گزشتہ روز احمد آباد کے نریندر مودی اسٹیڈیم میں کھیلے گئے فائنل میں بھارت نے پہلے بیٹنگ کرتے ہوئے نیوزی لینڈ کے خلاف 5 وکٹوں کے نقصان پر 255 رنز بنائے، جو ٹی 20 ورلڈ کپ کی تاریخ کے کسی بھی فائنل میں بنایا گیا سب سے بڑا اسکور ہے۔

اس فتح کے ساتھ بھارت ٹی 20 ورلڈ کپ تین بار جیتنے والی دنیا کی پہلی ٹیم بھی بن گیا۔ بھارت نے اس سے قبل 2007 اور 2024 میں ٹائٹل اپنے نام کیا تھا جبکہ انگلینڈ اور ویسٹ انڈیز دو، دو بار یہ اعزاز حاصل کر چکے ہیں۔

بھارتی ٹیم نے اپنے اعزاز کا کامیاب دفاع بھی کیا، جو ٹی 20 ورلڈ کپ کی تاریخ میں پہلی بار ہوا ہے، اس کے ساتھ ہی بھارت پہلی میزبان ٹیم بھی بن گئی جس نے اپنی سرزمین پر ٹی 20 ورلڈ کپ جیتا۔

فائنل میں بھارتی بیٹرز نے جارحانہ بیٹنگ کا مظاہرہ کیا اور پاور پلے میں بغیر کسی نقصان کے 92 رنز بنائے، جو ورلڈ کپ کی تاریخ میں پاور پلے کا سب سے بڑا اسکور ہے۔

میچ میں مجموعی طور پر 27 چھکے لگائے گئے جن میں سے 18 بھارت اور 9 نیوزی لینڈ کے بلے بازوں نے لگائے، جو کسی بھی ٹی 20 ورلڈ کپ فائنل میں سب سے زیادہ چھکوں کا ریکارڈ ہے۔

بھارت کے ابھشیک شرما نے صرف 18 گیندوں پر نصف سنچری مکمل کی جو ورلڈ کپ کے ناک آؤٹ مقابلوں کی تیز ترین نصف سنچریوں میں شمار ہوتی ہے۔

بولنگ کے شعبے میں جسپریت بمراہ نے فائنل میں 4 وکٹیں حاصل کر کے ٹی 20 ورلڈ کپ کی تاریخ میں سب سے زیادہ وکٹیں لینے والے فاسٹ بولر کا اعزاز حاصل کر لیا۔ میگا ایونٹ میں ان کی مجموعی وکٹوں کی تعداد 40 ہو گئی ہے۔

ٹی 20 ورلڈ کپ کے ریکارڈ ساز اعداد و شمار

دوسری جانب ٹی 20 ورلڈ کپ 2026 ریکارڈ ساز اعداد و شمار کے ساتھ اپنے اختتام کو پہنچ گیا جب کہ میگا ایونٹ میں میں مجموعی طور پر 20 ٹیموں نے حصہ لیا اور ایونٹ میں 55 میچز کھیلے گئے۔

ایونٹ میں 7 سنچریز اور 86 نصف سنچریز سمیت مجموعی طور پر 17 ہزار 582 رنز بنائے گئے، جن میں سے 3 ہزار 270 رنز اننگز کے آخری تین اوورز میں بنے۔ پاور پلے میں مجموعی طور پر 5 ہزار 411 رنز بنے جبکہ فری ہٹ پر 101 رنز اسکور کیے گئے۔

ٹورنامنٹ کے دوران 780 چھکے اور 1434 چوکے لگائے گئے، یوں مجموعی طور پر 10 ہزار 416 رنز باؤنڈریز کی مدد سے بنے جن میں 5 ہزار 736 رنز چوکوں اور 4 ہزار 680 رنز چھکوں کے ذریعے حاصل کیے گئے۔

بیٹنگ کے شعبے میں پاکستان کے صاحبزادہ فرحان 2 سنچریز کی مدد سے 383 رنز بنا کر ایونٹ کے ٹاپ اسکورر رہے۔ وہ ٹی ٹوئنٹی ورلڈ کپ کے ایک ایڈیشن میں دو سنچریز بنانے والے پہلے بلے باز بھی بن گئے۔

رواں ایونٹ کی سب سے بڑی انفرادی اننگ کینیڈا کے یوراج سامرہ نے کھیلی جنہوں نے نیوزی لینڈ کے خلاف 110 رنز اسکور کیے جب کہ بولنگ کے شعبے میں مجموعی طور پر 12 ہزار 59 گیندیں کرائی گئیں جن میں 46 نوبالز اور 429 وائیڈ گیندیں شامل تھیں۔ بولرز نے 699 وکٹیں حاصل کیں جبکہ 14 میڈن اوورز بھی کروائے گئے۔

ایونٹ میں بھارت کے جسپریت بمراہ اور ورون چکرورتھی 14، 14 وکٹیں لے کر سب سے زیادہ وکٹیں حاصل کرنے والوں میں سرفہرست رہے جب کہ ایک اننگ میں بہترین بولنگ کا اعزاز ویسٹ انڈیز کے روماریو شیفرد کو حاصل ہوا جنہوں نے اسکاٹ لینڈ کے خلاف 20 رنز کے عوض 5 وکٹیں حاصل کیں۔

فیلڈنگ کے شعبے میں مجموعی طور پر 485 کیچز پکڑے گئے جب کہ 110 کیچز ڈراپ بھی ہوئے۔ اس کے علاوہ 123 بلے باز بولڈ، 32 ایل بی ڈبلیو، 39 رن آؤٹ جبکہ 20 دیگر طریقوں سے آؤٹ ہوئے۔

احمدآباد میں کھیلے گئے فائنل میں بھارت کی جانب سے پہاڑ جیسا ٹوٹل کیویز کو دیا گیا جسے حاصل کرنے میں نیوزی لینڈ کے بیٹرز ناکام نظر آئے۔

ٹی 20 ورلڈ کپ کے فائنل میں بھارت اور نیوزی لینڈ کی ٹیمیں احمد آباد کے نریندرا مودی اسٹیڈیم میں آمنے سامنے آئیں جہاں کیوی ٹیم کے کپتان مچل سینٹنر نے ٹاس جیت کر پہلے بھارت کو بیٹنگ کرنے کی دعوت دی۔

بھارت نے سنجو سیمسن، ایشان کشن اور  ابھیشک شرما کی شاندار بیٹنگ کی بدولٹ نیوزی لینڈ کے خلاف پہلے کھیلتے ہوئے مقررہ 20 اوورز میں 5 وکٹوں کے نقصان پر 255 رنز بنائے۔

سنجو سیمسن نے46 گیندوں پر 89، ایشان کشن نے 24 گیندوں پر 54 اور ابھیشک شرما نے 21 گیندوں پر 52 رنز کی اننگز کھیلی۔ شیوام دوبے نے 26 رنز کی ناقابل شکست اننگز کھیلی۔

نیوزی لینڈ کی جانب سے جیمز نیشم نے 3 کھلاڑیوں کو آؤٹ کیا۔ رچِن رویندرا نے 1 وکٹ حاصل کی۔

256 رنز کے ہدف کے جواب میں نیوزی لینڈ کی پوری ٹیم 19 اوور میں 159 رنز بنا کر آؤٹ ہوگئی۔

نیوزی لینڈ کی جانب ٹم سائفرٹ نے 52 اور کپتان مچل سینٹنر نے 43 رنز کے ساتھ مزاحمت کی کوشش کی تاہم بھارت کے پہاڑ جیسے ہدف کے سامنے ٹیم کو جتوا نہ سکے۔

بھارت کی جانب سے جسپریت بمراہ نے 4 اور اکشر پٹیل نے 3 کھلاڑیوں کو آؤٹ کیا۔

بھارتی میڈیا کے مطابق انٹرنیشنل کرکٹ کونسل (آئی سی سی) نے ٹی 20 ورلڈ کپ 2026 کے لیے مجموعی طور پر 13.5 ملین ڈالر کی انعامی رقم مختص کی ہے جو تقریباً 120 کروڑ بھارتی روپے بنتی ہے۔ یہ رقم گزشتہ ایڈیشن کے مقابلے میں تقریباً 20 فیصد زیادہ ہے، جس میں بھارت نے ٹائٹل اپنے نام کیا تھا۔

آئی سی سی کے اعلان کے مطابق فائنل جیتنے والی ٹیم کو 3 ملین ڈالر یعنی تقریباً 27 کروڑ 48 لاکھ بھارتی روپے دیے جائیں گے جب کہ رنرز اپ ٹیم کو 1.6 ملین ڈالر (تقریباً 14 کروڑ 65 لاکھ روپے) انعام کے طور پر ملیں گے۔

بھارتی ٹیم کے پاس اس فائنل میں ایک اور تاریخی موقع بھی موجود ہے کیوں کہ اگر وہ ٹائٹل جیتنے میں کامیاب ہوتی ہے تو وہ ٹی 20 ورلڈ کپ کا اعزاز مسلسل دوسری مرتبہ اپنے نام کرنے والی پہلی ٹیم بن جائے گی۔

احمد آباد میں ہونے والے اس ہائی پروفائل مقابلے کو دنیا بھر میں کرکٹ شائقین کی بڑی تعداد دیکھنے کی توقع ہے۔

دوسری جانب سیمی فائنل تک رسائی حاصل کرنے والی لیکن فائنل میں جگہ نہ بنانے والی ٹیموں کو بھی انعامی رقم دی جائے گی۔ ہر سیمی فائنلسٹ ٹیم کو 7 لاکھ 90 ہزار ڈالر (تقریباً 7 کروڑ 24 لاکھ بھارتی روپے) ملیں گے۔ اسی طرح سپر 8 مرحلے تک پہنچنے والی ٹیموں کو 3 لاکھ 80 ہزار ڈالر (تقریباً 3 کروڑ 48 لاکھ روپے) دیے جائیں گے۔

گروپ مرحلے سے باہر ہونے والی ٹیموں کو بھی 2 لاکھ 50 ہزار ڈالر یعنی (تقریباً 2 کروڑ 29) لاکھ بھارتی روپے دیے جائیں گے، جس کے ذریعے ٹورنامنٹ میں شریک تمام ٹیموں کو انعامی رقم میں حصہ ملے گا۔

یاد رہے کہ 2024 کے ٹی20 ورلڈ کپ میں بھارت نے فاتح بن کر 2.45 ملین ڈالرز اور رنرز اپ جنوبی افریقہ نے 1.28 ملین ڈالرز حاصل کیے تھے۔ اس کے علاوہ، بورڈ آف کنٹرول فار کرکٹ ان انڈیا نے بھارتی ٹیم کے تمام کھلاڑیوں، کوچز، اسٹاف اور ریزرو کھلاڑیوں کے لیے اضافی انعام بھی اعلان کیا تھا۔

اب سب کی نظریں احمد آباد پر ہیں، جہاں بھارت اور نیوزی لینڈ کے درمیان آئی سی سی ٹی 20 ورلڈ کپ 2026 کا فائنل آج شام ساڑھے 6 بجے شروع ہوگا اور دنیا کے سب سے بڑے کرکٹ اسٹیڈیم میں ہونے والا یہ مقابلہ شائقین کے لیے یادگار لمحے لائے گا۔

بھارت کے شہر کولکتہ کے ایڈن گارڈنز میں کھیلے گئے ٹی 20 ورلڈ کپ کے پہلے سیمی فائنل میں نیوزی لینڈ کے کپتان مچل سینٹنر نے ٹاس جیت کر جنوبی افریقا کو پہلے بیٹنگ کرنے کی دعوت دی۔

پروٹیز نے پہلے بلے بازی کرتے ہوئے مقررہ 20 اوورز میں 8 وکٹوں کے نقصان پر 169 رنز بنائے۔

مارکو یانسن 55 رنز بناکر ناقابل شکست رہے۔ اس کے علاوہ ایڈن مارکرم 18، ڈی کوک 10، ڈیوالڈ بریوس 34، ڈیوڈ ملر 6، اسٹبز 29 رنز بناکر آؤٹ ہوئے۔

