آسٹریلین براڈ کاسٹنگ کارپوریشن کے مطابق سابق آسٹریلوی ٹیسٹ کرکٹر ڈیوڈ وارنر پر ہفتے کے اختتام پر سڈنی کے مشرقی علاقے میں شراب پی کر گاڑی چلانے کے الزام میں مقدمہ درج کیا گیا ہے۔

آسٹریلوی میڈیا کا کہنا ہے کہ سڈنی کے علاقے ماروبرا میں پولیس نے گاڑی چلاتے ڈیوڈ وارنر کا ٹیسٹ کیا، سابق کپتان نے پولیس کے ٹیسٹنگ سینٹر سے پہلے ہی گاڑی روکی تاہم اہلکاروں نے ان کا بریتھ ٹیسٹ لیا۔

ٹیسٹ کا نتیجہ مثبت آنے پر وارنر کے خلاف مقدمہ درج کیا گیا اور انہیں نیو ساؤتھ ویلز پولیس نے گرفتار کر کے ماروبرا پولیس اسٹیشن منتقل کر دیا تھا۔

میڈیا رپورٹ کے مطابق ڈیوڈ وارنر کو 7 مئی کو عدالت میں پیش کیا جائے گا۔ 

یاد رہے کہ ڈیوڈ وارنر پی ایس ایل میں کراچی کنگز کی کپتانی کر رہے ہیں، وہ پی ایس ایل سے چند روز کی چھٹیوں پر آسٹریلیا گئے تھے اور 9 اپریل کو انہیں ٹیم کو دوبارہ جوائن کرنا تھا۔

واضح رہے کہ ڈیوڈ وارنر نے 2024 میں بین الاقوامی کرکٹ سے ریٹائرمنٹ کا اعلان کیا تھا، تاہم وہ اب بھی بگ بیش لیگ میں کھیل رہے ہیں۔

بھارتی یوٹیوبر رنویر رنویر الہ آبادیا کے ساتھ ایک انٹرویو میں گفتگو کرتے ہوئے کیون پیٹرسن نے الزام عائد کیا کہ انگلینڈ اینڈ ویلز کرکٹ بورڈ (ای سی بی) نے آئی پی ایل کے ابتدائی سالوں میں ان کے خلاف میڈیا کے ذریعے وِچ ہنٹ کا آغاز کیا تھا۔

انہوں نے بتایا کہ 2008 میں آئی پی ایل کے پہلے ایڈیشن میں ای سی بی نے سینٹرل کنٹریکٹ رکھنے والے کھلاڑیوں کو شرکت کی اجازت نہیں دی تھی، اور اس سال صرف دیمتری ماسکرینہاس ہی واحد انگلش کھلاڑی تھے جو ٹورنامنٹ میں شامل ہوئے تھے۔

بعد ازاں 2009 میں انگلینڈ نے کھلاڑیوں کو محدود تین ہفتوں کی مدت کے لیے شرکت کی اجازت دی تھی۔

کیون پیٹرسن نے 2009 میں رائل چیلنجرز بنگلور کی نمائندگی کی تھی، تاہم لیگ کو ترجیح دینے کے ان کے فیصلے کے باعث ای سی بی کے ساتھ شدید اختلافات پیدا ہوگئے تھے۔

سابق کرکٹر نے بتایا کہ میں نے بڑی قربانیاں دیں، میں نے اپنا کیریئر کھو دیا، اسی وجہ سے اس نظام میں موجود ہر شخص میرے خلاف ہوگیا۔ میرا انگلینڈ کا کیریئر 33 سال کی عمر میں 104 ٹیسٹ میچز کے بعد ختم ہوگیا، حالانکہ مجھے 150 سے 160 ٹیسٹ کھیلنے چاہئیں تھے اور 12 سے 13 ہزار رنز بنانے چاہئیے تھے۔

پیٹرسن نے مزید الزام لگایا کہ انگلش کرکٹ بورڈ نے برطانوی اخبار دی ٹیلی گراف کو ان کے خلاف استعمال کیا، تاہم انہوں نے کہا کہ وہ اس معاملے میں مزید گہرائی میں نہیں جانا چاہتے اور اب وہ ایک خوشگوار اور پُرسکون زندگی گزار رہے ہیں۔

کیون پیٹرسن نے اپنے ٹیسٹ کیریئر میں 8,181 رنز اسکور کیے تھے، جن میں 23 سنچریاں اور 35 نصف سنچریاں شامل ہیں۔

ان کا ماننا ہے کہ ان کے مؤقف نے اگرچہ ان کے کیریئر کو متاثر کیا، لیکن اس کے نتیجے میں آنے والی نسلوں کے انگلش کھلاڑیوں کو فرنچائز کرکٹ کھیلنے کی آزادی ملی۔

انہوں نے کہا کہ انہوں نے حال ہی میں جوس بٹلر کا انٹرویو کیا تھا، جنہوں نے ان کا شکریہ ادا کرتے ہوئے کہا کہ ان کی قربانیوں کی وجہ سے آج کے کھلاڑی اس کے ثمرات حاصل کر رہے ہیں۔

کیون پیٹرسن آئی پی ایل میں دہلی ڈیئر ڈیولز اور سن رائزرز حیدر آباد کی نمائندگی بھی کرچکے ہیں، جبکہ انہیں سال 2025 میں دہلی کیپیٹل کا مینٹور بھی مقرر کیا گیا تھا۔

لاہور کے قذافی اسٹیڈیم میں کھیلے جانے والے ٹورنامنٹ کے 14 ویں میچ میں ملتان سلطانز نے صاحبزادہ فرحان اور جوش فلپ کی شاندار نصف سنچریوں نے اپنی ٹیم کی جیت میں اہم کردار ادا کیا۔

صاحبزادہ فرحان نے 68 اور جوش فلپ نے56 رنز کی اننگز کھیلی، اسٹیو سمتھ 5 رنز بنا کر آوٹ ہوئے، شان مسعود 27 اور آسٹن ٹرنر 26 رنز بنا کر ناقابل شکست رہے جب کہ راولپنڈیز کے محمد عامر نے دو جبکہ عامر خان نے ایک وکٹ حاصل کی۔

اس سے قبل راولپنڈیز کی ٹیم پہلے کھیلتے ہوئے 8 وکٹوں پر 182 رنز بنائے، جس میں سیم بلنگ نے 56 ناٹ آوٹ، کامران غلام نے 35، ڈین فورسٹر نے 24، محمد رضوان نے 19، ڈیرل مچل نے 17 اور عبداللہ فضل نے 14 رنز بنائے۔

ملتان سلطانز کی جانب سے فیصل اکرم نے چار، عرفات منہاس نے دو، پیٹر سیڈل، محمد اسماعیل نے ایک ایک وکٹ حاصل کی۔ آخر میں فاتح ٹیم کے فیصل اکرم کو میچ کا بہترین کھلاڑی قرار دیا گیا۔

پی ایس ایل میں منگل کے روز آرام کے بعد دوسرے مرحلے کے میچز کا آغاز 8 اپریل سے نیشنل اسٹیڈیم کراچی سے ہوگا۔

ذرائع کے مطابق راولپنڈیز کے فاسٹ بولر نسیم شاہ انجری کے باعث غیر معینہ مدت کے لیے پی ایس ایل سے باہر ہو گئے ہیں۔ نسیم شاہ کراچی کنگز کے خلاف میچ کے دوران انجری کا شکار ہوئے، جس کے بعد وہ بولنگ کرتے ہوئے تکلیف محسوس کرنے لگے اور میدان چھوڑنے پر مجبور ہوگئے۔

ٹیم انتظامیہ نے نسیم شاہ کے ان فٹ ہونے کی تصدیق کرتے ہوئے کہا ہے کہ وہ اس مشکل وقت میں اپنے اسٹار کھلاڑی کے ساتھ کھڑی ہے اور ان کی مکمل سپورٹ جاری رکھے ہوئے ہے۔

ٹیم انتظامیہ کا کہنا ہے کہ توقع ہے کہ ری ہیب اور فٹنس کلیئرنس کے بعد نسیم شاہ ٹورنامنٹ کے آخری مرحلے میں دوبارہ ٹیم میں شامل ہو سکیں گے۔

ملتان سلطانز کی راولپنڈی کے خلاف شاندار کامیابی حاصل کرنے کے بعد جب اسٹیو اسمتھ اور پیٹر سڈل میچ کے بعد ایک دوسرے سے گفتگو کر رہے تھے، تو اسٹیو اسمتھ نے گفتگو کا آغاز ہی بڑے دلچسپ انداز میں کیا۔ انہوں نے پیٹر سڈل کو چاچا کہہ کر مخاطب کیا اور بتایا کہ یہاں سب انہیں اسی نام سے جانتے ہیں۔ اس موقع پر دونوں کرکٹرز خوشگوار موڈ میں دکھائی دیے اور اس بات پر خوب مسکرائے۔

اس دلچسپ لقب کی کہانی دراصل بگ بیش لیگ سے شروع ہوئی تھی جہاں پاکستانی فاسٹ بولر حارث رؤف نے پہلی بار پیٹر سڈل کو چاچا کہنا شروع کیا تھا۔

پیٹر سڈل نے بھی اس لقب کو برا ماننے کے بجائے بڑے دل کے ساتھ قبول کیا ہے۔ چند روز قبل ایک میڈیا گفتگو میں انہوں نے خوشی کا اظہار کرتے ہوئے خود کو غیر ملکی چاچا جبکہ افتخار احمد کو لوکل چاچا کہا۔

میچ کے حوالے سے بات کرتے ہوئے دونوں کھلاڑیوں نے ملتان سلطانز کی جیت اور پوائنٹس ٹیبل پر پہلی پوزیشن حاصل کرنے پر اطمینان کا اظہار کیا۔ پیٹر سڈل کا کہنا تھا کہ ٹاس جیت کر پہلے بولنگ کا فیصلہ درست ثابت ہوا اور گیند بازوں نے حریف ٹیم کو کم اسکور تک محدود رکھا۔

اسٹیو اسمتھ نے اسپن بولرزبالخصوص محمد نواز اور عرفات کی کارکردگی کو سراہا اور کہا کہ کپتان کی جانب سے کی گئی بولنگ نے بھی ہدف کے تعاقب کو آسان بنایا۔

