لاہور:پاکستان پیپلز پارٹی کے چیئرمین بلاول بھٹو نے بلدیاتی الیکشن میں ناکامی پر پنجاب کے رہنماوٴں پر برہمی کا اظہار کردیا،کہتے ہیں کہ کارکردگی بہتر نہ کی تو نئے افراد کو سامنے لانا ہوگا۔

لاہور میں بلاول بھٹو زرداری کی زیرصدارت پیپلزپارٹی وسطی پنجاب کے اجلاس میں پارٹی کی بلدیاتی الیکشن میں ناکامی کا جائزہ لیا گیا۔
چیئرمین پیپلزپارٹی بلاول بھٹو زرداری نے پنجاب میں بلدیاتی الیکشن میں ناکامی پر رہنماوٴں کو شدید تنقید کا نشانہ بنایا۔انہوں نے فردوس عاشق اعوان اور راجہ ریاض سے استفسار کیا کہ آپ نے سیالکوٹ اور فیصل آباد میں کیا کام کیا ہے؟

بلاول بھٹو کا کہنا تھا کہ پارٹی رہنما کچھ کرتے تو بلدیاتی انتخابات میں ناکامی نہ ہوتی،پیپلزپارٹی پنجاب میں ناکام ہورہی ہے،کچھ کرنا ہوگا، رہنماوٴں نے کارکردگی بہتر نہ کی تو پھر نئے افراد سامنے لانا ہوں گے۔