اسلام آباد:وزیراعظم نوازشریف کہتے ہیں آپریشن ضرب عضب نے دہشتگردوں کی کمرتوڑدی،حکومت غیر ملکی سرمایہ کاروں کیلئے بہترین فضاء قائم کررہی ہے۔

وزیراعظم نوازشریف کاامریکہ پاکستان بزنس کونسل سے خطاب کرتے ہوئے کہنا تھا کہ وفد کو پاکستان آمد پرخوش آمدید کہتا ہوں،امریکی ایوان صنعت وتجارت کی پاکستان کے ساتھ قریبی شرکت داری ہے،معاشی ترقی کیلئے ہمیں مل کر کام کرنا ہے، و ز یراعظم کا کہنا تھا کہ آپریشن ضرب عضب نے دہشت گردوں کی کمرتوڑدی،آپریشن کے مثبت نتائج سامنے آرہے ہیں،ہم نے دہشت گردوں کو ہرقیمت پرختم کرنے کاعزم کررکھا ہے،ہمسایہ ممالک سے بہترتعلقات چاہتے ہیں۔

پاکستان میں داخلی سلامتی کی صورتحال میں واضح بہتری آئی ہے،پاکستان اورامریکا کے درمیان انتہائی قریبی تعلقات ہیں، معاشی اعشاریئے بہتری کی جانب گامزن ہیں،حکومت غیر ملکی سرمایہ کاروں کیلئے بہترین فضاء قائم کررہی ہے۔