اسٹیو اسمتھ نے اپنی گفتگو میں شان مسعود کی بیٹنگ کی بھی تعریف کی۔ ان کا کہنا تھا کہ شان مسعود ہر میچ کے ساتھ اپنی کارکردگی میں بہتری لا رہے ہیں اور ان کے پاس شاٹس کھیلنے کے لیے بہترین طاقت موجود ہے۔ پیٹر سڈل نے اسٹیو اسمتھ کی اننگز اور ان کی صاحبزادہ فرحان کے ساتھ پارٹنر شپ کو ٹیم کی کامیابی کے لیے اہم قرار دیا۔ ملتان سلطانز کی اس فتح اور کھلاڑیوں کے درمیان اس خوشگوار ماحول نے سوشل میڈیا پر بھی دھوم مچا دی ہے۔

لاہور کے قذافی اسٹیڈیم میں کھیلے گئے میچ میں کوئٹہ گلیڈی ایٹرز نے ٹاس جیت کر پہلے بیٹنگ کرنے کا فیصلہ کیا۔ کوئٹہ گلیڈی ایٹرز نے اسلام آباد یونائیٹڈ کو جیت کیلئے 184 رنز کا ہدف دیا۔

کوئٹہ گلیڈی ایٹرز نے مقررہ 20 اوورز میں 5 وکٹوں کے نقصان پر 183 رنز اسکور کیے۔ کپتان سعود شکیل 42 اور حسن نواز 66 رنز بناکر نمایاں رہے۔ اس کے علاوہ شامل حسین 21، خواجہ نافع 18 اور ٹام کرن نے 29 رنز اسکور کیے۔

اسلام آباد یونائیٹڈ کی جانب سے شاداب خان نے 3 وکٹیں حاصل کیں۔ جواب میں اسلام آباد یونائیٹڈ نے 184 رنز کا ہدف با آسانی 19ویں اوور میں 2 وکٹوں کے نقصان پر حاصل کرلیا۔

سمیر منہاس نے 82 اور شاداب خان نے 69 رنز کی ناقابل شکست اننگز کھیلیں۔ دونوں کھلاڑیوں کے درمیان تیسری وکٹ پر 128 رنز کی ناقابل شکست شراکت بھی ہوئی۔ اس کے علاوہ ڈیون کونوے نے 18 اور آندریس گوس نے 2 رنز بنائے۔

اسلام آباد یونائیٹڈ کی جانب سے کپتان شاداب خان نے شاندارآل راؤنڈ کارکردگی دکھائی اور مین آف دی میچ کا اعزاز اپنے نام کیا۔

پی ایس ایل میں بال ٹیمپرنگ کے معاملے میں فخر زمان پر دو میچز کی پابندی عائد کی گئی تھی۔ فخر زمان نے الزام کی تردید کرتے ہوئے کہا کہ وہ گیند کے ساتھ کسی بھی قسم کی چھیڑ چھاڑ میں ملوث نہیں تھے۔

کرکٹر فخر زمان نے پی ایس ایل کی ٹیکنیکل کمیٹی سے رابطہ کر کے اپنے موقف کی وضاحت کی اور پابندی کے فیصلے کے خلاف اپیل دائر کر دی ہے۔

یہ تنازع اس وقت سامنے آیا جب اتوار کے روز لاہور میں کھیلے گئے پاکستان سپر لیگ 11 کے چھٹے میچ میں لاہور قلندرز کو کراچی کنگز کے خلاف میچ کے دوران بال ٹیمپرنگ کے الزام پر جرمانے کا سامنا کرنا پڑا۔

رپورٹ کے مطابق میچ کے آخری اوور سے قبل جب کراچی کنگز کو جیت کے لیے 14 رنز درکار تھے، امپائرز نے قومی کرکٹر فخر زمان کو گیند کی حالت غیر منصفانہ طریقے سے تبدیل کرنے کا مرتکب قرار دیتے ہوئے کراچی کنگز کو پانچ پینلٹی رنز دے دیے تھے۔

پی سی بی  کے مطابق فخر زمان لیول 3 کے قصور وار قرار پائے، فخر زمان ملتان سلطانز اور اسلام آباد یونائیٹڈ کے خلاف میچ نہیں کھیلیں گے۔ میچ حکام کی جانب سے کارروائی کرتے ہوئے فخر زمان پر دو میچز کی پابندی عائد کی گئی۔

215 میچز میں پاکستان کی نمائندگی کرنے والے 35 سالہ فخر زمان نے میچ کے فوری بعد ہونے والی سماعت میں بال ٹیمپرنگ کے الزامات کو مسترد کیا تھا۔

کرکٹ قوانین کے مطابق کھلاڑیوں کو سوائے گیند چمکانے کے اُس کی حالت تبدیل کرنے کی اجازت نہیں ہوتی۔ قانون 41.3.2 کے تحت کسی بھی کھلاڑی کی جانب سے گیند کی حالت میں تبدیلی جرم تصور کیا جاتا ہے۔

پاکستان سپر لیگ کے قواعد کے مطابق امپائرز اس قسم کے واقعات کی رپورٹ میچ ریفری کو دیتے ہیں، جو متعلقہ کھلاڑیوں کے خلاف مناسب کارروائی کا اختیار رکھتے ہیں۔

میچ کے دوران کراچی کنگز کی قیادت آسٹریلوی کرکٹر ڈیوڈ وارنر کر رہے تھے، جو 2018 میں آسٹریلیا کے بال ٹیمپرنگ اسکینڈل میں ملوث ہونے پر کرکٹ آسٹریلیا کی جانب سے 12 ماہ کی پابندی کا سامنا کرچکے ہیں۔

یاد رہے کہ پاکستان سپر لیگ (پی ایس ایل 11) میں لاہور قلندرز نے سیکیورٹی پروٹوکولز کی خلاف ورزی پر اپنی ٹیم کے کپتان شاہین شاہ آفریدی کے خلاف سخت کارروائی کرتے ہوئے 10 لاکھ روپے جرمانہ عائد کر دیا تھا۔

ٹیم مینجمنٹ کے مطابق یہ فیصلہ اندرونی تحقیقات مکمل ہونے کے بعد کیا گیا۔ تحقیقات میں سیکیورٹی قواعد کی خلاف ورزی ثابت ہونے پر کپتان کے خلاف مالی جرمانہ لگایا گیا۔

شاہین آفریدی سکندر رضا کے مہمانوں کو سیکیورٹی کے منع کرنے کے باوجود پلیئرز روم میں لے گئے تھے جس پر لاہور قلندرز نے احتساب اور ڈسپلن کو مدنظر رکھتے ہوئے کارروائی کی تھی۔

ارجنٹینا میں کھیلے گئے ایک دوستانہ میچ کے آغاز سے قبل جب قومی ترانہ اور شائقین کے نعروں کی گونج اسٹیڈیم میں پھیلی، تو میسی اپنے جذبات پر قابو نہ رکھ سکے اور ان کی آنکھوں میں آنسو آ گئے، جس سے یہ ظاہر ہورہا تھا کہ وہ اپنے ملک میں آخری بار کھیل رہے ہیں۔

یہ میچ ارجنٹینا اور زیمبیا کے درمیان کھیلا گیا جس میں ارجنٹینا نے زیمبیا کو 0-5 سے شکست دی۔ میسی نے میچ کے آغاز سے ہی ثابت کر دیا کہ ان کی مہارت میں کوئی کمی نہیں آئی۔

انہوں نے پہلے شاندار کھیل پیش کرتے ہوئے جولین الواریز کو گول کرنے میں مدد دی اور پھر ہاف ٹائم سے پہلے ایک شاندار گول بھی اسکور کیا۔

38 سالہ اسٹار، جو اس وقت انٹر میامی سی ایف سے وابستہ ہیں، امکان ہے کہ فیفا ورلڈ کپ 2026 کے بعد انٹرنیشنل فٹبال کو خیرباد کہہ دیں گے۔

وہ اس ورلڈ کپ میں ارجنٹینا کی قیادت کرتے ہوئے ریکارڈ چھٹی بار شرکت کریں گے۔

کھیل کے اختتام پر اسٹیڈیم میں موجود ہزاروں شائقین کی آنکھیں اس وقت نم ہو گئیں جب انہیں یہ احساس ہوا کہ یہ شاید ان کا ارجنٹائن کی سرزمین پر آخری میچ ہو سکتا ہے۔

پورے اسٹیڈیم نے کھڑے ہو کر اپنے ہیرو کو خراجِ تحسین پیش کیا اور ان سے مطالبہ کیا کہ وہ ایک بار پھر ورلڈ کپ کی ٹرافی ملک لے کر آئیں۔

دنیا بھر کے فٹ بال شائقین کی نظریں اب اس بات پر جمی ہیں کہ کیا فٹ بال کی تاریخ کا یہ عظیم کھلاڑی اپنی بڑھتی عمر کے باوجود ارجنٹائن کو ایک اور عالمی اعزاز جتوا پائے گا یا نہیں؟ ایک بات تو طے ہے کہ ارجنٹائن کی مٹی اپنے اس لیجنڈری سپوت کو ہمیشہ یاد رکھے گی۔

ذرائع کے مطابق یہ معاملہ کراچی اور لاہور کے درمیان کھیلے گئے میچ کے دوران پیش آیا تھا، جہاں فخر زمان نے مبینہ طور پر گیند کے ساتھ چھیڑ چھاڑ کی تھی۔ اس واقعے کے بعد انہیں لیول 3 جرم کے تحت چارج کیا گیا تھا۔

پی سی بی  کے مطابق فخر زمان لیول 3 کے قصور وار قرار پائے، فخر زمان ملتان سلطانز اور اسلام آباد یونائیٹڈ کیخلاف میچ نہیں کھیلیں گے۔

میچ حکام کی جانب سے کارروائی کرتے ہوئے فخر زمان پر دو میچز کی پابندی عائد کی گئی ہے۔

کرکٹ قوانین کے مطابق کھلاڑیوں کو سوائے گیند چمکانے کے اُس کی حالت تبدیل کرنے کی اجازت نہیں ہوتی۔ قانون 41.3.2 کے تحت کسی بھی کھلاڑی کی جانب سے گیند کی حالت میں تبدیلی جرم تصور کیا جاتا ہے۔

فخر زمان نے دو بار کیس کی سماعت میں گیند سے چھیڑ چھاڑ کے الزام کو مسترد کیا ہے۔

رپورٹس کے مطابق بال ٹیمپرنگ کے باعث لاہور قلندرز پر 5 رنز کی پنالٹی بھی عائد کی گئی تھی، جو میچ کے دوران ہی دی گئی۔

واضح رہے کہ 35 سالہ فخر زمان 215 میچز میں پاکستان کی نمائندگی کرچکے ہیں۔

ذرائع کے مطابق پی سی بی نے سینٹرل کنٹریکٹ کی خلاف ورزی پر تمام کرکٹرز کو باضابطہ وارننگ جاری کر دی ہے۔