نیوزی لینڈ کی جانب سے میٹ ہینری، مک کونکی اور رچن رویندرا نے 2،2 وکٹیں حاصل کیں۔

170 رنزکے ہدف کے تعاقب میں نیوزی لینڈ کی ٹیم نے ایک وکٹ کے نقصان پر با آسانی ہدف پورا کیا، کیویز کی جانب سے فن ایلن نے 100 اور سیفرٹ نے 58 رنز بنائے۔ فن ایلن نے 33 گیندوں پر ورلڈ کپ کی تیز ترین سنچری بنائی۔

اس کے علاوہ ٹم سائفرٹ نے 58 رنز بنائے،راچن وریندرہ 13 رنز بناکر ناٹ آؤٹ رہے۔

اس سے قبل ٹی ٹوئنٹی ورلڈکپ میں تیز ترین سنچری کا ریکارڈ ویسٹ انڈیز کے سابق کرکٹر کرس گیل کے پاس تھا جنہوں نے 2016 میں انگلینڈ کے خلاف 47 گیندوں پر سنچری بنائی تھی۔

واضح رہے کہ ٹی ٹوئنٹی ورلڈکپ کا دوسرا سیمی فائنل کل بھارت اور انگلینڈ کے درمیان ممبئی میں کھیلا جائے گا۔

ٹی 20 ورلڈ کپ کا پہلا سیمی فائنل آج نیوزی لینڈ اور جنوبی افریقا کی ٹیموں کے درمیان کولکتہ کے ایڈن گارڈنز میں پاکستانی وقت کے مطابق شام ساڑھے 6 بجے شروع ہوگا۔

اس سے قبل نیوزی لینڈ کی ٹیم چار اور جنوبی افریقا کی ٹیم تین مرتبہ ٹی 20 ورلڈ کپ کا سیمی فائنل کھیل چکی ہیں لیکن دونوں ٹیمیں صرف ایک مرتبہ ہی فائنل میں رسائی حاصل کرسکیں۔

جنوبی افریقا کو 2009 کے سیمی فائنل میں پاکستان اور 2014 کے سیمی فائنل میں بھارت کے ہاتھوں شکست ہوئی جب کہ 2024 کے سیمی فائنل میں افغانستان کے خلاف فتح حاصل کی تاہم 2024 کے فائنل میں جنوبی افریقا کو بھارت کے خلاف شکست کا سامنا کرنا پڑا۔

نیوزی لینڈ کو 2007 کے سیمی فائنل میں پاکستان، 2016 کے سیمی فائنل میں انگلینڈ اور 2022 کے سیمی فائنل میں پاکستان کے ہاتھوں شکست ہوئی۔

کیوی ٹیم نے 2021 کے سیمی فائنل میں انگلیںڈ کو شکست دے کر فائنل میں رسائی حاصل کی جہاں اسے آسٹریلیا کے ہاتھوں شکست کا سامنا کرنا پڑا۔

قومی ٹیم کے ذرائع کے مطابق سری لنکا اور بھارت میں کھیلے جارہے ٹی 20 ورلد کپ میں پاکستان ٹیم کی بھارت کے ہاتھوں عبرتناک شکست سمیت دیگر میچز میں فیصلے ہیڈ کوچ مائیک ہیسن کرتے رہے۔

ذرائع کے مطابق بھارت کے خلاف میچ میں عثمان طارق کو 10 اوورز کے بعد میدان میں اتارنے کا فیصلہ بھی مائیک ہیسن نے کیا تھا۔ اسی طرح فخر زمان کو ٹورنامنٹ کے آغاز سے قبل ہی آگاہ کر دیا گیا تھا کہ وہ پلیئنگ الیون کا حصہ نہیں ہوں گے۔

ذرائع کا کہنا ہے کہ مائیک ہیسن پر اختیارات کے غلط استعمال کا الزام بھی سامنے آیا ہے۔

ذرائع کے مطابق سلیکشن کمیٹی کی ابتدائی فہرست میں بابر اعظم شامل نہیں تھے تاہم مائیک ہیسن کے اصرار پر انہیں سکواڈ میں شامل کیا گیا جب کہ مسلسل ناکامیوں کے باوجود صائم ایوب کو ٹیم میں برقرار رکھا گیا جب کہ شاداب خان کو ابرار احمد پر ترجیح دی گئی۔

ذرائع کے مطابق مائیک ہیسن اور بولنگ کوچ کے مستقبل پر بھی سوالات اٹھنے لگے ہیں اور کارکردگی کا جائزہ لیا جا رہا ہے۔ اس کے علاوہ کپتان کے اختیارات بھی کوچ ہی استعمال کرتے دکھائی دیے۔

گزشتہ روز بھارت نے ویسٹ انڈیز کے خلاف ناک آؤٹ میچ میں سنجو سیمسن کی ناقابلِ شکست 97 رنز کی اننگز کی بدولت کامیابی حاصل کر کے سیمی فائنل میں جگہ بنائی۔

دفاعی چیمپئن بھارت ٹی 20 ورلڈ کپ کے ٹائٹل کا دفاع کرنے، ہوم گراؤنڈ پر ٹرافی اٹھانے اور ریکارڈ تیسری بار ٹی 20 ورلڈ کپ جیتنے کے لیے تیار ہے تاہم ناک آؤٹ مرحلے میں سخت مقابلوں کی توقع ہے۔

سیمی فائنلز کا شیڈول اور وینیوز

میگا ایونٹ کے سیمی فائنل میں پہلا مقابلہ نیوزی لینڈ اور جنوبی افریقا کے درمیان بدھ (4 مارچ) کو شام 6:30 بجے کولکتہ کے ایڈن گارڈنز میں کھیلا جائے گا جب کہ دوسرا سیمی فائنل جمعرات (5 مارچ) کو شام 6:30 بجے بھارت اور انگلینڈ کے درمیان ممبئی کے وانکھیڈے اسٹیڈیم میں کھیلا جائے گا۔

نیوزی لینڈ کا سیمی فائنل تک سفر

نیوزی لینڈ نے گروپ مرحلے میں افغانستان کو 5 وکٹوں، یو اے ای کو 10 وکٹوں اور کینیڈا کو 7 وکٹوں سے شکست دی جب کہ جنوبی افریقا سے 7 وکٹوں سے ہار کا سامنا کیا۔

اس طرح سپر ایٹ مرحلے میں نیوزی لینڈ کا پاکستان کے خلاف میچ بارش کے باعث منسوخ ہوگیا جب کہ نیوزی لینڈ نے سری لنکا کو 61 رنز سے شکست دی اور انگلینڈ سے 4 وکٹوں سے میچ ہار گیا۔

جنوبی افریقا کا سیمی فائنل تک سفر

جنوبی افریقا نے گروپ مرحلے میں کینیڈا کو 57 رنز، افغانستان کو دوسرے سپر اوور میں، نیوزی لینڈ کو 7 وکٹوں اور یو اے ای کو 6 وکٹوں سے ہرایا۔

اسی طرح سپر ایٹ مرحلے میں جنوبی افریقا نے بھارت کو 76 رنز، ویسٹ انڈیز کو 9 وکٹوں اور زمبابوے کو 5 وکٹوں سے شکست دی۔

بھارت کا سیمی فائنل تک سفر

بھارت نے گروپ مرحلے میں امریکا کو 29 رنز، نمیبیا کو 93 رنز، پاکستان کو 61 رنز اور نیدرلینڈز کو 17 رنز سے شکست دی۔

اسی طرح سپر ایٹ مرحلے میں بھارت کو جنوبی افریقا کے خلاف 76 رنز سے شکست ہوئی تاہم اس نے زمبابوے کو 72 رنز اور ویسٹ انڈیز کو 5 وکٹوں سے ہرا کر سیمی فائنل تک رسائی حاصل کی۔

انگلینڈ کا سیمی فائنل تک سفر

انگلینڈ نے گروپ مرحلے میں نیپال کو 4 رنز، اسکاٹ لینڈ کو 5 وکٹوں اور اٹلی کو 24 رنز سے شکست دی جب کہ ویسٹ انڈیز سے 30 رنز سے ہار گیا۔

اسی طرح سپر ایٹ مرحلے میں انگلینڈ نے سری لنکا کو 51 رنز، پاکستان کو 2 وکٹوں اور نیوزی لینڈ کو 4 وکٹوں سے شکست دے کر سیمی فائنل میں جگہ بنائی۔

یوں ٹی 20 ورلڈ کپ 2026 کے سیمی فائنلز میں نیوزی لینڈ، جنوبی افریقا، بھارت اور انگلینڈ کی ٹیمیں فائنل میں رسائی کے لیے مدمقابل ہوں گی۔

ٹی 20 ورلڈ کپ میں ناقص کارکردگی پر پاکستان کرکٹ بورڈ نے اہم فیصلہ کیا ہے، میگا ایونٹ سے باہر ہونے پر کھلاڑیوں کی سرزنش کرتے ہوئے 50،50 لاکھ روپے کے جرمانے عائد کردیے ہیں۔

ذرائع کے مطابق پی سی بی نے کھلاڑیوں پر واضح کیا ہے کہ اب پرفارمنس دکھانے پر ہی انہیں مالی مراعات دی جائیں گی۔

ورلڈ کپ میں پرفارم نہ کرنے پر قومی ٹیم کی ایک بار پھر سرجری کا بھی فیصلہ کرتے ہوئے بابر اعظم سمیت کئی کھلاڑیوں کو ٹی 20 کرکٹ میں نہ کھیلانے کا فیصلہ کر لیا ہے۔

ٹی 20 ورلڈ کپ میں پاکستان ٹیم نیدرلینڈز سے ابتدائی مقابلے میں شکست سے بال بال بچی پھر امریکا کو بھی ہرا دیا، سری لنکن کنڈیشنز سے واقفیت اور معیاری اسپن بولرز کی موجودگی میں اس بار بھارت کے خلاف بہتر کھیل کی توقع تھی، البتہ ایشیا کپ کے تین میچز کی طرح ناکامی ہی ہاتھ آئی۔

نمیبیا کو زیر کرکے قومی ٹیم نے سپر8 میں تو جگہ بنا لی مگر نیوزی لینڈ سے مقابلہ بارش کی نذر ہوگیا، پھر انگلینڈ کے خلاف شکست کا سامنا کرنا پڑا جس کی وجہ سے سیمی فائنل میں رسائی اگر مگر کی محتاج ہوگئی۔

انگلینڈ نے کیویز کو ہرا کر پاکستانی امیدیں جگائیں مگر سری لنکا کے خلاف ٹیم کی بمشکل فتح سے رن ریٹ بہتر نہ ہو سکا، یوں نیوزی لینڈ کو سیمی فائنل میں رسائی مل گئی اور گرین شرٹس کا سفر ختم ہوگیا۔ اس کارکردگی سے شائقین کی طرح بورڈ حکام بھی ٹیم سے خاصے ناراض ہیں۔

یاد رہے کہ اس وقت قومی کرکٹرز کی سالانہ آمدنی کروڑوں میں ہے، اے کیٹیگری پلیئر کا ماہانہ 45 لاکھ روپے معاوضہ اور آئی سی سی کی آمدنی کا شیئر 20 لاکھ 70 ہزار روپے ہے، بی کیٹیگری کو 30 لاکھ ماہانہ معاوضہ اور 15 لاکھ 52 ہزار 500 آئی سی سی شیئر دیا جاتا ہے۔

دوسری جانب ٹی 20 ورلڈ کپ میں قومی ٹیم کی ناقص کارکردگی کے بعد بڑی پیش رفت سامنے آئی ہے۔ ذرائع کے مطابق سلیکٹر علیم ڈار نے سلیکشن کمیٹی سے استعفیٰ دے دیا ہے۔

ذرائع کا کہنا ہے کہ علیم ڈار نے ٹیم کی خراب کارکردگی کی ذمہ داری قبول کرتے ہوئے اپنا استعفیٰ پیش کیا ہے۔

ٹی 20 ورلڈ کپ میں قومی ٹیم کی کارکردگی پر پہلے ہی سوالات اٹھائے جا رہے تھے اور اب اس اہم فیصلے کے بعد کرکٹ حلقوں میں مزید بحث کا آغاز ہو گیا ہے۔

