کیا آپ بھی ان لوگوں میں سے ہیں جو ہر وقت یہ شکایت کرتے ہیں ان کو مچھر بہت کاٹتے ہیں؟

اکثر لوگوں کا کہنا ہوتا ہے کہ جن افراد کا خون میٹھا ہوتا ہے مچھر ان کو زیادہ کاٹتے ہیں۔خون میٹھے ہونے کا تو نہیں معلوم لیکن مچھر اپنے پسندیدہ بلڈ گروپ کے لوگوں کو زیادہ کاٹتے ہیں۔

مچھر بہت مخصوص لوگوں کو کاٹتے ہیں اور وہ بس ان ہی لوگوں کو کاٹنا پسند کرتے ہیں جو ان کے معیار پر پورا اترتے ہیں۔

اس حوالے سے کئی تحقیق کی جاچکی ہیں اور تحقیق سےبہت ساری باتیں سامنے آئی ہیں جن سے معلوم ہوا ہے کہ مچھر مختلف لوگوں کو ان کے بلڈ گروپ اور ان کی جلد پر مددنظر رکھتے ہوئے حملہ کرتے ہیں۔

اگر  آپ کو بھی مچھر بہت زیادہ کاٹتے ہیں تو اس کے پیچھے ذیل میں بیان کی جانے والی وجوہات ہوسکتی ہیں۔

بلڈ گروپ

اگر آپ کا بلڈ گروپ 'اے' اور 'او' ہے تو یہی وجہ ہے کہ مچھر آپ کو زیادہ کاٹتے ہیں۔ لیکن ان دونوں بلڈ گروپس میں بھی 'او' کو مچھر زیادہ کاٹتے ہیں۔

کاربن ڈائی آکسائیڈ

جہاں کاربن ڈائی آکسائیڈ کا اخراج زیادہ ہوتا ہے مچھر کی توجہ وہاں زیادہ مرکوز ہوجاتی ہے۔ یہی وجہ ہے کہ مچھر بچوں سے زیادہ بڑوں کو کاٹتے ہیں کیونکہ بڑی عمر کے لوگ کاربن ڈائی آکسائیڈ زیادہ خارج کرتے ہیں۔

پسینہ

مچھر پسینے سے بھی متاثر ہوتے ہیں اور اس کی بو سے اڑتے ہوئے آپ کے پاس آجاتے ہیں۔

کولیسٹرول

جن افراد کے جسم میں کولیسٹرول کی تعداد زیادہ ہوتی ہے مچھر ان کو بھی نشانہ بناتے ہیں۔

نوٹ: یہ مضمون محض عام معلومات کے لیے ہے۔