بورڈ نے واضح ہدایت دی ہے کہ آئندہ کسی بھی کھلاڑی کو میڈیا ڈیپارٹمنٹ کی پیشگی اجازت کے بغیر سوشل میڈیا پر کوئی پوسٹ کرنے کی اجازت نہیں ہوگی۔

ذرائع کا کہنا ہے کہ نئی پالیسی کے تحت قواعد کی خلاف ورزی کرنے والے کھلاڑیوں پر سخت مالی جرمانہ عائد کیا جا سکتا ہے، جو کہ ایک کروڑ روپے تک ہو سکتا ہے۔

اس اقدام کا مقصد کھلاڑیوں کی جانب سے غیر ذمہ دارانہ بیانات اور تنازعات سے بچاؤ کو یقینی بنانا ہے۔

پی سی بی نے تمام کرکٹرز کو سختی سے ہدایت کی ہے کہ وہ سینٹرل کنٹریکٹ کے تحت طے شدہ قواعد و ضوابط پر مکمل عمل کریں۔

اس کے ساتھ ساتھ کھلاڑیوں کے مینجرز کو بھی نئی گائیڈ لائنز سے آگاہ کر دیا گیا ہے تاکہ کسی بھی قسم کی خلاف ورزی سے بچا جا سکے۔

ذرائع کے مطابق بورڈ آئندہ سوشل میڈیا سرگرمیوں کی کڑی نگرانی کرے گا اور کسی بھی خلاف ورزی پر فوری کارروائی عمل میں لائی جائے گی۔

خیال رہے کہ گزشتہ روز پاکستان کرکٹ بورڈ کی ڈسپلنری کمیٹی نے قومی کرکٹ ٹیم کے فاسٹ باؤلر نسیم شاہ کے خلاف سینٹرل کانٹریکٹ کی خلاف ورزی کے الزام پر کارروائی کرتے ہوئے 2 کروڑ روپے جرمانہ عائد کرنے کا فیصلہ کیا تھا۔ کمیٹی کا کہنات تھا کہ نسیم شاہ نے بورڈ کی قواعد و ضوابط کی خلاف ورزی کی جس کی وجہ سے یہ سزا دی گئی۔

واضح رہے کہ 26 مارچ کو پاکستان سپر لیگ (پی ایس ایل) کے افتتاحی میچ کے موقع پر وزیراعلیٰ پنجاب مریم نواز قذافی سٹیڈیم آئیں تھیں۔ اس موقع پر نسیم شاہ کے ایکس اکاؤنٹ سے ایک پوسٹ کی گئی تھی جس میں لکھا گیا کہ ’انہیں ملکہ کی طرح کیوں پروٹوکول دیا جارہا ہے‘؟

بعدازاں کچھ دیر بعد اس پوسٹ کو ڈیلیٹ کردیا گیا تھا اور نسیم شاہ کی جانب سے وضاحت بھی آئی تھی  کہ ان کا ایکس اکاؤنٹ ہیک ہو گیا ہے۔ تاہم نیسم شاہ کے متعلقہ بیان نے کرکٹ حلقوں میں ہلچل مچا دی تھی۔

پی سی بی کی جانب سے فیصلے کے بعد نسیم شاہ نے اپنے ایکس اکاؤنٹ سے بیان جاری کیا جس میں انھوں نے کہا کہ میرے اکاؤنٹ سے حالیہ کی گئی ایک پوسٹ میری مینجمنٹ ٹیم نے شیئر کی تھی، جو میرے خیالات کی عکاسی نہیں کرتی۔

قومی کرکٹر کا مزید کہنا تھا کہ میں اپنے پلیٹ فارم کی مکمل ذمہ داری قبول کرتا ہوں اور اس بات کو یقینی بنانے کے لیے ضروری تبدیلیاں کر دی ہیں کہ ایسا دوبارہ نہ ہو۔ میں اس پلیٹ فارم کے غلط استعمال سے متاثر ہونے والے تمام افراد سے دلی معذرت کرتا ہوں۔

پاکستان سپر لیگ (پی ایس ایل 11) میں لاہور قلندر نے سیکیورٹی پروٹوکولز کی خلاف ورزی پر اپنی ٹیم کے کپتان شاہین شاہ آفریدی کے خلاف سخت کارروائی کرتے ہوئے 10 لاکھ روپے جرمانہ عائد کر دیا ہے۔

ٹیم مینجمنٹ کے مطابق یہ فیصلہ اندرونی تحقیقات مکمل ہونے کے بعد کیا گیا۔ تحقیقات میں سیکیورٹی قواعد کی خلاف ورزی ثابت ہونے پر کپتان کے خلاف مالی جرمانہ لگایا گیا۔

لاہور قلندرز کی انتظامیہ نے اپنے اس فیصلے سے پاکستان کرکٹ بورڈ (پی سی بی) کو بھی باضابطہ طور پر آگاہ کر دیا ہے۔

خیال رہے کہ گزشتہ دنوں سکندر رضا کے مہمانوں کو شاہین آفریدی سیکیورٹی کے منع کرنے کے باوجود پلیئرز روم میں لے گئے تھے۔

لاہور قلندرز کے مطابق یہ کارروائی احتساب اور ڈسپلن کو مدنظر رکھتے ہوئے کی گئی ہے، لاہور قلندرز سیکیورٹی پروٹوکولز کا احترام کرتی ہے۔

یاد رہے کہ اس سے قبل پاکستان کرکٹ بورڈ (پی سی بی) کی ڈسپلنری کمیٹی نے فاسٹ بولر نسیم شاہ کے خلاف سینٹرل کانٹریکٹ کی خلاف ورزی کے الزام پر کارروائی کرتے ہوئے 2 کروڑ روپے جرمانہ عائد کیا ہے،

ڈسپلنری کمیٹی کے مطابق نسیم شاہ نے بورڈ کی قواعد و ضوابط کی خلاف ورزی کی ہے جس کی وجہ سے یہ سزا دی گئی۔

26 مارچ کو پاکستان سپر لیگ (پی ایس ایل) کے افتتاحی میچ کے موقع پر وزیراعلیٰ پنجاب مریم نواز کی قذافی سٹیڈیم آمد کے موقع پر نسیم شاہ کے ایکس اکاؤنٹ سے ایک پوسٹ کی گئی تھی جس میں لکھا گیا کہ ’انہیں ملکہ کی طرح کیوں پروٹوکول دیا جارہا ہے‘؟

پاکستان کرکٹ بورڈ (پی سی بی) کی ڈسپلنری کمیٹی نے قومی کرکٹ ٹیم کے فاسٹ بولر نسیم شاہ کے خلاف سینٹرل کانٹریکٹ کی خلاف ورزی کے الزام پر کارروائی کرتے ہوئے 2 کروڑ روپے جرمانہ عائد کرنے کا فیصلہ کیا ہے۔ کمیٹی کے مطابق نسیم شاہ نے بورڈ کی قواعد و ضوابط کی خلاف ورزی کی ہے جس کی وجہ سے یہ سزا دی گئی۔

شو کاز نوٹس ستائیس مارچ کو جاری کیا گیا تھا۔ تین رکنی ڈسپلنری کمیٹی نے سماعت کے بعد نسیم شاہ کی غیر مشروط معافی کا نوٹس لیا۔ سنٹرل کنٹریکٹ کی متعدد شقوں کی خلاف ورزی اور سوشل میڈیا گائیڈ لائنز کی خلاف ورزی ثابت ہوئی۔

پی سی بی نے نسیم شاہ کے سوشل میڈیا ایڈوائزر کو بھی بلیک لسٹ کر دیا، جس کے بعد وہ کسی پی سی بی کنٹریکٹڈ کھلاڑی کے ساتھ کام نہیں کر سکے گا۔ پی سی بی کا کہنا ہے کہ وہ اپنے پیشہ ورانہ معیار کو برقرار رکھنے کے لئے پرعزم ہے۔

واضح رہے کہ 26 مارچ کو پاکستان سپر لیگ (پی ایس ایل) کے افتتاحی میچ کے موقع پر وزیراعلیٰ پنجاب مریم نواز قذافی سٹیڈیم آئیں تھیں۔ اس موقع پر نسیم شاہ کے ایکس اکاؤنٹ سے ایک پوسٹ کی گئی تھی جس میں لکھا گیا کہ ’انہیں ملکہ کی طرح کیوں پروٹوکول دیا جارہا ہے‘؟

بعدازاں کچھ دیر بعد اس پوسٹ کو ڈیلیٹ کردیا گیا تھا اور نسیم شاہ کی جانب سے وضاحت بھی آئی تھی  کہ ان کا ایکس اکاؤنٹ ہیک ہو گیا ہے۔ تاہم نیسم شاہ کے متعلقہ بیان نے کرکٹ حلقوں میں ہلچل مچا دی تھی۔

پی سی بی کی جانب سے فیصلے کے بعد نسیم شاہ نے اپنے ایکس اکاؤنٹ سے بیان جاری کیا جس میں انھوں نے کہا کہ میرے اکاؤنٹ سے حالیہ کی گئی ایک پوسٹ میری مینجمنٹ ٹیم نے شیئر کی تھی، جو میرے خیالات کی عکاسی نہیں کرتی۔

نسیم شاہ نے کہا کہ میں اپنے پلیٹ فارم کی مکمل ذمہ داری قبول کرتا ہوں اور اس بات کو یقینی بنانے کے لیے ضروری تبدیلیاں کر دی ہیں کہ ایسا دوبارہ نہ ہو۔ میں اس پلیٹ فارم کے غلط استعمال سے متاثر ہونے والے تمام افراد سے دلی معذرت کرتا ہوں۔

خیال رہے کہ فاسٹ باؤلر نسیم شاہ پاکستان سپر لیگ (پی ایس ایل) ایڈیشن11 میں راولپنڈیز کا حصہ ہیں۔

پاکستان کرکٹ بورڈ کی جانب سے جاری بیان کے مطابق فخر زمان نے میچ ریفری روشن مہاناما کی زیر صدارت ہونے والی سماعت میں اپنے اوپر لگائے گئے الزامات کی تردید کی ہے۔

بورڈ کا کہنا ہے کہ آئندہ 48 گھنٹوں میں ایک اور سماعت ہوگی جس کے بعد میچ ریفری اپنا فیصلہ سنائیں گے۔ اگر فخر زمان قصوروار پائے گئے تو لیول تھری جرم کے تحت کم از کم ایک میچ کی پابندی عائد کی جا سکتی ہے۔