کولکتہ میں کھیلے گئے سپر ایٹ مرحلے کے اہم میچ میں بھارت نے ویسٹ انڈیز کو آخری اوور میں شکست دے کر 196 رنز کا ہدف حاصل کر کے ٹی ٹوئںٹی ورلڈ کپ کے سیمی فائنل میں جگہ بنا لی۔

اس شکست کے ساتھ ہی ویسٹ انڈیز کا ٹورنامنٹ میں سفر ختم ہو گیا۔

ویسٹ انڈیز نے پہلے بیٹنگ کرتے ہوئے 4 وکٹوں کے نقصان پر 195 رنز بنائے۔

روسٹن چیس نے 40، جیسن ہولڈر نے 37 اور روومین پاؤل نے 34 رنز کا قیمتی اضافہ کیا۔ بھارت کی جانب سے سنجو سیمسن شاندار فارم میں نظر آئے اور 97 رنز بنا کر ٹیم کے ٹاپ اسکورر رہے۔

بھارت نے مقررہ ہدف آخری اوور میں حاصل کر کے میچ اپنے نام کیا۔ اس فتح کے ساتھ ورلڈکپ کی سیمی فائنلسٹ لائن اپ مکمل ہو گئی ہے۔

پہلا سیمی فائنل 4 مارچ کو جنوبی افریقا اور نیوزی لینڈ کے درمیان کھیلا جائے گا جبکہ دوسرا سیمی فائنل 5 مارچ کو انگلینڈ اور بھارت کے درمیان شیڈول ہے۔

سری لنکا کے شہر کینڈی میں پریس کانفرنس کرتے ہوئے قومی ٹیم کے کپتان سلمان علی آغا نے کہا کہ پورے ٹورنامنٹ میں ہم نے انڈر پرفارم کیا،  4 ٹورنامنٹس میں ہم سیمی فائنل میں نہیں پہنچے، پریشر میں آکر اچھے فیصلے نہیں کرپا رہے، اگر انڈر پریشر آتے رہیں گے تو یہی کچھ ہو گا،  شکست کی ذمہ داری ہم ہی لیں گے کپتان اور کوچ دونوں ذمہ داری لیں گے، ہم سلیکشن میں بھی شامل تھے پلیئنگ الیون بھی ہم نے کھلائی۔

پاکستانی کپتان نے کہا کہ کنڈیشنز کو دیکھ کر پلیئنگ الیون بناتے ہیں ہم کوچ کے ساتھ مل کر کمبی نیشن بناتے ہیں، صاحبزادہ فرحان کے علاوہ بیٹنگ میں کوئی کامیاب نہیں ہوا ، میں اپنی کپتانی کا اس وقت فیصلہ کروں گا تو یہ جذباتی پن ہوگا، واپس جا کر دو چار دن لوں گا پھر دیکھتے ہیں کیا فیصلہ کرتا ہوں۔

سلمان علی آغا نے مزید کہا کہ  فخر زمان نے غیر معمولی بیٹنگ کی ہمیں پاور پلے میں ایسی ہی بیٹنگ کی ضرورت تھی ،  ہمیں میچ سے پہلے ہی علم تھا کہ ہمیں کیسے پلان کرنا ہے تاکہ سیمی فائنل میں پہنچیں،  ہم ابھی کہہ سکتے تھےکہ فخر زمان کو پہلے چار میچز کھیلنے چاہیے تھے، فخر زمان کی اس سے قبل فارم اچھی نہیں تھی۔

واضح رہے کہ آئی سی سی مینز ٹی ٹوئنٹی ورلڈ کپ کے سپر 8 مرحلے میں پاکستان نے سری لنکا کو سنسنی خیز مقابلے کے بعد 5 رنز سے شکست دے دی لیکن ورلڈکپ سے باہر ہوگیا، پاکستان نے مقررہ 20 اوورز میں 8 وکٹوں پر 212 رنز بنائے۔ جواب میں سری لنکا کی ٹیم 207 رنز بناسکی۔

پاکستان کو سیمی فائنل میں کوالیفائی کرنے کے لیے سری لنکا کو 147 یا اس سے کم پر آؤٹ کرنا تھا تاہم پاکستانی بولرز سری لنکا کو 147 رنز پر نہ روک سکے اور گرین شرٹس ٹی ٹوئنٹی ورلڈکپ سے باہر ہوگئے۔

کینڈی میں کھیلے گئے میچ میں سری لنکن کپتان نے ٹاس جیت کر پاکستان کو بیٹنگ کی دعوت  دی۔ پاکستان نے مقررہ 20 اوورز میں 8 وکٹوں پر 212 رنز بنائے۔

جواب میں سری لنکا کی ٹیم 6 وکٹوں کے نقصان پر 207 رنز بنا سکی۔ ابراراحمد نے 3، نسیم شاہ نے ایک وکٹ حاصل کی۔ پاکستان نے صاحبزادہ فرحان اور فخرزمان کی دھواں دار اننگز کی بدولت مقررہ 20 اوورز میں 8 وکٹوں پر 212 رنز بنائے۔

صاحبزادہ فرحان اور فخر زمان نے ورلڈ کپ کی تاریخ کے سب سے بڑی اوپننگ شراکت قائم کی، دونوں بیٹرز نے سری لنکا کے خلاف 176 رنز بنائے۔

صاحبزادہ فرحان نے 58 گیندوں پر دوسری سینچری اسکور کی، انھوں نے 60 گیندوں پر100 رنز اسکور کیے، جب کہ فخرزمان نے 42 گیندوں پر84 رنز بنائے۔

ورلڈ کپ 2026 میں صاحبزادہ فرحان ایک ایڈیشن میں 2 سنچریاں بنانے والے پہلے بیٹربن گئے۔

سری لنکا کے خلاف اہم میچ میں بابراعظم، صائم ایوب اور سلمان مرزا کو پلیئنگ الیون سے ڈراپ کیا گیا، ان کی جگہ نسیم شاہ، خواجہ نافع اور ابرار احمد شامل ہیں۔

واضح رہے کہ ٹی20 ورلڈ کپ 2026 میں پاکستان سیمی فائنل کی دوڑ سے باہر ہو گیا، نیوزی لینڈ نے سیمی فائنل کے لیے کوالیفائی کرلیا، پاکستان کو سری لنکا کو 147 رنز تک محدود رکھنا تھا۔

اس گروپ سے انگلینڈ پہلے ہی سیمی فائنل کیلئے کوالیفائی کرچکا ہے جب کہ سری لنکا دوڑ سے باہر ہے۔

کینڈی میں کھیلے گئے سپر8 کے میچ میں سری لنکن کپتان نے ٹاس جیت کر پاکستان کو بیٹنگ کی دعوت دی تھی۔ پاکستان نے مقررہ 20 اوورز میں 8 وکٹوں پر 212 رنز بنائے۔

پاکستان نے صاحبزادہ فرحان اور فخرزمان کی دھواں دار اننگز کی بدولت مقررہ 20 اوورز میں 8 وکٹوں پر 212 رنز بنائے۔ صاحبزادہ فرحان نے 100 اور فخرزمان نے 84 رنز کی اننگز کھیلی۔

ٹی20 ورلڈ کپ 2026 کے سپر ایٹ کے مرحلے میں پاکستان کو سیمی فائنل میں کوالیفائی کرنے کے لیے سری لنکا کو 147 یا اس سے کم پر آؤٹ کرنا تھا۔

پاکستانی بالرز سری لنکا کو 147 رنز پر نہ روک سکے، جواب میں سری لنکا کی ٹیم نے 6 وکٹوں کے نقصان پر 207 رنزبنائے اور یوں گرین شرٹس ٹی ٹوئنٹی ورلڈ کپ سے باہر ہوگئی۔

پاکستان کے کوالیفائی نہ کرنے کی صورت میں گروپ 2  سے نیوزی لینڈ 3 پوائنٹس اور بہتر رن ریٹ کی وجہ سے سیمی فائنل میں پہنچ گیا۔

اس گروپ سے انگلینڈ پہلے ہی سیمی فائنل کیلئے کوالیفائی کرچکا ہے جب کہ سری لنکا دوڑ سے باہر ہے۔

بھارتی ویب سائٹ این ڈی ٹی وی کے مطابق گروپ 1 سے جنوبی افریقہ اور گروپ 2 سے انگلینڈ پہلے ہی سیمی فائنل کے لیے کوالیفائی کر چکے ہیں، لیکن ہر گروپ کے دوسرے سیمی فائنل کے امیدوار ابھی بھی متعین نہیں ہوئے ہیں۔ گروپ 1 میں بھارت اور ویسٹ انڈیز، جبکہ گروپ 2 میں پاکستان اور نیوزی لینڈ سیمی فائنل کی دوڑ میں ہیں۔

سپر 8 گروپ 1 میں جنوبی افریقہ کے 2 میچز میں 4 پوائنٹس اور 2.890 پلس نیٹ رن ریٹ ہے، ویسٹ انڈیز کے 2 پوائنٹس اور 1.791 پلس کا نیٹ رن ریٹ ہے۔ جبکہ بھارت کے 2 پوائنٹس اور مائنس 0.100 کا نیٹ رن ریٹ ہے، اور زمبابوے کے صفر پوائنٹس کے ساتھ مائنس 4.475 کا رن ریٹ ہے۔

یکم مارچ کو جنوبی افریقہ کا مقابلہ زمبابوے سے ہوگا جبکہ بھارت ویسٹ انڈیز سے ٹکرائے گا۔ انڈیا کو سیمی فائنل میں جگہ بنانے کے لیے ویسٹ انڈیز کے خلاف اپنا آخری میچ جیتنا لازمی ہوگا۔

اُدھر سپر 8 کے گروپ 2 میں انگلینڈ کے 3 میچز میں 6 پوائنٹس اور پلس 1.096 رن ریٹ ہے، نیوزی لینڈ کے 3 پوائنٹس کے ساتھ پلس 1.390 نیٹ رن ریٹ ہے جبکہ پاکستان کے 2 میچز میں 1 پوائنٹ اور مائنس 0.461 کا نیٹ رن ریٹ ہے اور سری لنکا کے پاس صفر پوائنٹس کے ساتھ مائنس 2.800 کا نیٹ رن ریٹ موجود ہے۔

پاکستان کو سیمی فائنل میں پہنچنے کے لیے سری لنکا کے خلاف بڑے مارجن سے کامیابی حاصل کرنا ہوگی۔ نیوزی لینڈ کو پوائنٹس اور نیٹ رن ریٹ میں پیچھے چھوڑنے کے لیے پاکستان کو محض جیتنا نہیں بلکہ قائل کن انداز میں جیتنا ضروری ہوگا۔

آئی سی سی کے مطابق نیوزی لینڈ کو نیٹ رن ریٹ میں پیچھے چھوڑنے کے لیے پاکستان نے سرلی لنکا کو 65 سے زائد رنز سے ہرانا ہوگا یا ہدف 13 اوورز کے اندر حاصل کرنا ہوگا، تاہم اصل اعداد و شمار پہلے اننگز کے بعد واضح ہوں گے۔

سیمی فائنل میں سپر 8 گروپ 1 کی پہلی پوزیشن والی ٹیم گروپ 2 کی دوسری پوزیشن والی ٹیم سے اور گروپ 2 کی پہلی ٹیم گروپ 1 کی دوسری ٹیم سے آمنے سامنے آئے گی۔

اگر دونوں ٹیمیں سیمی فائنل میں پہنچیں اور اپنے اپنے سیمی فائنل جیتیں تب فائنل میں بھارت اور پاکستان کا سامنا ہو سکتا ہے۔

کم امکانات لیکن ممکنہ صورت میں اگر زمبابوے اتوار کو جنوبی افریقہ کو بہت بڑے مارجن سے ہرا دے تو جنوبی افریقہ کا نیٹ رن ریٹ کم ہو جائے گا اور وہ 4 پوائنٹس پر ہی رُک جائے گا۔

اگر اس کے بعد بھارت ویسٹ انڈیز کو بہت بڑے مارجن سے ہرا دے تو دونوں ٹیمیں 4 پوائنٹس پر برابر ہو جائیں گی اور انڈیا ممکنہ طور پر جنوبی افریقہ کا نیٹ رن ریٹ پیچھے چھوڑ کر گروپ میں اوپر آسکتا ہے۔

