اسلام آباد:افغان امن عمل کے لیے چار ملکی اجلاس گیارہ جنوری کو اسلام آباد میں ہو گا، اجلاس میں افغان حکومت اور طالبان کے درمیان مذاکرات کا طریقہ کار طے کیا جائے گا۔

ذرائع دفتر خارجہ کے مطابق افغانستان میں قیام امن اور مفاہمتی عمل کےلئے چار ملکی اجلاس گیارہ جنوری کو اسلام آباد میں ہوگا، اجلاس میں پاکستان، افغانستان، چین اور امریکہ کے نمائندے شرکت کریں گے۔

پاکستان کی نمائندگی سیکرٹری خارجہ اعزاز احمد چوہدری جبکہ افغانستان کی نمائندگی نائب وزیر خارجہ حکمت کرزئی کریں گے، چار ملکی اجلاس میں چین اور امریکہ کے نمائندہ خصوصی برائے پاکستان و افغانستان بھی شریک ہونگے۔ اجلاس میں افغان حکومت اور طالبان کے درمیان مذاکرات کا طریقہ کار اور شیڈول طے کیا جائے گا۔