یہ تنازع اس وقت سامنے آیا جب اتوار کے روز لاہور میں کھیلے گئے پاکستان سپر لیگ 11 کے چھٹے میچ میں لاہور قلندرز کو کراچی کنگز کے خلاف میچ کے دوران بال ٹیمپرنگ کے الزام پر جرمانے کا سامنا کرنا پڑا۔

رپورٹ کے مطابق میچ کے آخری اوور سے قبل جب کراچی کنگز کو جیت کے لیے 14 رنز درکار تھے، امپائرز نے قومی کرکٹر فخر زمان کو گیند کی حالت غیر منصفانہ طریقے سے تبدیل کرنے کا مرتکب قرار دیتے ہوئے کراچی کنگز کو پانچ پینلٹی رنز دے دیے تھے۔ تاہم فخر زمان نے اس الزام کی سختی سے تردید کی۔

پنالٹی رنز ملنے کے بعد کراچی کنگز کو جیت کے لیے صرف 9 رنز درکار رہ گئے تھے، جبکہ بیٹنگ سائیڈ کی درخواست پر گیند بھی تبدیل کی گئی تھی۔ اس کے بعد کراچی کنگز نے تین گیندیں قبل ہی ہدف حاصل کرتے ہوئے میچ اپنے نام کرلیا تھا۔

215 میچز میں پاکستان کی نمائندگی کرنے والے 35 سالہ فخر زمان نے میچ کے فوری بعد ہونے والی سماعت میں بال ٹیمپرنگ کے الزامات کو مسترد کیا۔

کرکٹ قوانین کے مطابق کھلاڑیوں کو سوائے گیند چمکانے کے اُس کی حالت تبدیل کرنے کی اجازت نہیں ہوتی۔ قانون 41.3.2 کے تحت کسی بھی کھلاڑی کی جانب سے گیند کی حالت میں تبدیلی جرم تصور کیا جاتا ہے۔

پاکستان سپر لیگ کے قواعد کے مطابق امپائرز اس قسم کے واقعات کی رپورٹ میچ ریفری کو دیتے ہیں، جو متعلقہ کھلاڑیوں کے خلاف مناسب کارروائی کا اختیار رکھتے ہیں۔

میچ کے دوران کراچی کنگز کی قیادت آسٹریلوی کرکٹر ڈیوڈ وارنر کر رہے تھے، جو 2018 میں آسٹریلیا کے بال ٹیمپرنگ اسکینڈل میں ملوث ہونے پر کرکٹ آسٹریلیا کی جانب سے 12 ماہ کی پابندی کا سامنا کرچکے ہیں۔

واقعے پر ردعمل دیتے ہوئے لاہور قلندرز کے کپتان اور قومی ٹیم کے فاسٹ باؤلر شاہین شاہ آفریدی نے کہا کہ انہیں اس معاملے کی مکمل معلومات نہیں، اور ٹیم ویڈیو دیکھنے کے بعد اس پر بات کرے گی۔

دوسری جانب پاکستان سپر لیگ اور پاکستان کرکٹ بورڈ سے اس واقعے پر مؤقف جاننے کے لیے رابطہ کیا گیا ہے، تاہم تاحال کوئی باضابطہ ردعمل سامنے نہیں آیا۔

پاکستان سپر لیگ (پی ایس ایل) سیزن 11 کے چھٹے میچ میں لاہور قلندرز نے ٹاس جیت کر پہلی بیٹنگ کی اور کراچی کنگز کو 129 رنز کا ہدف دیا۔

لاہور کے قذافی اسٹیڈیم میں کھیلے گئے میچ میں لاہور قلندرز کے کپتان شاہین شاہ آفریدی کا پہلے بیٹنگ کرنے کا فیصلہ درست ثابت نہ ہو سکا اور ٹیم مقررہ 20 اوورز میں 9 وکٹوں کے نقصان پر 128 رنز ہی بنا سکی۔

لاہور قلندرز کی اننگز کا آغاز انتہائی مایوس کن رہا، اوپنر فخر زمان صرف 3 رنز پر معین علی کی گیند پر اسٹمپ آؤٹ ہوگئے۔

ابتدائی نقصان کے بعد عبداللہ شفیق اور محمد نعیم نے دوسری وکٹ کے لیے 25 رنز کی شراکت داری قائم کی تاہم نعیم چوتھے اوور میں میر حمزہ کی گیند پر آؤٹ ہو گئے۔

اس کے بعد عبداللہ شفیق نے پرویز حسین ایمون کے ساتھ مل کر 28 رنز جوڑے لیکن یہ جوڑی بھی زیادہ دیر کریز پر نہ ٹھہر سکی اور دونوں کھلاڑی وقفے وقفے سے آؤٹ ہو گئے، جس کے بعد 62 کے مجموعی اسکور پر چار کھلاڑی پویلین لوٹ گئے۔

بعد ازاں وکٹ کیپر بلے باز حسیب اللہ خان اور سکندر رضا نے پانچویں وکٹ کے لیے 43 رنز کی شراکت قائم کر کے ٹیم کو سہارا دینے کی کوشش کی تاہم سکندر رضا 19 رنز بنا کر 15 ویں اوور میں عباس آفریدی کا شکار بن گئے۔

اس کے بعد لاہور قلندرز کی بیٹنگ لائن مزید دباؤ کا شکار ہو گئی، کپتان شاہین آفریدی اور اسامہ میر بھی جلد آؤٹ ہو گئے۔

لاہور قلندرز کی ٹیم آخری اوور میں صرف 3 رنز ہی بنا سکی جس کے باعث مجموعی اسکور 128 تک محدود رہا۔ عبداللہ شفیق 24 گیندوں پر 33 رنز کے ساتھ نمایاں رہے جب کہ حسیب اللہ خان نے محتاط انداز میں کھیلتے ہوئے 28 رنز بنائے۔

کراچی کنگز کی جانب سے ایڈم زیمپا، میر حمزہ اور معین علی نے دو، دو وکٹیں حاصل کیں جب کہ حسن علی، سلمان علی آغا اور عباس آفریدی نے ایک، ایک کھلاڑی کو آؤٹ کیا۔

ہدف کے تعاقب میں کراچی کنگز کے بیٹرز بھی ٹیم کو اچھا آغاز فراہم کرنے میں ناکام رہے۔ کپتان ڈیوڈ وارنر 8 رنز اور سلمان علی آغا صفر رنز پر آؤٹ ہوئے۔

اس کے بعد محمد وسیم نے ذمہ دارانہ بیٹنگ کرتے ہوئے اننگز کو سنبھالا۔ محمد وسیم 37 گیندوں پر 38 رنز بنا کر نمایاں رہے، ان کی اننگ میں 3 چوکے اور ایک چھکا شامل تھا۔

شاہین آفریدی نے 15ویں اوور میں محمد وسیم اور پھر معین علی کو آؤٹ کر کے میچ کو ایک بار پھر دلچسپ بنا دیا، اس وقت کراچی کنگز 88 رنز پر پانچ وکٹیں کھو چکی تھی۔

بعد ازاں خوشدل شاہ اور اعظم خان نے چھٹی وکٹ پر 32 رنز کی شراکت قائم کی اور میچ آخری اوور تک پہنچ گیا، جہاں کراچی کو جیت کے لیے 14 رنز درکار تھے۔

تاہم آخری اوور کے آغاز سے قبل امپائرز نے گیند کا معائنہ کیا اور اس کی حالت تبدیل ہونے پر لاہور قلندرز پر 5 رنز کا جرمانہ عائد کر دیا، جس کے بعد کراچی کو جیتنے کے لیے 9 رنز درکار تھے۔

آخری اوور میں حارث رؤف نے پہلی ہی گیند پر خوشدل شاہ کو آؤٹ کر دیا تاہم عباس آفریدی نے اگلی دو گیندوں پر ایک چوکا اور ایک چھکا لگا کر کراچی کنگز کو شاندار فتح دلا دی۔

لاہور قلندرز کی جانب سے شاہین شاہ آفریدی سب سے کامیاب بولر رہے جنہوں نے 18 رنز دے کر 4 وکٹیں حاصل کیں، جبکہ مستفیض الرحمان اور حارث رؤف نے ایک، ایک کھلاڑی کو آؤٹ کیا۔

لاہور میں میڈیا سے گفتگو کرتے ہوئے علی ترین نے کہا کہ کھلاڑیوں کے سوشل میڈیا اکاؤنٹس عموماً ہینڈلرز چلاتے ہیں کیونکہ اُن کے پاس خود سوشل میڈیا کے لیے وقت نہیں ہوتا۔

انہوں نے بتایا کہ میچ کے دوران بھی کھلاڑیوں کی جانب سے ٹویٹس جاری رہتی ہیں۔

علی ترین نے نسیم شاہ کے ایکس پر بیان کو سوشل میڈیا بلنڈر قرار دیتے ہوئے کہا کہ اسے بھی اسی تناظر میں دیکھنا چاہیے۔

اُدھر علی ترین نے شائقین کے لیے خوشخبری دیتے ہوئے کہا کہ پی ایس ایل میں کل تک شائقین کے لیے اچھی خبر آنے کی توقع ہے اور امید ہے کہ جلد اسٹیڈیم میں کرکٹ شائقین کی واپسی شروع ہو جائے گی۔

ملتان سلطانز کی حالیہ جیت کے حوالے سے علی ترین نے کہا کہ وہ ٹیم کی جیت کا کریڈٹ لینا نہیں چاہتے اور کھیل کسی بھی صورت میں شائقین کے بغیر مکمل لطف نہیں دیتا۔

انہوں نے گوہر شاہ کی ٹیم بنانے کی مہارت کو سراہا اور کہا کہ کم وقت میں اچھی ٹیم تشکیل دینا قابل تعریف ہے۔

علی ترین نے پی ایس ایل کی پروڈکشن کوالٹی پر بھی زور دیا اور کہا کہ اس کو مزید بہتر بنایا جا سکتا ہے کیونکہ اچھی پروڈکشن کے بغیر شائقین کی سپورٹ مکمل طور پر کامیاب نہیں ہو سکتی۔

علی ترین نے واضح کیا کہ ٹیم مالک کی نہیں بلکہ شائقین کی ہوتی ہے اور مالک صرف ٹیم کا کسٹوڈین ہوتا ہے۔

انہوں نے پی ایس ایل کی کامیابی کے حوالے سے کہا کہ ابتدائی پانچ فرنچائزرز کا اس میں سب سے زیادہ حصہ ہے اور شروع میں کسی کو بھی نہیں پتا تھا کہ لیگ اتنی کامیاب ہوگی یا نہیں۔