اس صورت میں پاکستان گروپ میں دوسری پوزیشن پر رہے گا، اور سیمی فائنل میں انڈیا بمقابلہ پاکستان ممکن ہوگا۔

تاہم اس منظرنامے کے حقیقت میں ہونے کے امکانات انتہائی کم ہیں۔ آئی سی سی کے مطابق اگر انڈیا اور پاکستان سیمی فائنل میں آمنے سامنے ہوں گے تو یہ میچ کولمبو میں کھیلا جائے گا، جبکہ سیمی فائنل 2 ممبئی میں ہوگا اگر انڈیا کسی اور ٹیم کے خلاف سیمی فائنل میں کھیلے۔

جمعے کو کولمبو میں کھیلے گئے میگا ایونٹ کے سپر ایٹ مرحلے کے نویں میچ میں نیوزی لینڈ کے کپتان مچل سینٹنر نے ٹاس جیت کر پہلے بیٹنگ کرنے کا فیصلہ کیا۔

نیوزی لینڈ کی ٹیم نے مقررہ 20 اوورز میں 7 وکٹ پر 159 رنز بنائے، جس کے جواب میں انگلینڈ نے ہدف آخری اوور میں 4 وکٹوں کے نقصان پر پورا کرلیا۔

انگلینڈ کی نیوزی لینڈ کے خلاف فتح کے بعد ٹی 20 ورلڈ کپ میں پاکستان کو سیمی فائنل میں جانے کا سنہری موقع مل گیا اور گرین شرٹس کی امیدیں برقرار ہیں۔

نیوزی لینڈ اور پاکستان میں سے کون سی ٹیم سیمی فائنل میں جائے گی، اس کا فیصلہ کل پاکستان اور سری لنکا کے میچ میں ہوگا۔ پاکستان کو سری لنکا کو بڑے مارجن سے شکست دینا ہوگی۔

پاکستان کو سری لنکا کو کتنے رنز سے ہرانا ہوگا؟

پاکستان کل پالی کیلے میں سری لنکا کے خلاف سپر ایٹ مرحلے کا اپنا آخری میچ ایونٹ میں بقا کی جنگ کے طور پر کھیلے گا، جس میں نہ صرف گرین شرٹس کو فتح درکار ہے بلکہ اسے رن ریٹ کے لیے بھی ایک سخت چیلنج درپیش ہے، میچ پاکستانی وقت کے مطابق شام ساڑھے چھ بجے شروع ہوگا۔

پاکستان کو سیمی فائنل میں جانے کے لیے اپنے آخری میچ میں سری لنکا کو 64 رنز سے شکست دینا ہوگی اور اگر سری لنکا نے پہلے بیٹنگ کی تو ہدف کا تعاقب کرتے ہوئے پاکستان کو مطلوبہ ہدف 13 اوورز میں حاصل کرنا ہوگا جب کہ پاکستان کی ہار یا برے رن ریٹ کی وجہ سے نیوزی لینڈ 3 پوائنٹس کے ساتھ سیمی فائنل میں پہنچ جائے گا۔

واضح رہے انگلینڈ کی ٹیم سنسنی خیز مقابلے کے بعد نیوزی لینڈ کو شکست دینے کے بعد گروپ ٹو میں 6 پوائنٹس کے ساتھ پہلی پوزیشن پر پہنچ گئی ہے اور انگلش ٹیم نے پہلے ہی سیمی فائنل کے لیے کوالیفائی بھی کرچکی ہے۔

جمعے کو کولمبو میں کھیلے جارہے ٹی 20 ورلڈ کپ میں سپر ایٹ مرحلے کے گروپ ٹو کے میچ میں نیوزی لینڈ نے ٹاس جیت کر پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 159 رنز بنائے تاہم 160 رنز کا ہدف انگلینڈ کی ٹیم نے آخری اوور میں 6 وکٹوں کے نقصان پر پورا کرلیا۔

نیوزی لینڈ کی بیٹنگ

نیوزی لینڈ کی جانب سے ٹم سائفرٹ اور فن ایلن نے اننگز کا آغاز کیا اور دونوں بلے بازوں نے ابتدائی اوورز میں تیز رفتار بلے بازی کرتے ہوئے پہلی وکٹ پر 64 رنز بنائے لیکن پھر پہلی وکٹ گنوانے کے بعد ٹیم کو توازن بحال کرنا پڑا۔

ٹم سائفرٹ نے 35 رنز اور فِن ایلن نے 29 رنز کی شاندار اننگز کھیلیں جب کہ گلین فلپس 39 رنز کے ساتھ نمایاں رہے جب کہ راچن رویندرا 11 رنز بنا کر ریحان احمد کا نشانہ بنے۔

اس کے علاوہ مارک چیپمین 15 رنز، ڈیرل مِچل 3 رنز اور کپتان میچل سینٹر 9 رنز بنا کر ناٹ آؤٹ رہے جب کہ کول میک کونچی نے 14 رنز کی مدد سے ٹیم کو آخری اوور تک ہدف کے قریب پہنچایا۔

انگلینڈ کی جانب سے عادل رشید، ول جیکس اور ریحان احمد نے 2،2 وکٹیں حاصل کیں جب کہ لیام ڈاوسن نے بھی ایک وکٹ لے کر نیوزی لینڈ کی بیٹنگ لائن کو دباؤ میں رکھا۔

اس طرح نیوزی لینڈ کی ٹیم مقررہ 20 اوورز میں 7 وکٹوں کے نقصان پر 159 رنز ہی بناسکی اور انگلینڈ کو جیت کے لیے 160 رنز کا ہدف دے دیا۔

انگلینڈ کی بیٹنگ

نیوزی لینڈ کے 160 رنز کے ہدف کے تعاقب میں انگلینڈ نے مایوس کن آغاز کیا، 2 رنز پر انگلش ٹیم کے اوپنرز پویلین لوٹ گئے، فل سالٹ 2 اور جوز بٹلر صفر پر آؤٹ ہوئے۔

اس کے بعد ٹام بانٹن نے 33 رنز اور ہیری بروک نے 26 رنز بنا کر ٹیم کو مستحکم آغاز فراہم کیا جب کہ دیگر بلے بازوں میں سیم کرن 24 اور جیکب بیتھل 21 رنز بناکر آؤٹ ہوئے۔

آخر میں ول جیکس اور ریحان احمد کی 16 گیندوں پر 44 رنز کی شاندار شراکت نے فتح میں کلیدی کردار ادا کیا جب کہ انگلینڈ کی جانب سے ول جیکس اور ریحان احمد 32 اور 19 رنز بالترتیب ناٹ آؤٹ بنا کر نمایاں رہے۔

2 وکٹیں اور 18 گیندوں پر 32 رنز بنانے والے ول جیکس میچ کے ہیرو قرار پائے۔

نیوزی لینڈ کی جانب سے رچِن رویندرا نے 3 کھلاڑیوں کو آؤٹ کیا جب کہ لوکی فرگوسن، میٹ ہنری اور گلین فلپس نے ایک، ایک وکٹ حاصل کی۔

اس طرح انگلینڈ نے ہدف 19.3 اوورز میں 6 وکٹوں کے نقصان پر پورا کرلیا اور گروپ میں 6 پوائنٹس کے ساتھ پہلی پوزیشن پر پہنچ گئی اور یوں انگلینڈ کے ہاتھوں نیوزی لینڈ کو 4 وکٹوں سے شکست کے بعد گرین شرٹس کی امیدیں برقرار ہیں۔

نیوزی لینڈ اور پاکستان میں سے کوں سی ٹیم سیمی فائنل میں جائے گی، اس کا فیصلہ کل پاکستان اور سری لنکا کے میچ کے بعد ہوگا۔ پاکستان کو سری لنکا کو  بڑے مارجن سے شکست دے دینا ہوگی، ورنا نیٹ رن ریٹ کی وجہ سے نیوزی لینڈ 3 پوائنٹس کے ساتھ سیمی فائنل میں پہنچ جائے گا۔

میچ کا ٹاس

کولمبو کے آر پریما داسا اسٹیڈیم میں کھیلے جارہے ٹی 20 ورلڈ کپ کے 49 ویں میچ میں نیوزی لینڈ کے کپتان مچل سینٹنر نے انگلینڈ کے خلاف ٹاس جیت کر پہلے خود بیٹنگ کا فیصلہ کیا۔

بھارتی میڈیا کے مطابق رنکو سنگھ کے والد کھانچند سنگھ طویل عرصے سے جگر کے کینسر میں مبتلا تھے اور نئی دہلی کے نواحی علاقے میں واقع ایک اسپتال میں آج صبح انتقال کر گئے۔

مڈل آرڈر بلے باز رِنکو سنگھ نے اپنے والد کے انتقال کے باعث عارضی طور پر اسکواڈ چھوڑ دیا ہے۔ کرکٹر کے والد کے انتقال کی خبر کے بعد کرکٹ حلقوں اور مداحوں میں گہرے رنج و غم کا اظہار کیا جا رہا ہے۔

سابق کپتان ویرات کوہلی نے رنکو سنگھ کے والد کے انتقال پر انتہائی دکھ اور افسوس کا اظہار کیا ہے۔

دیگر سابق کرکٹرز نے بھی رِنکو کے والد کے انتقال پر افسوس کا اظہار کیا، ہربھجن سنگھ نے اسے خاندان کے لیے کڑا وقت قرار دیا۔

واضح رہے کہ رِنکو سنگھ سپر آئی سی سی مینز ٹی ٹوئنٹی ورلڈکپ کے سپر ایٹ مرحلے میں زمبابوے کے خلاف میچ سے قبل دوبارہ ٹیم کو جوائن کر چکے تھے تاہم وہ چنئی میں کھیلے گئے اس میچ کی پلیئنگ الیون کا حصہ نہیں بنے تھے۔ اس میچ میں بھارت نے زمبابوے کو 72 رنز کے بھاری مارجن سے شکست دے کر اہم جیت حاصل کی۔

جمعرات کو چنئی میں کھیلے جارہے ٹی 20 ورلڈ کپ کے سپر ایٹ مرحلے میں گروپ ون کے اہم ترین میچ میں بھارت نے پہلے بیٹنگ کرتے ہوئے 4 وکٹوں پر 256 رنز بنائے جو کہ ورلڈ کپ 2026 کا سب سے بڑا اسکور ہے تاہم 257 رنز کے ہدف کے تعاقب میں زمبابوے کی ٹیم مقررہ 20 اوورز میں 6 وکٹوں کے نقصان پر 184 رنز ہی بناسکی۔

بھارت کی بیٹنگ

اننگز کے آغاز سے ہی بھارتی بلے بازوں نے جارحانہ انداز اپنایا اور برق رفتاری کے ساتھ رنز بٹورے، سنجو سیمسن نے 24، ابھیشیک شرما نے 55، ایشان کشن نے 38 اور کپتان سوریا کمار یادیو نے 33 رنز بنائے۔

اختتامی اوورز میں ہاردک پانڈیا اور تلک ورما نے زمبابوین بولرز کا بھرکس نکال دیا۔ پانڈیا 23 گیندوں پر 50 اور تلک ورما 16 گیندوں پر 44 رنز بناکر ناقابل شکست رہے۔

زمبابوے کی جانب سے رچرڈ نگاراوا، بلیسنگ موزارابانی اور ٹینوٹینڈا میپوسا نے ایک، ایک وکٹ حاصل کی مگر بھارتی بلے بازوں کی جارحانہ بیٹنگ نے زمبابوے کی پلاننگ کو ناکام بنا دیا۔ بھارت کی رن ریٹ 12.80 رہی اور آخری 5 اوورز میں بغیر کوئی وکٹ گنوائے 80 رنز بنائے گئے۔

اس طرح بھارت نے مقررہ 20 اوورز میں چھکوں کی برسات کرتے ہوئے 4 وکٹوں پر 256 رنز کا پہاڑ کھڑا کر دیا، بھارتی بیٹرز نے اننگز میں مجموعی طور پر17 چھکے مارے اور زمبابوے کو جیت کے لیے 257 رنز کا ہدف دیا۔

