اب منٹوں کا سفر گھنٹوں میں طے ہونے لگا ہے۔