علی ترین نے اختتام پر کہا کہ پی ایس ایل ایک زبردست چیز ہے اور پورے پاکستان میں لوگ اسے دیکھتے ہیں۔

پاکستان کرکٹ بورڈ نے ضابطہ اخلاق اور سینٹرل کنٹریکٹ کی مبینہ خلاف ورزی پر نسیم شاہ کو شوکاز نوٹس جاری کر دیا ہے۔

بورڈ کی جانب سے ہدایت کی گئی ہے کہ وہ مقررہ وقت کے اندر اپنا جواب جمع کرائیں، جس کے بعد مزید کارروائی کا فیصلہ کیا جائے گا۔

ذرائع کے مطابق پی ایس ایل کی افتتاحی تقریب کے بعد نسیم شاہ کے سوشل میڈیا پلیٹ فارم ایکس اکاؤنٹ سے ایک متنازع بیان سامنے آیا تھا، جسے بعد ازاں ڈیلیٹ کر دیا گیا تھا۔ تاہم اس بیان نے کرکٹ حلقوں میں ہلچل مچا دی۔

ذرائع کا کہنا ہے کہ اگر نسیم شاہ کا جواب غیر تسلی بخش ہوا تو انہیں معطلی کا سامنا کرنا پڑ سکتا ہے، جبکہ سینٹرل کنٹریکٹ بھی خطرے میں پڑ سکتا ہے۔

واضح رہے کہ گزشہ روز پاکستان سپر لیگ (پی ایس ایل) کے افتتاح کے موقع پر وزیر اعلیٰ پنجاب مریم نواز قذافی سٹیڈیم آئیں تھیں۔

اس موقع پر نسیم شاہ کے ایکس اکاؤنٹ سے ایک پوسٹ کی گئی تھی جس میں لکھا گیا کہ ’انہیں ملکہ کی طرح کیوں پروٹوکول دیا جارہا ہے‘؟

بعدازاں کچھ دیر بعد اس پوسٹ کو ڈیلیٹ بھی کردیا گیا تھا اور نسیم شاہ کی جانب سے وضاحت بھی آئی تھی  کہ ان کا ایکس اکاؤنٹ ہیک ہو گیا تھا جسے بعد میں کامیابی کے ساتھ بحال کرا لیا گیا۔

فاسٹ باؤلر نسیم شاہ پاکستان سپر لیگ (پی ایس ایل) ایڈیشن11 میں راولپنڈیز کا حصہ ہیں۔

لاہور کے قذافی اسٹیڈیم میں کھیلے گئے رواں سیزن کے دوسرے میچ میں دونوں ٹیموں کے درمیان دلچسپ مقابلہ دیکھنے کے ملا۔

کراچی کنگز نے پہلے بیٹنگ کرتے ہوئے کوئٹہ گلیڈی ایٹرز کو 181 رنز کا ہدف دیا۔ کراچی کنگز کی پہلی وکٹ صرف تین رنز پر گری۔ سلمان علی آغا نے کپتان ڈیوڈ وارنر کے ساتھ مل کر 41 رنز کی شراکت داری قائم کی تاہم چوتھے اوور میں وہ بھی ایل بی ڈبلیو ہو گئے۔

کپتان ڈیوڈ وارنر نے 35 رنز کی اننگز کھیلی جبکہ سعد بیگ 30، سلمان آغا 22 اور اعظم خان 14 رنز بنا کر آؤٹ ہوئے۔ معین علی نے خوشدل شاہ کے ساتھ چھٹی وکٹ پر 39 رنز کی شراکت قائم کی۔ 17ویں اوور میں خوشدل بھی 12 رنز بنا کر پویلین لوٹ گئے۔

معین علی نے 29 گیندوں پر 48 رنز کی شاندار ناقابلِ شکست اننگز کھیلی، جس میں چار چوکے اور تین چھکے شامل تھے۔

کوئٹہ گلیڈی ایٹرز کی جانب سے احمد دانیال نے تین وکٹیں حاصل کیں، الزاری جوزف نے دو جبکہ عثمان طارق اور ابرار احمد نے ایک، ایک وکٹ حاصل کی۔

کوئٹہ گلیڈی ایٹرز کے اوپنرز نے دوسری اننگز میں جارحانہ انداز میں ہدف کا تعاقب شروع کیا تاہم مقررہ اوورز میں سات وکٹ کے نقصان پر 167 رنز ہی بنا سکی۔

کپتان سعود شکیل اور شمائل حسین کی اوپننگ جوڑی نے نے 79 رنز کی پارٹنرشپ قائم کی۔ سعود شکیل 33 اور شمائل حسین 52 رنز بنا کر آؤٹ ہوئے۔

رلی روسو اور بین میکڈرمٹ نے 25، 25 رنز اسکور کیے جب کہ حسن نواز 19 اور خواجہ نافع 3 رنز بنا سکے۔

حسن علی نے 4 وکٹیں حاصل کرکے ٹیم کی فتح میں اہم کردار کیا۔ ان کے علاوہ ایڈم زیمپا، معین علی اور سلمان علی آغا نے ایک، ایک وکٹ حاصل کی۔

یاد رہے کہ گزشتہ سیزن میں کوئٹہ گلیڈی ایٹرز فائنل تک رسائی حاصل کرنے میں کامیاب رہی تھی جب کہ کراچی کنگز پلے آف مرحلے میں ہی باہر ہو گئی تھی۔

کرکٹ کی تاریخ میں یہ پہلا موقع تھا جب کسی کھلاڑی نے گیند کی رنگت بدلتی دیکھی،اس صورتحال نے سوشل میڈیا پر بحث چھیڑ دی ہے اور ایونٹ کے انتظامات پر سوالیہ نشان لگا دیے ہیں۔

۔

ٹورنامنٹ کے پہلے میچ میں شاہین آفریدی کی قیادت میں لاہور قلندرز نے حیدرآباد کنگز مین کو 69 رنز سے شکست دے دی۔ لاہور قلندرز نے پہلے بیٹنگ کرتے ہوئے مقررہ 20 اوورز میں 199 رنز بنائے۔ فخر زمان 53 رنز کے ساتھ ٹاپ اسکورر رہے اور انہیں ’مین آف دی میچ‘ قرار دیا گیا۔ جواب میں حیدرآباد کی ٹیم محض 130 رنز پر ڈھیر ہوگئی۔

میچ کے دوران اس وقت سب حیران رہ گئے جب استعمال ہونے والی سفید گیند اچانک گلابی مائل نظر آنے لگی۔ قلندرز کی اننگز کے 15ویں اوور کے بعد امپائرز کو گیند تبدیل کرنی پڑی۔

سوشل میڈیا پر یہ دعویٰ کیا جا رہا ہے کہ حیدرآباد کنگز مین کی جرسی کا رنگ کچا ہونے کی وجہ سے گیند پر چڑھ گیا، جبکہ کچھ ماہرین کا خیال ہے کہ یہ اوس کی وجہ سے بھی ہو سکتا ہے۔

کھیل کے دوران کھلاڑی عموماً گیند کو اپنی جرسی یا تولیہ سے پالش کرتے ہیں تاکہ گیند کی چمک برقرار رہے اور بولرز کو سوئنگ حاصل ہو، لیکن اس بار جرسی کا رنگ گیند پر منتقل ہونے کی وجہ سے پی ایس ایل کی تنظیم پر سوالات اٹھنے لگے اور سوشل میڈیا پر لیگ کو ٹرول بھی کیا گیا۔

مشرقِ وسطیٰ کی موجودہ کشیدہ صورتحال اور ملک میں ایندھن کے بحران کے باعث، پی ایس ایل 2026 کے میچز تماشائیوں کے بغیر کھیلے جا رہے ہیں۔

پی سی بی چیئرمین محسن نقوی کے مطابق، وزیر اعظم شہباز شریف کی ہدایت پر شہریوں کی نقل و حرکت محدود رکھنے کے لیے یہ فیصلہ کیا گیا ہے۔ ٹورنامنٹ کے وینیوز بھی 6 سے کم کر کے صرف دو (لاہور اور کراچی) تک محدود کر دیے گئے ہیں اور افتتاحی تقریب بھی منسوخ کر دی گئی تھی۔

لاہور قلندرز کے کپتان شاہین شاہ آفریدی نے ٹاس جیت کر پہلے بیٹنگ کا فیصلہ کیا، جو درست ثابت ہوا۔ قلندرز نے مقررہ اوورز میں 200 رنز کا بڑا ٹارگٹ سیٹ کیا۔

فخر زمان نے عمدہ بیٹنگ کرتے ہوئے نصف سنچری اسکور کی جبکہ محمد نعیم 30 رنز بنا کر آؤٹ ہوئے۔ سکندر رضا نے 24 رنز کی اہم اننگز کھیلی، وکٹ کیپر بیٹر حسیب اللہ خان 40 رنز بنا کر ناٹ آؤٹ رہے۔

حیدرآباد کنگزمین کی جانب سے ریلی میریڈیتھ اور حسان خان نے 2،2 وکٹیں حاصل کیں جبکہ محمد علی نے ایک کھلاڑی کو آؤٹ کیا۔

200 رنز کے ہدف کے تعاقب میں حیدرآباد کنگزمین کی ٹیم صرف 130 رنز پر ڈھیر ہوگئی۔ مضبوط بیٹنگ لائن اپ کے باوجود کنگزمین کے بیٹرز قلندرز کے بالنگ اٹیک کے سامنے ناکام نظر آئے۔

کپتان مارنس لبوشانے 20 رنز کا ہندسہ عبور کرنے والے واحد بیٹر تھے جنہوں نے 26 رنز کی اننگز کھیلی اور کوئی بھی بیٹر نمایاں کارکردگی کا مظاہرہ نہ کرسکا۔

اوپنر عثمان خان تیسرے اوور میں 9 رنز بنا کر آؤٹ ہوئے، جبکہ صائم ایوب بھی 17 رنز بنانے کے بعد جلد پویلین لوٹ گئے۔ کپتان مارنس لبوشانے 26 رنز کے ساتھ نمایاں رہے۔

لاہور قلندرز کی پلیئنگ الیون کا حصہ بننے والے مقامی پلیئرز میں فخر زمان، محمد نعیم، عبداللہ شفیق، آصف علی، حسیب اللہ خان، حارث رؤف اور عبید شاہ شامل ہیں۔ بنگلا دیش کے مستفیض الرحمان اور پرویز حسین جب کہ زمبابوے کے سکندر رضا بھی لاہور قلندرز کے اسکواڈ کا حصہ ہیں۔