زمبابوے کی بیٹنگ

بھارت کے 257 رنز کے پہاڑ جیسے ہدف کے تعاقب میں زمبابوے کے اوپنرز نے 44 رنز کا عمدہ آغاز فراہم کیا، جس کے بعد زمبابوے کی بیٹنگ لائن پہاڑ جیسے ہدف تلے دب گئی اور وقفے وقفے سے وکٹیں گرتی رہیں۔

دوسری طرف زمبابوے کے اوپننگ بلے باز برائن بینیٹ کریز پر ڈٹے رہے اور انہوں نے کسی بھارتی بولر کو خاطر میں لائے بغیر 97 رنز کی ناقابلِ شکست اننگز کھیلی۔ 

برائن بینیٹ کے علاوہ سکندر رضا نے 31 جب کہ مرومانی نے 20 رنز رنز بنائے۔ اس کے علاوہ دیگر کوئی بلے باز خاطر خواہ کارکردگی نہ دکھا سکا۔

بھارت کی جانب سے ارشدیپ سنگھ نے 3 کھلاڑیوں کو آؤٹ کیا جب کہ شوم ڈوبے، اکشر پٹیل اور ورون چکرورتی نے ایک ایک وکٹ لی۔ جب کہ بھارت کے ہاردیک پانڈیا کو میچ کا بہترین کھلاڑی قرار دیا گیا۔ 

اس طرح زمبابوے کی ٹیم مقررہ 20 اوورز میں 6 وکٹوں کے نقصان پر 184 رنز ہی بناسکی جب کہ بھارت نے یہ میچ 72 رنز کے بڑے مارجن سے اپنے نام کرلیا اور اس فتح کے ساتھ ہی بھارت کی سیمی فائنل میں پہنچنے کی امیدیں برقرار ہے۔

بھارت کے ہاتھوں شکست کے بعد زمبابوے کی ٹیم سیمی فائنل کی دوڑ سے باہر ہوگئی ہے جب کہ سپر ایٹ مرحلے کے گروپ ون سے جنوبی افریقا نے سیمی فائنل کے لیے کوالیفائی کرلیا ہے۔

اس گروپ سے دوسری سیمی فائنلسٹ ٹیم کا فیصلہ اتوار کو ویسٹ انڈیز اور بھارت کے میچ کے بعد ہوگا، جو ٹیم وہ میچ جیتے گی وہ اگلے مرحلے میں پہنچ جائے گی۔

میچ کا ٹاس

بھارت کے شہر چنئی میں کھیلے گئے ٹی 20 ورلڈ کپ کے 48ویں میچ میں زمبابوے کے کپتان سکندر رضا نے ٹاس جیت کر بھارت کو پہلے بیٹنگ کی دعوت دی۔

بھارت اور سری لنکا کی میزبانی میں 7 فروری سے 8 مارچ تک کھیلے جانے والے ٹی 20 ورلڈ کپ میں اب تک 4 سنچریز بن چکی ہیں۔

سری لنکا کے پاتھم نسانکا نے آسٹریلیا اور کینیڈا کے یووراج سامرہ نے نیوزی لینڈ کے خلاف سنچری اسکور کی تھی جب کہ پاکستان کے صاحبزادہ فرحان کی نمیبیا کے خلاف سنچری سے ٹی 20 ورلڈ کپ کے ایک ایڈیشن میں 3 سنچریز کا ریکارڈ قائم ہوگیا تھا۔

سپر ایٹ مرحلے میں انگلینڈ کے کپتان ہیری بروک نے پاکستان کے خلاف سنچری اسکور کرکے یہ تعداد 4 کردی۔

واضح رہے کہ اس سے قبل ٹی 20 ورلڈ کپ کے کسی بھی ایڈیشن میں 2 سے زائد سنچریز نہیں بن سکی تھیں۔ 2007 میں کھیلے ابتدائی ایڈیشن میں صرف ایک سنچری بنی تھی جب کہ 2009 میں کوئی سنچری نہ بن سکی۔

2010 میں دو سنچریز اور 2012 میں ایک ہی سنچری بن سکی جب کہ 2014 اور 2016 کے ایڈیشنز میں دو، دو سنچریز بنیں۔ اس کے علاوہ 2021 میں ایک اور 2022 میں دو سنچریز بنیں جب کہ 2024 میں کوئی سنچری نہ بن سکی تھی۔

جمعرات کو چنئی میں کھیلے جارہے میچ میں ٹی 20 ورلڈ کپ کے سپر ایٹ مرحلے میں گروپ ون کے میچ میں زمبابوے نے ٹاس جیت کر بھارت کو پہلے بیٹنگ کی دعوت دی۔

بھارت نے مقررہ 20 اوورز میں چھکوں کی برسات کرتے ہوئے 4 وکٹوں کے نقصان پر پر 256 رنز کا پہاڑ کھڑا کر دیا، بھارتی بیٹرز نے اننگز میں مجموعی طور پر17 چھکے مارے۔

بھارت کی جانب سے سنجو سیمسن نے 24، ابھیشیک شرما نے 55، ایشان کشن نے 38 اور کپتان سوریا کمار یادیو نے 33 رنز بنائے۔

اختتامی اوورز میں ہاردک پانڈیا اور تلک ورما نے زمبابوین بولرز کا بھرکس نکال دیا۔ پانڈیا 23 گیندوں پر 53 اور تلک ورما 16 گیندوں پر 44 رنز بناکر ناقابل شکست رہے۔

بھارت کے 256 رنز ٹی 20 ورلڈ کپ کی تاریخ کا دوسرا بڑا اسکور ہے۔ اس سے قبل 2007 میں سری لنکا نے ٹی ٹوئنٹی ورلڈکپ میں کینیا کے خلاف 260 رنز بنائے تھے۔

اس کے علاوہ یہ ٹی 20 ورلڈ کپ 2026 کا اب تک کا سب سے بڑا اسکور ہے، گزشتہ دنوں ویسٹ انڈیز نے زمبابوے کے خلاف ہی 254 رنز اسکور کیے تھے جب کہ آئرلینڈ نے اومان کے خلاف 235 رنز بنائے تھے جب کہ یہ بھارت کا ٹی 20 ورلڈ کپ میں کسی بھی ٹیم کے خلاف سب سے بڑا اسکور ہے۔

احمد آباد کے نریندر مودی اسٹیڈیم میں کھیلے گئے میچ میں جنوبی افریقا نے ٹاس جیت کر پہلے فیلڈنگ کا فیصلہ کیا۔ پروٹیز نے آغاز سے ہی ویسٹ انڈین بیٹرز کو اپنی تباہ کُن بولنگ سے جلد دبوچنے کی بھرپور کوشش کی۔

ویسٹ انڈیز کی ٹیم 83 رنز پر سات وکٹیں کھونے کے بعد شدید دباؤ کا شکار نظر آئی۔ جیسن ہولڈر اور روماریو شیفرڈ نے اس موقع پر ٹیم کو سنبھالا اور مجموعی اسکور 172 تک پہنچا دیا۔

دونوں بیٹرز نے جنوبی افریقا کے خلاف آٹھویں وکٹ پر 89 رنز کی پارٹنرشپ بنا کر نئی تاریخ رقم کر دی ہے۔ روماریو شیفرڈ 52 رنز بنا کر ناٹ آؤٹ رہے جب کہ جیسن ہولڈر آخری اوور میں 49 رنز بنا کر رن آؤٹ ہوگئے۔

یہ ٹی ٹوئنٹی انٹرنیشنل کرکٹ کی تاریخ میں فُل ممبر ملک کی جانب سے آٹھویں وکٹ پر اب تک کی سب سے بڑی پارٹنر شپ ہے، جس نے اسکاٹ لینڈ کے پیٹرک مومسن اور سفیان شریف کا پرانا ریکارڈ توڑ دیا ہے، جنہوں نے 80 رنز کی پارٹنر شپ قائم کی تھی۔

جنوبی افریقا کی جانب سے لونگی اینگیڈی نے 30 رنز کے عوض تین کھلاڑیوں کو آؤٹ کیا۔ کگیسو ربادا اور کوربن بوش نے 2،2 شکار کیے۔

جنوبی افریقا بیٹرز اننگز کے آغاز سے ہی ویسٹ انڈین بالنگ لائن کو تہس نہس کر کے رکھ دیا اور پاورپلے میں بغیر کسی نقصان کے 69 رنز اسکور کیے۔

جنوبی افریقا کی واحد وکٹ آٹھویں اوور میں 95 رنز کے مجموعی اسکور پر گری جب کوئنٹن ڈی کاک 24 گیندوں پر 45 رنز بنا کر آؤٹ ہوئے۔ کپتان ایڈن مارکرم 82 جب کہ رائن رکلٹن 45 رنز بنا کر ناٹ آؤٹ رہے۔

واضح رہے کہ جنوبی افریقا اس ورلڈکپ کے دوران ابھی تک ناقابلِ شکست رہی ہے۔

دوسری جانب بھارتی ٹیم اور شائقین بھی جنوبی افریقا کی اس جیت کے لیے دعاگو نظر آئے کیوں کہ اس جنوبی افریقا کی جیت سے گروپ میں اس کی پوزیشن مستحکم جب کہ ویسٹ انڈیز کی پوزیشن کمزور ہوئی ہے، جس کا ممکنہ طور پر بھارت کو فائدہ ہوسکتا ہے۔

جنوبی افریقہ کے ہاتھوں 76 رنز کی بھاری شکست کے بعد سوریہ کمار یادیو اینڈ کمپنی کی سیمی فائنل تک رسائی کی امیدیں انتہائی نازک صورتحال اختیار کرچکی ہیں۔

بھارت کو نہ صرف زمبابوے اور ویسٹ انڈیز کے خلاف اپنے باقی دونوں میچز جیتنا ہوں گے بلکہ دیگر نتائج بھی اپنے حق میں آنے کی دعا کرنا ہوگی۔ مجموعی طور پر اب بھارتی ٹیم کسی بھی قسم کی لغزش کی متحمل نہیں ہوسکتی۔

یہ مقابلہ چیپوک میں رات کے وقت کھیلا جائے گا۔ اس دوران گراؤنڈ میں دوسری اننگز کے دوران خاصی اوس پڑتی ہے، جس کے باعث بیٹنگ نسبتاً آسان جبکہ بولنگ مشکل ہوجاتی ہے۔ ایسی صورتحال میں گیند بازوں کو گیند پر گرفت برقرار رکھنے میں دشواری پیش آتی ہے۔

بھارتی اخبار دی انڈین ایکسپریس کی ایک رپورٹ کے مطابق میچ میں برابری برقرار رکھنے کے لیے چیپوک اسٹیڈیم میں پہلی بار ایک نیا درآمد شدہ کیمیکل ’ڈیو کیور‘ استعمال کیا جارہا ہے۔ رپورٹ میں بتایا گیا کہ یہ کیمیکل امریکا سے منگوایا گیا ہے۔

’ڈیو کیور‘ کو منگل اور بدھ کے روز میدان پر اسپرے کیا گیا، جبکہ جمعرات کی سہ پہر بھی اس کا استعمال دہرانے کا منصوبہ ہے تاکہ بھارت اور زمبابوے کے درمیان رات کے میچ میں اوس کے اثرات کو کم کیا جاسکے۔

میچ کے دوران نمی کا تناسب 80 سے 90 فیصد کے درمیان رہنے کی پیشگوئی ہے، جس کے باعث دوسری اننگز کے نصف حصے تک آؤٹ فیلڈ ہموار اور گیند نم ہوسکتی ہے۔

روایتی طور پر چیپوک کی وکٹ اسپنرز کے لیے سازگار سمجھی جاتی ہے۔ یہاں گیند گرفت حاصل کرتی ہے، ٹرن لیتی ہے اور بیٹنگ کے لیے صبر آزما حکمت عملی درکار ہوتی ہے۔ تاہم جب گھاس پر نمی جم جاتی ہے اور سفید گیند پھسلنے لگتی ہے تو اسپنرز کو حاصل برتری کم ہوجاتی ہے۔ لینتھ بالز تیزی سے بلے پر آتی ہیں، غلط وقت پر کھیلے گئے شاٹس بھی دور تک چلے جاتے ہیں اور گیند بازوں کے لیے غلطی کی گنجائش کم جبکہ بلے بازوں کے لیے آسانی بڑھ جاتی ہے۔