دوسری جانب لیگ میں شامل نئی ٹیم حیدرآباد کنگزمین نے کپتانی آسٹریلوی کرکٹر مارنس لبوشانے کے سپرد کی ہے جبکہ دیگر غیر ملکی کرکٹرز میں سری لنکا کے کوشل پریرا اور آسٹریلیا کے رلی میریڈتھ شامل ہیں۔ حیدرآباد کنگزمین کے مقامی کھلاڑیوں میں صائم ایوب، عثمان خان، حماد اعظم، حسان خان، عرفان خان، رضوان محمود، عاکف جاوید اور محمد علی حیدرآباد کے اسکواڈ کا حصہ ہیں۔

واضح رہے کہ خطے میں جاری کشیدگی کے باعث حکومت نے توانائی بحران سے بچنے کے لیے بچت پالیسی ترتیب دے رکھی ہے۔ یہی وجہ ہے کہ اس بار شائقین کو اسٹیڈیم میں داخلے کی اجازت نہیں دی گئی۔

شائقین کرکٹ اب پی ایس ایل میچز سے لطف اندوز ہونے کے لیے ٹی وی اور ڈیجیٹل پلیٹ فارمز کا رخ کر رہے ہیں۔ پی سی بی نے ایونٹ کو صرف لاہور اور کراچی تک محدود کر دیا ہے۔

جنوبی افریقہ نے شاندار آل راؤنڈ کارکردگی کی بدولت نیوزی لینڈ کو پانچویں اور فیصلہ کن ٹی20 میچ میں 33 رنز سے شکست دے کر سیریز 3-2 سے جیت لی۔

کرسٹ چرچ میں کھیلے گئے میچ میں جنوبی افریقہ نے پہلے بیٹنگ کرتے ہوئے 4 وکٹوں کے نقصان پر 187 رنز بنائے، جو سیریز کا سب سے بڑا اسکور ثابت ہوا، اور بعد ازاں اپنے چھ بولرز پر مشتمل اٹیک کے ذریعے میزبان ٹیم کو 154 رنز تک محدود رکھا۔

جنوبی افریقا کی جانب سے کانر ایسٹرہوئزن نے ایک بار پھر شاندار بیٹنگ کا مظاہرہ کرتے ہوئے 75 رنز کی دھواں دار اننگز کھیلی، جو ان کی مسلسل دوسری نصف سنچری تھی۔

انہوں نے اپنی اننگز میں 6 چھکے لگائے اور خاص طور پر آن سائیڈ پر شاندار کھیل پیش کرتے ہوئے 52 رنز اسی جانب اسکور کیے۔ روبن ہرمن نے بھی 39 رنز بنا کر اہم شراکت قائم کی، تاہم وہ اپنی اننگز کو بڑی اسکور میں تبدیل نہ کر سکے۔

ہدف کے تعاقب میں نیوزی لینڈ کی ٹیم ابتدا ہی سے دباؤ کا شکار رہی اور باقاعدہ وقفوں سے وکٹیں گنواتی رہی۔

میزبان ٹیم کی جانب سے کوئی بھی بیٹر نمایاں کارکردگی نہ دکھا سکا، جب کہ بہترین اسکور بیون جیکبز کے 36 رنز رہے۔ جمی نیشام اور جیکبز کے درمیان 52 رنز کی شراکت ہی واحد موقع تھا جب نیوزی لینڈ کچھ مزاحمت دکھا سکا، تاہم مجموعی طور پر ٹیم ہدف کے قریب بھی نہ پہنچ سکی۔

جنوبی افریقا کی بولنگ میں جیرالڈ کوئٹزی نے شاندار کارکردگی دکھاتے ہوئے 2 وکٹیں حاصل کیں اور سب سے کم اکانومی ریٹ کے ساتھ سیریز کے نمایاں بولرز میں شامل رہے۔ اوٹنیل بارٹمین اور مارکو جانسن نے بھی اہم مواقع پر وکٹیں لے کر ٹیم کی جیت میں کردار ادا کیا۔

اس میچ میں فیلڈنگ کے دوران دونوں ٹیموں کی جانب سے مجموعی طور پر کئی کیچز ڈراپ ہوئے، جس سے مقابلہ کچھ حد تک بے ترتیب بھی رہا، تاہم جنوبی افریقہ نے اپنی بہتر بیٹنگ اور بولنگ کی بدولت سیریز اپنے نام کرنے میں کامیابی حاصل کی۔

آئی سی سی کے مطابق پاکستان کے اوپنر صاحبزادہ فرحان کو فروری 2026 کے لیے آئی سی سی مینز پلیئر آف دی منتھ کے اعزاز سے نوازا گیا ہے.

پاکستانی بلے باز نے سری لنکا میں کھیلے گئے ٹی 20 ورلڈ کپ 2026 میں شاندار کارکردگی دکھائی اور وہ بیٹنگ کے میدان میں سب سے نمایاں کھلاڑی کے طور پر سامنے آئے جب کہ ان کی شاندار کارکردگی کو عالمی سطح پر تسلیم کیا گیا۔

دائیں ہاتھ کے بلے باز صاحبزادہ فرحان نے میگا ایونٹ کی صرف 6 اننگز میں 76.60 کی شاندار اوسط اور 160.25 کے اسٹرائیک ریٹ کے ساتھ مجموعی طور پر 383 رنز بنائے، جو ٹورنامنٹ میں سب سے زیادہ تھے۔

پاکستانی بلے باز کی ٹورنامنٹ میں 2 سینچریاں اور 2 نصف سنچریاں شامل تھیں اور وہ ٹی 20 ورلڈ کپ کے ایک ہی ایڈیشن میں ایک سے زائد سینچری بنانے والے پہلے کھلاڑی بن گئے۔ اس دوران انہوں نے ویرات کوہلی کا طویل عرصے سے قائم ریکارڈ توڑ کر ایک ہی ایڈیشن میں سب سے زیادہ رنز بنانے کا اعزاز بھی حاصل کیا۔

29 سالہ فرحان نے اپنی ٹیم کے ساتھی فخر زمان کے ساتھ ٹی 20 انٹرنیشنل کی تاریخ میں سب سے بڑی پارٹنرشپ (176 رنز) بھی قائم کی۔حالانکہ پاکستان سیمی فائنل میں پہنچنے میں کامیاب نہ ہو سکا لیکن فرحان کی شاندار کارکردگی نے انہیں آئی سی سی ٹیم آف دی ٹورنامنٹ میں جگہ دلوائی۔

صاحبزادہ فرحان نے 7 میچز میں 47، 73، صفر، ناقابل شکست 100، ایک میچ میں بیٹنگ نہ کی، 63 اور 100 رنز اسکور کیے، جس کی بدولت انہیں آئی سی سی ٹیم آف دی ٹورنامنٹ میں بھی شامل کیا گیا۔

ایوارڈ جیتنے پر اظہار خیال کرتے ہوئے صاحبزادہ فرحان نے کہا کہ ورلڈ کپ جیسے بڑے اسٹیج پر کارکردگی دکھانے کے بعد یہ اعزاز حاصل کرنا ایک شاندار احساس ہے۔ ان کے مطابق دنیا بھر کے شائقین کی موجودگی میں کھیلنا اس کامیابی کو مزید خاص بناتا ہے۔

انہوں نے مزید کہا کہ یہ ٹورنامنٹ ان کے لیے ہمیشہ یادگار رہے گا اور وہ آنے والی سیریز اور مقابلوں میں بھی اسی فارم کو برقرار رکھنے کے لیے پرعزم ہیں۔

پاکستانی بلے باز نے اپنی ٹیم کے ساتھیوں کا شکریہ ادا کرتے ہوئے کہا کہ ان کی مسلسل حمایت کے بغیر یہ کامیابی ممکن نہ تھی۔

اس شاندار کارکردگی کے باعث وہ سری لنکا کے خلاف پالے کیلے میں سنچری بنانے کے بعد آئی سی سی ٹی 20 بیٹنگ رینکنگ میں اپنے کیریئر کی بہترین دوسری پوزیشن پر بھی پہنچ گئے ہیں۔

یہ صاحبزادہ فرحان کے کیریئر کا پہلا آئی سی سی پلیئر آف دی منتھ ایوارڈ ہے جب کہ وہ نومبر 2024 میں حارث رؤف کے بعد یہ اعزاز حاصل کرنے والے پہلے پاکستانی مرد کرکٹر بھی بن گئے ہیں۔

محسن نقوی کی مبارکباد

چئیرمین پی سی بی محسن نقوی نے پلیئرآف دی منتھ ایوارڈ جیتنے پر صاحبزادہ فرحان کو مبارکباد پیش کی اور ان کے لیے نیک خواہشات کا اظہار کیا۔

محسن نقوی نے کہا صاحبزادہ فرحان کا اعزاز پاکستان کرکٹ کے لئے باعث فخر ہے، یہ اعزاز ان کی محنت اور پروفیشنل اپروچ کا نتیجہ ہے،امید ہے وہ اچھی کارکردگی کا تسلسل برقرار رکھیں گے۔

چیئرمین پی سی بی کا مزید کہنا تھا کہ مستقبل میں صاحبزادہ فرحان اپنی صلاحیتوں اور محنت سے مزید کامیابیاں سمیٹیں گے۔

واضح رہے کہ انگلینڈ کے ول جیکس اور امریکا کے شیڈلے وین شیلوک بھی پلیئر آف دی منتھ کے لیے نامزد ہوئے تھے۔

پاکستان کرکٹ بورڈ (پی سی بی) نے ایچ بی ایل پی ایس ایل کے 11 ویں ایڈیشن کے لیے نیا شیڈول جاری کر دیا ہے۔ حکومت پاکستان کی مشاورت اور قومی کفایت شعاری کے اقدامات کے تحت اس مرتبہ تمام میچز صرف لاہور اور کراچی میں ہوں گے جب کہ مجموعی تعداد 44 میچز کی ہوگی جو 39 دنوں میں کھیلے جائیں گے۔

پی سی بی کے جاری شدہ ترمیم شدہ شیڈول کے مطابق پی ایس ایل 11 کے میزبان شہروں کی تعداد 6 سے کم کر کے 2 کر دی گئی ہے تاکہ توانائی اور وسائل کی بچت کی جا سکے۔ لاہور اور کراچی 22، 22 میچز کی میزبانی کریں گے۔

پی ایس ایل کا افتتاحی میچ 26 مارچ کو لاہور قلندرز اور حیدر آباد کنگز مین کے درمیان لاہور میں کھیلا جائے گا۔ پہلے مرحلے میں 26 مارچ سے 6 اپریل تک 14 میچز لاہور میزبانی کرے گا جب کہ دوسرے مرحلے میں 8 سے 19 اپریل تک 15 میچز کراچی میں ہوں گے۔ اسی طرح 21 سے 26 اپریل تک 5 میچز لاہور جب کہ 6 میچز کراچی میں کھیلے جائیں گے۔

اس کے علاوہ پی ایس ایل کا کوالیفائر کراچی میں 28 اپریل کو ہوگا۔ پہلا ایلمنیٹر 29 اپریل اور دوسرا ایلمنیٹر یکم مئی کو لاہور میں ہوگا جب کہ پی ایس ایل 11 کا فائنل 3 مئی کو لاہور میں ہی کھیلا جائے گا۔

اس سال ٹورنامنٹ کو عارضی طور پر ”گھر سے دیکھیں“ ماڈل پر منتقل کیا گیا ہے، جس کے تحت براڈ کاسٹ اور پروڈکشن کے جدید فیچرز متعارف کرائے جائیں گے تاکہ شائقین کو بہتر اور زیادہ دلچسپ تجربہ فراہم کیا جا سکے۔

اس حوالے سے پی سی بی کا کہنا ہے کہ یہ ایڈیشن شائقین کی محبت اور جدید کوریج کے امتزاج کی وجہ سے اپنی تاریخ کے سب سے زیادہ دیکھے جانے والے ٹورنامنٹس میں سے ایک بن سکتا ہے۔

پی سی بی نے مزید کہا کہ اگرچہ اس مرتبہ اسٹیڈیم میں شائقین کی موجودگی نہیں ہوگی لیکن یہ اقدام توانائی کے وسائل پر دباؤ کم کرنے، بڑے آپریشنل انتظامات اور ٹرانسپورٹ و یوٹیلٹی اخراجات میں کمی کے لیے ضروری تھا۔ عام اندازے کے مطابق روزانہ تقریباً 30,000 شائقین اور متعلقہ عملہ ایک ماہ سے زائد عرصے تک سفر کرتا تو قومی وسائل پر زیادہ بوجھ پڑتا۔

پی سی بی نے یقین دلایا ہے کہ ایچ بی ایل پی ایس ایل 11 معیاری کرکٹ پیش کرنے کے ساتھ قومی ترجیحات کے مطابق چلایا جائے گا اور یہ لیگ پاکستان کی کھیلوں کی طاقت کی علامت بنے گی۔

لاہور میں پریس کانفرنس کرتے ہوئے محسن نقوی نے بتایا کہ پی ایس ایل کے انعقاد کے حوالے سے وزیرِاعظم سے مشاورت کی گئی ہے، جس کے بعد لیگ کو محدود پیمانے پر جاری رکھنے کا فیصلہ کیا گیا۔ انہوں نے اعلان کیا کہ تمام میچز بغیر تماشائیوں (کراؤڈ) کے ہوں گے اور شائقین کو اسٹیڈیم آنے کی اجازت نہیں دی جائے گی۔

چیئرمین پی سی بی کے مطابق پی ایس ایل الیون کے میچز کو صرف دو شہروں لاہور اور کراچی تک محدود کر دیا گیا ہے، جبکہ کفایت شعاری مہم کے تحت دیگر اخراجات میں بھی کمی کی جا رہی ہے۔ انہوں نے مزید کہا کہ لاہور میں ہونے والی افتتاحی تقریب کو بھی منسوخ کر دیا گیا ہے۔

محسن نقوی کا کہنا تھا کہ شائقین کو ٹکٹوں کی مد میں ادا کی گئی رقم واپس کر دی جائے گی، تاکہ عوام کو کسی قسم کی پریشانی کا سامنا نہ کرنا پڑے۔

انہوں نے واضح کیا کہ سیکیورٹی کے حوالے سے کوئی بڑا مسئلہ درپیش نہیں، تمام ادارے الرٹ ہیں اور انٹیلی جنس نظام بہترین انداز میں کام کر رہا ہے۔

انہوں نے اس بات پر زور دیا کہ پاکستان کھیلوں کے لیے ایک محفوظ ملک ہے اور بین الاقوامی کرکٹ کی بحالی کے لیے کیے گئے اقدامات جاری رہیں گے۔

چیئرمین پی سی بی نے مزید کہا کہ پی ایس ایل 11 کا نیا شیڈول جلد جاری کیا جائے گا تاکہ ٹیموں اور شائقین کو بروقت آگاہ کیا جا سکے۔

ورلڈ کرکٹرز ایسوسی ایشن نے ورلڈ لیگز کی رینکنگ جاری کر دی جس کے مطابق  پہلے نمبرپر انگلینڈ کی دی ہنڈرڈ جب کہ  جنوبی افریقا کی ایس اے ٹی 20 دوسرے نمبر پر ہے جب کہ ٹاپ 10 لیگز میں آئی پی ایل کو رینکنگ میں تیسرے نمبر پر رکھا گیا ہے۔

دی ہنڈرڈ کو 75.2 جب کہ ایس اے ٹی 20 کو 68 رینکنگ پوائنٹس دیے گئے ہیں جب کہ آئی پی ایل کو 62.6 رینکنگ پوائنٹس دیے گئے ہیں۔

گلوبل پلیئرز باڈی  کے مطابق انڈین پریمئیر لیگ کو مہنگی لیگ ہونے کے باوجود بہترین بننے کے لیے مزید بہتری کی ضرورت ہے۔آئی پی ایل کو پلیئرز رائٹس اور ویلفیئر میں بہتری لانے کی ضرورت ہے ۔

اس کے علاوہ ورلڈ کرکٹرز ایسوسی ایشن کی ورلڈ لیگز کی رینکنگ میں بی بی ایل 62.5 کے ساتھ چوتھے اور پاکستان سپر لیگ(پی ایس ایل) 48 پوائنٹس کے ساتھ پانچویں نمبر پر ہے۔

چھٹے پر ایم ایل سی ساتویں پر آئی ایل ٹی ٹوئنٹی آٹھویں پر سی پی ایل نویں پر ابوظہبی ٹی 10 اور دسویں نمبر پر بی پی ایل ہے۔

کیوی کرکٹر گلین فلپس نے پائلٹ کے طور پر اپنی مہارت کا مظاہرہ کرتے ہوئے انسٹاگرام پر ایک ویڈیو شیئر کی، جس میں وہ مہارت کے ساتھ طیارے کو محفوظ انداز میں زمین پر اتارتے دکھائی دے رہے ہیں۔

انسٹاگرام پر شیئر کی گئی ویڈیو میں گلین فلپس کو جہاز کے کنٹرولز سنبھالتے اور محفوظ طریقے سے لینڈنگ کرتے ہوئے دیکھا جا سکتا ہے جب کہ کیوی آل راؤنڈر کی اس مہارت نے مداحوں میں کافی دلچسپی پیدا کر دی ہے۔

گلین فلپس کو کرکٹ میں ایک مکمل آل راؤنڈر مانا جاتا ہے، وہ شاندار فیلڈر، کارآمد بولر، وکٹ کیپر اور پاور ہٹر ہیں، اب انہوں نے ثابت کر دیا کہ وہ میدان کے باہر بھی غیر معمولی صلاحیتوں کے مالک ہیں۔

کیوی کرکٹر اس وقت کمرشل پائلٹ لائسنس حاصل کرنے کی کوشش میں ہیں، حال ہی میں انہوں نے آرڈمور فلائنگ اسکول میں طلبہ اور انسٹرکٹرز کے ساتھ وقت بھی گزارا۔

انہوں نے کہا کہ یہ میرا بہت بڑا شوق ہے، اگر میں کرکٹر نہ ہوتا اور وسائل پاس ہوتے تو شاید میں پائلٹ ہی بنتا، مجھے فضا میں رہنا بیحد پسند ہے، کرکٹ سے ریٹائرمنٹ کے بعد پائلٹ کے طور پر کیریئر اختیار کرنا چاہوں گا۔

خطے میں کشیدہ حالات کے باوجود پاکستان سپر لیگ 11 کا میلہ بروقت سجے گا تاہم بنگلادیش کرکٹ بورڈ نے اپنے کھلاڑیوں کو پی ایس ایل کے لیے این او سی جاری کردیے ہیں جب کہ کھلاڑیوں کو نیوزی لینڈ کے خلاف سیریز کی وجہ سے جزوی این او سی جاری کیے گئے ہیں۔

بنگلادیشی میڈیا کے مطابق پی ایس ایل کی وجہ سے بنگلا دیش کے فاسٹ بولر مستفیض الرحمان کو نیوزی لینڈ کے ساتھ ٹی 20 سیریز سے چھٹی مل گئی ہے نیوزی لینڈ نے بنگلا دیش میں 17 ، 20 اور 23 اپریل کو ون ڈے میچز کی سیریز کھیلنا ہے، ٹی ٹوئنٹی میچز کی سیریز 27 اپریل، 29 اپریل اور 2 مئی کو شیڈولڈ ہے۔

بنگلا دیشی میڈیا کا کہنا ہے کہ نیوزی لینڈ کے خلاف سیریز کے لیے بنگلا دیش ٹیم کا کیمپ 27 مارچ سے شروع ہو گا۔

بنگلا دیشی میڈیا کے مطابق مستفیض الرحمان، پرویز حسین، شرف الاسلام، ناہید رانا، تنزید حسن اور ریشاد حسین کا پی ایس ایل میں معاہدہ ہے، بنگلا دیش کے پی ایس ایل میں کنٹریکٹڈ کھلاڑی کیمپ میں شرکت نہیں کریں گے جب کہ بنگلا دیش بورڈ نے تمام کھلاڑیوں کو جزوی این او سی جاری کیے ہیں۔

بی سی بی حکام کے مطابق کھلاڑیوں کو ون ڈے سیریز کے لیے دستیاب رہنے کا کہا گیا ہے، ون ڈے سیریز ورلڈ کپ کوالیفکیشن کے لیے بڑی اہم ہے، فاسٹ بولر مستفیض الرحمان کو دو حصوں میں این او سی دیا گیا ہے، مستفیض الرحمان کو 26 مارچ سے 12 اپریل اور 24 اپریل سے 3 مئی تک این او سی دیا گیا ہے۔

بی سی بی آفیشل کا کہنا ہے کہ تنزید حسن، شرف الاسلام ناہید رانا اور ریشاد حسین کو 12 اپریل تک این او سی جاری ہوئے ہیں جب کہ پرویز حسین کو 21 اپریل تک پی ایس ایل کے لیے این او سی جاری ہوا ہے۔