ایسی صورتحال میں ٹاس کی اہمیت رسمی کارروائی سے کہیں زیادہ ہوجاتی ہے۔ چنئی میں فلڈ لائٹس کے نیچے جب زیادہ اوس متوقع ہو تو کپتان عموماً ہدف کے تعاقب کو ترجیح دیتے ہیں۔ گیلی گیند کے ساتھ ہدف کا دفاع کرنا ایک بالکل مختلف مہارت کا تقاضا کرتا ہے۔ گرفت غیر یقینی ہوجاتی ہے، سلوئر گیندوں کی کاٹ کم ہوجاتی ہے اور یارکر درست انداز میں کرانا مشکل ہوجاتا ہے۔

بھارت اور زمبابوے دونوں اپنے اپنے سپر ایٹ مقابلوں میں شکست کے بعد چیپوک پہنچے ہیں۔ دفاعی چیمپئن بھارت کو جنوبی افریقہ نے بری طرح زیر کیا تھا۔ دوسری جانب زمبابوے کو ویسٹ انڈیز کے خلاف 107 رنز کی بدترین شکست کا سامنا کرنا پڑا تھا، جس میں بیٹنگ اور بولنگ دونوں شعبوں میں کمزوریاں واضح ہوکر سامنے آئی تھیں۔

کولمبو میں کھیلے گئے ٹی 20 ورلڈ کپ میں سپر 8 مرحلے کے گروپ ٹو کے میچ سری لنکا کی دعوت پر نیوزی لینڈ نے پہلے بیٹنگ کرتے ہوئے مقررہ 20 اوورز میں 7 وکٹ پر 168 رنز بنائے جب کہ کیویز کی جانب سے مچل سینٹنر 47 اور میکونچی 31 رنز بناکر نمایاں رہے۔

169 رنز کے ہدف کے تعاقب میں سری لنکن ٹیم مقررہ 20 اوورز میں 8 وکٹوں کے نقصان پر صرف 107 رنز بناسکی اور یوں نیوزی لینڈ نے 61 رنز سے کامیابی حاصل کرلی۔

سپر ایٹ مرحلے میں انگلینڈ اور نیوزی لینڈ سے مسلسل دو شکستوں کے بعد سری لنکن ٹیم ٹی 20 ورلڈ کپ کے سیمی فائنل کی دوڑ سے باہر ہوگئی اور ساتھ ہی  پاکستان کا سیمی فائنل میں پہنچنا مزید مشکل ہوگیا۔

 سری لنکا کے خلاف فتح کے بعد نیوزی لینڈ کا رن ریٹ پلس 3.05 ہوگیا ہے جب کہ پاکستان کا رن ریٹ مائنس 0.46 ہے۔

نیوزی لینڈ کی ٹیم گروپ ٹو میں اپنا آخری میچ جمعے کو انگلینڈ کے خلاف کھیلے گی جب کہ پاکستان اپنا آخری میچ ہفتے کو سری لنکا کے خلاف کھیلے گا، نیوزی لینڈ ٹیم انگلینڈ سے میچ ہاری تو پاکستان کا کچھ چانس باقی رہے گا۔

انگلینڈ کے ہاتھوں نیوزی لینڈ کی شکست کے بعد بھی پاکستان کو سری لنکا سے بڑے مارجن سے میچ جیتنا ہوگا، اگر نیوزی لینڈ نے انگلینڈ کو شکست دے دی تو پاکستان ٹیم سری لنکا کے میچ سے قبل ہی سیمی فائنل کی دوڑ سے باہر ہوجائے گی۔

واضح رہے کہ اس گروپ سے انگلینڈ کی ٹیم پہلے ہی میگا ایونٹ کے سیمی فائنل میں کوالیفائی کر چکی ہے۔

بدھ کو کولمبو میں کھیلے جارہے ٹی 20 ورلڈ کپ کے سپر ایٹ مرحلے میں گروپ ٹو کے میچ میں سری لنکا کی دعوت پر پہلے بیٹنگ کرتے ہوئے نیوزی لینڈ نے مقررہ 20 اوورز میں 7 وکٹوں کے نقصان پر 168 رنز اسکور کیے تاہم 169 رنز کے ہدف کے تعاقب میں سری لنکا کی ٹیم مقررہ 20 اوورز میں 8 وکٹوں کے نقصان پر صرف 107 رنز ہی بناسکی۔

نیوزی لینڈ کی بیٹنگ

نیوزی لینڈ نے دھواں دار انداز میں اننگز کا آغاز کیا تاہم مڈل میں سری لنکا نے نیوزی لینڈ کو قابو کیا اور اسے 86 رنز پر 6 وکٹوں سے محروم کردیا۔

نیوزی لینڈ کے رچن رویندا 32، فِن ایلن نے 23 ، گلین فلپس 18، ٹِم سائفرٹ 8، ڈیرل مچل 3 اور مارک چیپمن صفر کے انفرادی اسکور پر آؤٹ ہوئے۔

اس کے بعد ساتویں وکٹ پر کپتان مچل سینٹنر اور کول میک کونچی نے 48 گیندوں پر 84 رنز کی برق رفتار پارٹنرشپ بنا کر ٹیم کو 7 وکٹوں پر 168 رنز کے ٹوٹل تک پہنچایا۔ کیویز کی جانب سے کپتان مچل سینٹنر 47 رنز بنا کر نمایاں رہے جب کہ کول مکونکی نے ناٹ آؤٹ 31 رنز کی باری کھیلی۔

سری لنکا کی جانب سے مہیش تھیکشانا اور دشمانتھا چمیرا نے 3، 3 کھلاڑیوں کو آؤٹ کیا جب کہ دونِتھ ویلالگے نے 1 وکٹ حاصل کی۔

اس طرح نیوزی لینڈ کی ٹیم مقررہ 20 اوورز میں 7 وکٹوں کے نقصان پر 168 رنز بنانے میں کامیاب ہوئی اور سری لنکا کو جیت کے لیے 169 رنز کا ہدف دیا۔

سری لنکا کی بیٹنگ

نیوزی لینڈ کے 169 رنز کے ہدف کے تعاقب میں سری لنکا کی اننگز کا آغاز مایوس کن رہا اور ٹرننگ وکٹ پر پہاڑ جیسے ہدف کے تعاقب میں سری لنکن بیٹرز کی ایک نہ چل سکی۔

اس کے ابتدائی 4 بلے باز نوویں اوور میں 29 رنز پر ہی پویلین لوٹ گئے، پہلے ہی اوور میں پاتھم نسانکا صفر پر آؤٹ ہوگئے، اس کے بعد کوشل مینڈس اور چریتھ اسالانکا بھی زیادہ دیر وکٹ پر نہ ٹھہر سکے، کوشل مینڈس 11، چریتھ اسالانکا 5 اور پون رتنانائیکے 10 رنز بنا آؤٹ ہوگئے۔

پانچویں وکٹ پر داسن شناکا اور کمنڈو مینڈس نے 16 رنز بنائے تاہم 46 کے مجموعے پر شناکا بھی 3 رنز بناکر آؤٹ ہوگئے جب کہ چھٹی وکٹ پر سری لنکا نے 13 رنز بنائے تاہم 59 کے مجموعے پر ہیمانتھا بھی کیچ دے بیٹھے۔

درمیانی اوورز میں کمیندو مینڈس اور دنتھ ویلالاگے نے کچھ مزاحمت کی تاہم مطلوبہ رن ریٹ بڑھتا چلا گیا، تاہم سری لنکا کو ساتواں نقصان 77 رنز پر اٹھانا پڑا، جب سری لنکا کی آخری امید کمنڈو مینڈس بھی 31 رنز بناکر پویلین لوٹ گئے، سری لنکا کی آٹھویں وکٹ 105 رنز پر گری جب ویلالاگے 29 رنز بنا کر آؤٹ ہوگئے۔

نیوزی لینڈ کی جانب سے رچن روِیندرا نے 4 اور میٹ ہینری نے 2 کھلاڑیوں کو آؤٹ کیا جب کہ مچل سینٹنر اور گلین فلپس ایک، ایک وکٹ لے سکے۔

اس طرح سری لنکا کی ٹیم مقررہ 20 اوورز میں 8 وکٹوں کے نقصان پر 107 رنز بناسکی اور نیوزی لینڈ نے یہ میچ 61 رنز کے بڑے مارجن سے اپنے نام کرلیا جب کہ اس جیت کے ساتھ ہی کیوی ٹیم ky میگا ایونٹ کے سیمی فائنل کے لیے پہنچنے کی امیدیں روشن ہیں۔

سری لنکا آؤٹ، پاکستان کی مشکلات میں بھی اضافہ

سری لنکا اور نیوزی لینڈ کے درمیان سپر ایٹ گروپ ٹو کا یہ میچ ایونٹ میں پاکستان اور سری لنکا دونوں کی بقا کے لیے اہمیت کا حامل تھا، جہاں مسلسل دو شکستوں کے بعد اب سری لنکا کا ورلڈ کپ میں سفر ختم ہوگیا ہے جب کہ پاکستان کے سیمی فائنل میں پہنچنے کے چانسز بھی مزید کم ہوگئے۔  سری لنکا کے خلاف فتح کے بعد نیوزی لینڈ کا رن ریٹ پلس 3.05 ہوگیا جب کہ پاکستان کا رن ریٹ مائنس 0.46 ہے۔

نیوزی لینڈ گروپ میں آخری میچ جمعہ کو انگلینڈ کے خلاف کھیلے گی جبکہ پاکستان اپنا آخری میچ ہفتے کو سری لنکا کے خلاف کھیلے گا، نیوزی لینڈ ٹیم انگلینڈ سے میچ ہاری تو پاکستان کا کچھ چانس باقی رہے گا۔

انگلینڈ کے ہاتھوں نیوزی لینڈ کی شکست کے بعد بھی پاکستان کو سری لنکا سے بڑے مارجن سے میچ جیتنا ہوگا، اگر نیوزی لینڈ نے انگلینڈ کو شکست دے دی تو پاکستان ٹیم سری لنکا کے میچ سے قبل ہی سیمی کی دوڑ سے باہر ہوجائے گی۔

میچ کا ٹاس

کولمبو کے آر پریماداسا اسٹیڈیم میں کھیلے جارہے میگا ایونٹ کے سپر ایٹ مرحلے کے 46 ویں میچ میں سری لنکا کے کپتان داسن شناکا نے نیوزی لینڈ کے خلاف ٹاس جیت کر پہلے فیلڈنگ کرنے کا فیصلہ کیا۔

اس میچ کےلیے سری لنکا کی ٹیم میں ایک تبدیلی کی گئی ہے جہاں کامل مشرا کی جگہ پر تجربہ کار چریتھ اسالانکا کو ٹیم میں شامل کیا گیا ہے۔

سری لنکا کا اسکواڈ

سری لنکا کی ٹیم میں کپتان داسن شناکا، پاتھم نسانکا، کوشل مینڈس، چریتھ اسالانکا، پوان رتنانائیکے، کمنڈو مینڈس، دنتھ ویلالاگے، دشان ہیمانتھا، دشمانتھا چمیرا، مہیش تھیکشانا اور دلشان مدوشنکا شامل ہیں۔

نیوزی لینڈ کا اسکواڈ

نیوزی لینڈ کی ٹیم کپتان مچل سینٹنر، ٹم سیفرٹ، فین ایلن، راچن رویندرا، گلین فلپس، مارک چیپمین، ڈیرل مچل، کول میک کونچی، میٹ ہینری، اش سوڈھی اور لوکی فرگوسن پر مشتمل ہے۔

یہ میچ ٹی 20 ورلڈ کپ کی انتہائی اہم مرحلے کی حیثیت رکھتا ہے، جہاں گروپ 2 کی ٹیمیں سپر ایٹ میں اپنی پوزیشن مضبوط کرنے کے لیے لڑ رہی ہیں۔

سپر ایٹ مرحلے میں ٹیموں کو دو گروپس میں تقسیم کیا گیا ہے۔ گروپ ون میں بھارت، جنوبی افریقا، ویسٹ انڈیز اور زمبابوے شامل ہیں، جب کہ گروپ ٹو میں انگلینڈ، نیوزی لینڈ، سری لنکا اور پاکستان مدمقابل ہیں۔