یاد رہے کہ غیرملکی کھلاڑی 24 مارچ کو پاکستان پہنچ کر اپنی ٹیموں کو جوائن کریں گے جب کہ ایونٹ کا آغاز 28 مارچ سے ہوگا۔

مشرق وسطی میں کشیدگی بھی پاکستان سپر لیگ کے 11 ویں ایڈیشن میں شامل غیر ملکی کھلاڑیوں کا حوصلہ پست نہ کرسکی تاہم کھلاڑی پاکستان آنے کے لیے پرعزم ہیں جب کہ زمبابوے کے کھلاڑی سکندر رضا پاکستان پہنچ بھی چکے ہیں۔

ذرائع کے مطابق آسٹریلوی اسٹار کھلاڑی اسٹیو اسمتھ، گلین میکسویل اور مارنس لبوشین نے پاکستان آنے کی یقین دہانی کروائی ہے جب کہ دیگر غیر ملکی کھلاڑیوں نے بھی اپنی فرنچائزز کو یقین دلایا ہے کہ وہ پاکستان آکر اپنے میچز کھیلیں گے۔

غیر ملکی کھلاڑیوں کی شرکت یقینی بنانے کے لیے بروقت اور محفوظ سفر کو یقینی بنایا جارہا ہے جب کہ ہنگامی حالات کے لیے فلائٹس کا بیک اپ پلان بھی تیار کر لیا گیا ہے۔

پی سی بی اور فرنچائزرز کی جانب سے مختلف ایئرلائنز میں کھلاڑیوں کی بکنگ کرائی جارہی ہے تاکہ کسی قسم کی پریشانی کا سامنا نہ کرنا پڑے۔ غیر ملکی کھلاڑیوں کے سفر کو یقنی بنانے کے لیے بڑی اور معروف ایئر لائنز کے ساتھ دوسری ایئرلائنز کو بھی استعمال کیا جائے گا۔

ذرائع کا کہنا ہے کہ تمام ٹیموں کے کھلاڑی 23 مارچ سے لاہور میں اکٹھا ہونا شروع کریں گے تاکہ پی ایس ایل 11 کے میچز کی تیاری مکمل ہو سکے۔

سری لنکن ٹیم کے سابق کپتان سنتھ جے سوریا اپنے مسلمان دوستوں کے ہمراہ افطار کرتے ہوئے سوشل میڈیا پر ایک تصویر شیئر کی۔ بدھ مت کے پیروکار جے سوریا نے انکشاف کیا کہ وہ کم عمری سے ہی رمضان المبارک میں اپنے مسلمان دوستوں کے ساتھ روزہ رکھتے آرہے ہیں۔

انہوں نے اس روایت کو اپنے کرکٹ کیریئر کے دوران بھی جاری رکھا اور اب تک برقرار رکھا ہوا ہے۔

حال ہی میں سوشل میڈیا پر وائرل ہونے والی ایک تصویر میں انہیں دوستوں کے ساتھ افطار کرتے دیکھا گیا، افطار کی اس تصویر میں کرکٹر اور ان کے دوست روایتی لوازمات، پھل، اور افطار کے دوران مشہور لال شربت کے ساتھ نظر آ رہے ہیں۔

اس تصویر کے کیپشن میں جے سوریا نے لکھا کہ ”آج رمضان میں اپنے دوستوں کے ساتھ روزہ رکھا، یہ روایت میں اپنے کھیل کے دنوں سے اپنائے ہوئے ہوں اور یہ سلسلہ آج بھی جاری ہے۔“

سابق سری لنکن کرکٹر کی اس روایت پر مداحوں نے بھرپور ردعمل دیا اور اسے کھیل کے ذریعے لوگوں کو قریب لانے کی خوبصورت مثال قرار دیا۔

ایک سوشل میڈیا صارف نے تصویر پر تبصرہ کرتے ہوئے کہا، ”آپ نہ صرف ایک عظیم کرکٹر بلکہ ایک عظیم انسان بھی ہیں۔“

ایک اور صارف نے کہا، ”لیجنڈ کرکٹر کا بہت پیارا اور حیرت انگیز رویہ، محبت، احترام اور امن کو فروغ دے رہا ہے۔ خدا آپ پر رحمت کرے، بہت اچھا اقدام۔“

کمنٹس میں صارفین نے سابق کرکٹر کے لیے نیک تمناؤں کا اظہار کیا اور ان پر محبت کی بارش کی۔

یاد رہے کہ سنتھ جے سوریا نے حال ہی میں ٹی 20 ورلڈ کپ 2026 میں پاکستان کے خلاف آخری سپر ایٹ میچ میں شکست کے بعد سری لنکن ٹیم کے ہیڈ کوچ کے عہدے سے دستبرداری اختیار کرلی تھی۔

سابق کپتان جے سوریا نے سری لنکا کی نمائندگی کرتے ہوئے 110 ٹیسٹ، 445 ون ڈے اور 31 ٹی 20 میچز کھیل رکھے ہیں جب کہ انہوں ٹیسٹ میں 6973، ون ڈے میں 13430 اور ٹی 20 میچز میں 629 رنز بنا رکھے ہیں۔ اس کے علاوہ انہوں ٹیسٹ میں 98، ون ڈے میں 323 اور ٹی 20 میں 19 وکٹیں بھی حاصل کر رکھی ہیں۔

خبر رساں ادارے الجزیرہ کے مطابق فٹبال کی عالمی تنظیم فیفا نے ایران کی ورلڈ کپ 2026 کے میچز امریکا سے میکسیکو منتقل کرنے کی درخواست مسترد کرتے ہوئے واضح کیا ہے کہ تمام میچز پہلے سے اعلان کردہ شیڈول کے مطابق ہی ہوں گے۔

فیفا نے اپنے بیان میں کہا ہے کہ وہ ایران سمیت تمام شریک رکن ممالک کے ساتھ مسلسل رابطے میں ہے اور ورلڈ کپ 2026 کے انتظامات پر بات چیت جاری ہے۔ بیان میں کہا گیا کہ 6 دسمبر 2025 کو جاری کردہ شیڈول کے مطابق ہی ٹیمیں اپنے میچز کھیلیں گی۔

دوسری جانب 28 فروری کو شروع ہونے والی امریکا اور اسرائیل کی ایران کے خلاف جنگ کے بعد ایران کی ورلڈ کپ میں شرکت پر خدشات پیدا ہوگئے تھے۔ ایران نے سیکیورٹی خدشات کے پیش نظر اپنے میچز امریکا کے بجائے میکسیکو میں منتقل کرنے کی درخواست کی تھی۔

گزشتہ ہفتے امریکی صدر ڈونلڈ ٹرمپ نے کہا تھا کہ ایران ٹیم امریکا آ سکتی ہے تاہم انہوں نے یہ بھی کہا کہ سیکیورٹی کے پیش نظر ان کی موجودگی مناسب نہیں ہوگی۔

اس بیان کے ردعمل میں ایرانی فٹبال ٹیم نے سوشل میڈیا پر کہا تھا کہ کسی کو بھی ایران کی قومی ٹیم کو ورلڈ کپ سے باہر کرنے کا اختیار نہیں ہے۔

ادھر ایرانی فٹبال فیڈریشن کے سربراہ مہدی تاج نے بھی کہا کہ جب امریکی صدر خود سیکیورٹی کی ضمانت نہیں دے سکتے تو ایران ٹیم امریکا کا سفر نہیں کرے گی، اسی لیے فیفا سے میچز میکسیکو منتقل کرنے پر بات چیت کی جا رہی ہے۔

ایران کے میکسیکو میں سفیر ابوالفضل پسندیدہ نے بھی امریکا کی جانب سے ویزا اجرا اور دیگر انتظامی تعاون میں کمی پر تحفظات کا اظہار کیا ہے۔

منگل بروز 17 مارچ سے پی ایس ایل کے 11 ویں سیزن کے ٹکٹوں کی فروخت کا باقاعدہ آغاز ہو گیا ہے، پہلے مرحلے میں ٹکٹیں دوپہر 12 بجے سے آن لائن دستیاب کی گئی ہیں جب کہ شائقین نجی کوریئر کمپنی کی ویب سائٹ سے ٹکٹ خرید سکتے ہیں۔

فزیکل ٹکٹس 24 مارچ سے ملک بھر میں نجی کوریئر کمپنی کے سینٹرز پر دستیاب ہوں گے، ایک شناختی کارڈ پر زیادہ سے زیادہ 8 ٹکٹیں خریدنے کی اجازت ہوگی۔

اس بار پاکستان سپر لیگ میں پہلی مرتبہ 8 ٹیمیں شرکت کریں گی جب کہ ایونٹ میں مجموعی طور پر 44 میچز کھیلے جائیں گے۔ میچز لاہور، کراچی، راولپنڈی، ملتان، فیصل آباد اور پشاور میں منعقد ہوں گے، جہاں فیصل آباد اور پشاور پہلی بار پی ایس ایل میچز کی میزبانی کریں گے۔

ٹکٹوں کی قیمتوں کے حوالے سے بتایا گیا ہے کہ لاہور اور کراچی اسٹیڈیمز میں جنرل ٹکٹ 250 روپے سے شروع ہوں گے، فیصل آباد میں جنرل اسٹینڈز کا ٹکٹ 300 روپے جب کہ ملتان اور راولپنڈی میں جنرل ٹکٹ 400 روپے سے دستیاب ہوگا۔

کراچی، لاہور اور راولپنڈی میں محدود تعداد میں ای ٹکٹ کی سہولت بھی فراہم کی جائے گی اور ان شہروں میں کارپوریٹ باکسز بھی دستیاب ہوں گے جب کہ تمام اسٹیڈیمز میں مختلف گیلری کے ٹکٹ بھی فروخت کے لیے رکھے گئے ہیں۔

پشاور اسٹیڈیم میں 28 مارچ کو پشاور زلمی اور راولپنڈی پنڈیز کے درمیان ہونے والے میچ کے لیے خصوصی فیملی انکلوژر مختص کیا گیا ہے جب کہ وی آئی پی فیملی زون کا ٹکٹ 2000 روپے میں دستیاب ہوگا۔

اس حوالے سے چیف ایگزیکٹو پی ایس ایل سلمان نصیر کا کہنا ہے کہ ایچ بی ایل پی ایس ایل 11 کے ٹکٹوں کی فروخت ایک نئے دور کا آغاز ہے، انہوں نے کہا کہ ٹکٹ کی قیمتیں کم رکھنے کی کوشش کی گئی ہے تاکہ زیادہ سے زیادہ شائقین اسٹیڈیم آ کر میچز سے لطف اندوز ہو سکیں۔