ٹی 20 ورلڈ کپ 2026 کے سپر ایٹ مرحلے کے گروپ وَن میں ویسٹ انڈیز کی پوزیشن فی الحال سب سے زیادہ مستحکم ہے۔ ویسٹ انڈیز اس وقت 2 پوائنٹس اور انتہائی مضبوط نیٹ رن ریٹ کے ساتھ گروپ میں سرِفہرست ہے۔

سپر ایٹ کے اپنے پہلے میچ میں زمبابوے کے خلاف 107 رنز سے جیتنے کے بعد کیریبین ٹیم کو گروپ ون سے سیمی فائنل میں جانے والی پہلی ٹیم تصور کیا جارہا ہے۔

ویسٹ انڈیز کے ابھی دو میچز باقی ہیں، صرف ایک میچ میں کامیابی کی صورت میں وہ سیمی فائنل کے لیے کوالیفائی کر جائے گی۔ یعنی بہترین نیٹ رن ریٹ کے ساتھ ویسٹ انڈیز اب سیمی فائنل سے محض ایک فتح کے فاصلے پر ہے۔

اگر ویسٹ انڈیز اپنے دونوں بقیہ میچز ہار جاتا ہے، تب بھی ان کے پاس موقع رہے گا بشرطیکہ وہ بہت بڑے مارجن سے نہ ہاریں۔ ایسی صورت میں گروپ کی دیگر ٹیموں کے نتائج اور نیٹ رن ریٹ کا موازنہ کیا جائے گا، جہاں ویسٹ انڈیز کو رن ریٹ کی وجہ سے یقینی برتری حاصل رہے گی۔

جنوبی افریقا اس وقت گروپ میں دوسرے نمبر پر براجمان ہے۔ پروٹیز ٹیم نے سپر ایٹ مرحلے کے پہلے میچ میں دفاعی چیمپئن بھارت کے خلاف بھارت کے خلاف آؤٹ کلاس بالنگ اور بیٹنگ کے جوہر دکھا کر اپنے عزائم واضح کر دیے تھے۔

محض 20 رنز پر 3 وکٹیں گنوا دینے کے بعد ڈیوڈ ملر اور ڈیوالڈ بریوس کی 97 رنز کی شراکت داری نے جنوبی افریقا کو 188 رنز تک پہنچایا۔ بعد ازاں پروٹیز بولرز نے بھارتی بیٹنگ لائن کا بوریا بستر 111 رنز پر لپیٹ دیا۔

بھارت کے خلاف 76 رنز سے بڑی جیت نے نہ صرف جنوبی افریقا کی گروپ میں پوزیشن مستحکم کی بلکہ نیٹ رن ریٹ بھی بہتر بنا دیا ہے۔

اگر جنوبی افریقا اپنے اگلے دونوں میچز جیت لیتا ہے تو وہ 6 پوائنٹس کے ساتھ گروپ میں پہلے نمبر پر آجائے گا اور براہِ راست سیمی فائنل کے لیے کوالیفائی کر لے گا۔

تاہم ایک میچ میں شکست کی صورت میں صورتِ حال اگر مگر کا شکار ہوجائے گی۔ اس صورت میں ویسٹ انڈیز کی بھارت اور بھارت کی زمبابوے کو شکست جنوبی افریقا اور ویسٹ انڈیز کو سیمی فائنل میں پہنچا دے گی۔

بھارت اس وقت گروپ وَن کے موجودہ پوائنٹس ٹیبل میں تیسرے نمبر پر موجود ہے۔ جنوبی افریقا کے ہاتھوں شکست بھارت کی ٹی ٹوئنٹی ورلڈ کپ میں 13 میچز کے بعد پہلی ہار تھی۔

رواں ایونٹ کے دوران بھارت کا ٹاپ آرڈر مسلسل مشکلات کا شکار رہا ہے اور حالیہ تین میچوں میں پہلے اوور میں وکٹ گنوانا بھارت کے لیے ایک بڑا مسئلہ بن چکا ہے۔

بھارت کو سیمی فائنل میں جانے کی امید برقرار رکھنے کے لیے ویسٹ انڈیز اور زمبابوے کو لازمی ہرانا ہوگا۔ اگر بھارت ایک بھی میچ ہارا تو وہ سیمی فائنل کی دوڑ سے تقریباً باہر ہو جائے گا۔

اگر بھارت اپنے اگلے دونوں میچز جیت جائے اور جنوبی افریقا بھی اپنے اگلے دونوں میچز جیت لے تو جنوبی افریقا 6 پوائنٹس کے ساتھ پہلے اور بھارت 4 پوائنٹس کے ساتھ دوسرے نمبر پر رہتے ہوئے سیمی فائنل کے لیے کوالیفائی کر جائے گا۔ اس صورت میں نیٹ رن ریٹ کا مسئلہ نہیں رہے گا۔

دوسری جانب بھارت کی دونوں میچ میں کامیابی اور جنوبی افریقا کی اپنے بقیہ دونوں میچز میں شکست سے بھارت اور ویسٹ انڈیز سیمی فائنل میں پہنچ جائیں گے۔

تاہم اگر بھارت اپنے دونوں میچ جیت جائے لیکن ویسٹ انڈیز جنوبی افریقا کو ہرا دے تو بھارت، جنوبی افریقا اور ویسٹ انڈیز تینوں کے 4، 4 پوائنٹس ہو سکتے ہیں۔ ایسی صورت میں فیصلہ نیٹ رن ریٹ پر ہوگا، جہاں بھارت کو نیٹ رن ریٹ بہتر کرنے کے لیے زمبابوے اور ویسٹ انڈیز کے خلاف بہت بڑے مارجن سے جیتنا ہوگا۔

زمبابوے کا نیٹ رن ریٹ ویسٹ انڈیز سے بڑے مارجن سے شکست کے بعد شدید متاثر ہوا ہے۔ زمبابوے کو اگلے مرحلے میں رسائی کے لیے بھارت اور جنوبی افریقا دونوں کو بڑے مارجن سے شکست دینا ضروری ہے۔

گروپ ٹو

سپر 8 مرحلے کے گروپ ٹو میں انگلینڈ سیمی فائنل کے لیے کوالیفائی کرنے والی پہلی ٹیم بن چکی ہے۔ جب کہ دوسری سیمی فائنلسٹ ٹیم کے لیے پاکستان، نیوزی لینڈ اور سری لنکا کے درمیان کانٹے کا مقابلہ جاری ہے۔

انگلینڈ نے سری لنکا اور پاکستان کے خلاف مسلسل فتوحات کے بعد سیمی فائنل میں جگہ پکی کی ہے۔ اب وہ گروپ میں ٹاپ پوزیشن کے لیے نیوزی لینڈ کا سامنا کرے گا۔

پاکستان کے خلاف میچ بارش کی نذر ہونے کے باعث نیوزی لینڈ کو ایک پوائنٹ ملا تھا۔ پاکستان کی دو میچز میں شکست کے بعد اب کیویز کے لیے سیمی فائنل میں رسائی کے لیے راستہ بالکل صاف ہے۔

سری لنکا اور انگلینڈ کے خلاف اپنے اگلے دونوں میچز میں فتح کی صورت میں نیوزی لینڈ 5 پوائنٹس کے ساتھ سیمی فائنل میں پہنچ سکتا ہے۔ دونوں میچز میں کسی ایک میں فتح کی صورت میں نیٹ رن ریٹ فیصلہ کُن کردار ادا کر سکتا ہے۔

پاکستان اس وقت غیر یقینی کی صورتِ حال کا شکار ہے اور اس کی سیمی فائنل تک رسائی کی امیدیں اب دوسری ٹیموں کے نتائج پر منحصر ہیں۔

پاکستان کا نیوزی لینڈ کے خلاف سپر ایٹ مرحلے کا پہلا میچ بارش سے متاثر ہوا جب کہ دوسرے میچ میں اسے انگلینڈ سے شکست ہوئی۔

اب اگر نیوزی لینڈ اپنے بقیہ دونوں میچز جیت لیتا ہے تو پاکستان ایونٹ سے باہر ہو جائے گا۔ تاہم کیوی ٹیم کی ایک یا دونوں میچز میں شکست کی صورت میں پاکستان کے لیے سیمی فائنل تک رسائی کا چانس برقرار رہے گا، تاہم فیصلہ نیٹ رن ریٹ پر منحصر ہوگا۔

پاکستان کو سیمی فائنل میں پہنچنے کے لیے اپنے آخری میچ میں سری لنکا کو بڑے مارجن سے شکست دینا ہوگی۔ دوسری صورت میں نیوزی لینڈ اپنے دونوں میچز ہار جائے یا کم از کم انگلینڈ سے بڑے مارجن سے شکست کھائے تو پاکستان کا بہتر رن ریٹ اسے سیمی فائنل تک پہنچانے میں معاون ثابت ہوسکتا ہے۔

آسٹریلیا کو شکست دینے کے بعد سری لنکا تسلسل برقرار نہ رکھ سکا اور زمبابوے و انگلینڈ سے ہار گیا۔ بیٹنگ میں عدم استحکام ٹیم کے لیے مسئلہ بنا ہوا ہے۔ سیمی فائنل کی دوڑ میں رہنے کے لیے سری لنکا کو اپنے اگلے دونوں میچز جیتنا ہوں گے۔

سری لنکا گروپ مرحلے میں آسٹریلیا کو شکست دینے کے بعد جیت کا تسلسل برقرار نہ رکھ سکا اور زمبابوے کے بعد انگلینڈ سے بھی ہار گیا۔

بیٹنگ میں عدم استحکام سری لنکن ٹیم کے لیے مسئلہ بنا ہوا ہے۔ سیمی فائنل کی دوڑ میں رہنے کے لیے سری لنکا کو اپنے اگلے دونوں میچز بڑے مارجن سے جیتنا ضروری ہیں اور ساتھ ہی انگلینڈ کی نیوزی لینڈ کے خلاف جیت کی امید کرنا ہوگی تاکہ وہ نیٹ رن ریٹ پر کوالیفائی کر سکیں۔

نیوزی لینڈ اور سری لنکا گروپ ٹو کے دوسرے میچ میں آج شام کولمبو میں آمنے سامنے آئیں گے، یہ میچ گروپ ٹو کی صورتحال کو واضح کرنے میں اہم کردار ادا کرے گا۔

منگل کو پالی کیلے میں کھیلے گئے ٹی 20 ورلڈ کپ میں سپر ایٹ کے گروپ ٹو کے میچ میں انگلینڈ نے پاکستان کو سنسنی خیز مقابلے کے بعد 2 وکٹوں سے شکست دے کر میگا ایونٹ کے سیمی فائنل میں اپنی جگہ بنالی ہے۔

اس شکست کے بعد پاکستان کا سیمی فائنل میں پہنچنے کا سفر مشکل اور دوسری ٹیموں کے نتائج پر منحصر ہوگیا۔ اس وقت گروپ 2 میں انگلینڈ اپنے دونوں میچز جیت کر 4 پوائنٹس کے ساتھ پہلے نمبر پر ہے۔

پاکستان اور نیوزی لینڈ کے ایک ایک پوائنٹ ہیں جب کہ سری لنکا اب تک کوئی میچ نہیں جیتا، نیوزی لینڈ اور سری لنکا کو دو دو میچز کھیلنے ہے جب کہ گرین شرٹس کا ایک میچ باقی ہے۔

پاکستان کیسے سیمی فائنل میں جاسکتا ہے؟

انگلینڈ کے ہاتھوں شکست کے بعد اب ضروری ہے کہ پاکستان اپنے آخری میچ میں سری لنکا کو شکست دے اور نیوزی لینڈ اپنے دونوں میچز انگلینڈ اور سری لنکا کے خلاف ہار جائے۔

ٹی 20 ورلڈ کپ: پاکستان کو شکست دے کر انگلینڈ سیمی فائنل میں پہنچ گیا

درجِ ذیل نتائج پاکستان کے حق میں ہونے ضروری ہیں، جس کے تحت انگلینڈ اپنے آخری میچ میں نیوزی لینڈ کو ہرا دے جب کہ سری لنکا بھی  نیوزی لینڈ کو شکست دے۔

اس صورت میں پاکستان 3 پوائنٹس کے ساتھ سیمی فائنل میں چلا جائے گا جب کہ نیوزی لینڈ کے صفر اور سری لنکا کے 2 پوائنٹس ہوں گے تاہم اگر انگلینڈ، نیوزی لینڈ کو تو ہرا دے لیکن نیوزی لینڈ سری لنکا کو شکست دے دے تو ایسی صورت میں پاکستان اور نیوزی لینڈ دونوں کے 3، 3 پوائنٹس ہوں گے اور پھر فیصلہ رن ریٹ کی بنیاد پر ہوگا۔

واضح رہے کہ پاکستان اپنا آخری میچ سری لنکا کے خلاف 28 فروری کو کھیلے گا، جس میں گرین شرٹس کو لازمی فتخ درکار ہے۔

پالے کیلے اسٹیڈیم میں کھیلے گئے ٹی 20 ورلڈ کپ کے سپر ایٹ مرحلے کے پانچویں میچ میں پاکستان نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 164 رنز بنائے تاہم انگلینڈ نے 165 رنز کا ہدف 20 ویں اوور میں 8 وکٹوں کے نقصان پر پورا کرلیا۔

پاکستان کی بیٹنگ

پاکستان کی جانب سے کھیل کا آغاز مایوس کن ثابت ہوا، اننگز کا آغاز صاحبزادہ فرحان اور صائم ایوب نے کیا تاہم یہ جوڑی زیادہ دیر تک ساتھ نہ نبھا سکی اور 14 کے اسکور پر صائم ایوب 7 رنز بناکر کیچ آؤٹ ہوگئے جب کہ ون ڈاؤن پوزیشن پر آنے والے بلے باز کپتان سلمان علی آغا بھی 27 کے اسکور پر مخص 5 رنز بنا کر چلتے بنے۔

اس کے بعد بابر اعظم نے صاحبزادہ فرحان کے ساتھ اننگز کو سنبھالا اور دنوں بلے بازوں نے ذمہ دارانہ بیٹنگ کا مظاہرہ کرتے ہوئے تیسری وکٹ پر 46 رنز کا اضافہ کرکے ٹیم کا مجموعی اسکور 73 تک پہنچایا تو پھر بابر اعظم 25 رنز بناکر کلین بولڈ ہوگئے۔

ایک طرف وکٹیں گرتی رہیں تو دوسری طرف صاحبزادہ فرحان ڈٹے رہے، اس دوران انہوں نے اپنی نصف سنچری اسکور کی اور فخر زمان کے ساتھ مل کر چوتھی وکٹ پر 49 رنز کی شراکت قائم کی اور ٹیم کا اسکور 122 تک پہنچایا، جس کے بعد صاحبزادہ فرحان 7 چوکوں اور 2 چھکوں کی مدد سے 63 رنز کی اننگز کھیل کر آؤٹ ہوگئے۔

فرحان کے آؤٹ ہوتے ہیں پاکستان کی وکٹیں گرنے کا سلسلہ ایک بار پھر وقفے وقفے سے شروع ہوگیا، 132 کے اسکور پر فخر زمان بھی 25 رنز بنانے کے بعد اپنی وکٹ گنوا بیٹھے۔

پاکستان کا اسکور 146 تک پہنچا تو یکے بعد دیگر دو وکٹیں گرگئیں، عثمان خان 8 اور محمد نواز بغیر کوئی رن بنائے پویلین لوٹ گئے۔ 149 کے اسکور پر پاکستان کو 8 واں نقصان بھی اٹھانا پڑا، جب شاہین شاہ آفریدی چھکا مارنے کی کوشش میں صرف دو رنز بنانے کے بعد باؤنڈری پر کیچ آؤٹ ہوگئے۔

شاداب خان نے مزاحمت کرتے ہوئے 11 گیندوں پر 23 رنز کی اننگز کھیلی اور ناٹ آؤٹ رہے جب کہ سلمان مرزا بھی دو رنز کے ساتھ کریز پر موجود رہے۔

انگلینڈ کی جانب سے لیام ڈاسن نے 3 جب کہ جوفرا آرچر اور جیمی اوورٹن نے 2، 2  کھلاڑیوں کو آؤٹ کیا جب کہ عادل راشد  کے حصے میں ایک وکٹ آئی۔

یوں پاکستان نے مقررہ 20 اوورز میں 8 وکٹوں کے نقصان پر 164 رنز بنائے اور انگلینڈ کو جیت کے لیے 165 رنز کا ہدف دیا۔

انگلینڈ کی بیٹنگ

پاکستان کے 165 رنز کے ہدف کے تعاقب میں انگلینڈ کے ابتدائی تین بیٹرز خاطر خواہ کارکردگی نہ دکھاسکے اور تینوں بلے باز فل سالٹ، جوز بٹلر اور جیکب بیتھیل کو 35 کے مجموعے تک شاہین شاہ آفریدی نے پویلین لوٹا دیا۔

انگلینڈ کی پہلی وکٹ صفر پر گری، جب فل سالٹ پہلی گیند پر شاہین شاہ آفریدی کا شکار بنے جب کہ جوز بٹلر 2 رنز اور جیکب بیتھل 8 رنز بناکر شاہین شاہ آفریدی کی گیند پرآؤٹ ہوئے۔ اس کے علاوہ ٹام بنٹن 2 اور سیم کرن 16 رنز بناکر عثمان طارق کی گیند پر آؤٹ ہوئے۔

تاہم وکٹ کی دوسری جانب موجود انگلینڈ کے کپتان ہیری بروک نے ذمہ درانہ بیٹنگ کرتے ہوئے شاندار سنچری اسکور کی، انہوں نے 51 گیندوں پر 100 رنز کی دھواں دار اننگز کھیل کر میچ کا پانسہ اپنے حق میں پلٹ لیا۔ 

ہیری بروک کے بعد دوسرے سب زیادہ رنز بنانے والے انگلش کھلاڑی ول جیکس تھے، انہوں نے 28 رنز کی اننگز کھیلی۔ 

پاکستان کی جانب سے شاہین شاہ آفریدی نے 4 جب کہ عثمان طارق اور محمد نواز نے 2، 2 کھلاڑیوں کو آؤٹ کیا۔ انگلینڈ کے کپتان ہیری بروک کو فتح گر اننگز کھیلنے پر میچ کا بہترین کھلاڑی قرار دیا گیا۔

اس طرح انگلینڈ نے آخری اوور میں 8 وکٹوں کے نقصان پر 165 رنز کا ہدف حاصل کیا اور میچ سنسنی خیز مقابلے کے بعد 2 وکٹوں سے اپنے نام کرلیا۔

اس جیت کے ساتھ ہی انگلینڈ کی ٹیم ٹی 20 ورلڈ کپ کے سیمی فائنل میں پہنچنے والی پہلی ٹیم بن گئی۔

میچ کا ٹاس

منگل کو سری لنکا کے پالے کیلے اسٹیڈیم میں کھیلے گئے ٹی 20 ورلڈ کپ میں 45 ویں میچ میں پاکستان کے کپتان سلمان علی آغا نے انگلینڈ کے خلاف ٹاس جیت کر پہلے خود بیٹنگ کا فیصلہ کیا۔

ٹاس کے بعد گفتگو کرتے ہوئے کپتان سلمان علی آغا نے کہا کہ پچ بالکل فریش لگ رہی ہے، وہ اچھا اسکور بنانے کی کوشش کریں گے تاکہ اس کا کامیابی سے دفاع کیا جاسکے۔

انگلینڈ کے خلاف میچ کے لیے پاکستان ٹیم میں ایک تبدیلی کی گئی ہے، فہیم اشرف کی جگہ شاہین آفریدی کو پلیئنگ الیون کا حصہ بنایا گیا ہے جب کہ انگلینڈ کی ٹیم میں کوئی تبدیلی نہیں کی گئی ہے۔

انگلینڈ کے کپتان ہیری بروک کا کہنا تھا کہ ٹاس جیتنے کی صورت میں وہ بھی پہلے بیٹنگ ہی کرتے، آج پچ سری لنکا کے خلاف میچ کے مقابلے میں بہتر لگ رہی ہے، ہم ابھی تک اپنا بہترین میچ نہیں کھیل سکے۔ امید ہے کہ وہ لمحہ قریب ہے، آج کا میچ جیتے تو سیمی فائنل میں رسائی یقینی ہوجائے گی۔

پاکستان کی ٹیم

پاکستانی ٹیم میں کپتان سلمان آغا، صاحبزادہ فرحان، بابر اعظم ، صائم ایوب ، فخر زمان ، عثمان خان، شاہین آفریدی، سلمان مرزا ، عثمان طارق، محمد نواز،  شاداب خان شامل ہیں۔

انگلینڈ کی ٹیم

انگلش ٹیم میں کپتان ہیری بروک، فل سالٹ، جوز بٹلر، جیکب بیتھیل، ٹام بیٹن، ہیری بروک، سیم کرن، ول جیکس، لیام ڈاسن، جیمی اوورٹن، جوفرا آرچر اور عادل رشید شامل ہیں۔

پالی کیلے اسٹیڈیم پر انگلینڈ کو ہوم گراؤنڈ جیسا تصور کیا جارہا ہے کیوں کہ انگلش ٹیم گزشتہ ایک ماہ میں اس گراؤنڈ پر چاروں میچ میں کامیابی کے علاوہ سری لنکا کے خلاف سیریز بھی اپنے نام کر چکی ہے۔ دوسری جانب پاکستانی ٹیم ایونٹ میں پہلی بار کولمبو سے باہر میچ کھیل رہی ہے۔

گزشتہ میچ میں سری لنکن بولنگ نے انگلش بیٹرز کو خاصا پریشان کیا تھا۔ انگلینڈ نے 9 وکٹوں پر 146 رنز بنائے تھے، جس میں فل سالٹ کی نصف سنچری کے سوا کوئی نمایاں اننگز شامل نہیں تھی۔ انگلینڈ نے سری لنکا کو 51 رنز سے شکست دی تھی تاہم یہ کامیابی بڑی حد تک سری لنکن بیٹنگ لائن کی ناقص کارکردگی کا نتیجہ تھی۔

واضح رہے کہ ٹی 20 ورلڈ کپ میں پاکستان کے خلاف انگلینڈ کا پلڑا بھاری ہے، انگلش ٹیم نے گرین شرٹس کو تینوں میچ میں شکست دی ہے۔

پاکستان نے ٹی 20 انٹرنیشنل میں انگلش ٹیم کو آخری دفعہ 4 سال قبل شکست دی تھی۔ دونوں ٹیموں کے درمیان کھیلے گئے، گزشتہ پانچ ٹی 20 انٹرنیشنل میں بھی انگلینڈ نے فتح سمیٹی تھی۔

پاکستان اور نیوزی لینڈ کے درمیان سپر ایٹ کا پہلا میچ بارش کی نذر ہوگیا تھا اور دونوں ٹیموں کو ایک ایک پوائنٹ دے دیا گیا تھا، جس کے بعد پاکستان کی سیمی فائنل تک رسائی کی امیدیں اس میچ سے مشروط ہوگئی ہیں۔

پوائنٹس ٹیبل پر نظر دوڑائی جائے تو ایک ایک میچز کے بعد قومی ٹیم کا صرف ایک پوائنٹ ہے جب کہ انگلینڈ کے ناصرف 2 پوائنٹس پر بلکہ اس کا رن ریٹ بھی مثبت 2 اعشاریہ 55 ہے۔

سپر ایٹ مرحلے یہ دونوں ٹیموں کا دوسرا میچ ہے اور آج کا میچ دونوں ٹیموں کے لیے نہایت اہم ہے، انگلینڈ اپنی جیت کی روایت برقرار رکھنے جب کہ پاکستان سیمی فائنل کی دوڑ میں اپنا حصہ برقرار رہنے کے لیے میچ جیتنے کی کوشش کرے گا۔

سری لنکا کے شہر کینڈی میں کھیلے گئے ورلڈ کپ ٹی 20 کے سپر ایٹ مرحلے میں انگلینڈ نے گروپ ٹو کے اہم میچ میں پاکستان کو باآسانی دو وکٹوں سے شکست دے کر سیمی فائنل میں جگہ بنالی جب کہ پاکستان کے سیمی فائنل میں پہنچنے کے امکانات کم ہوگئے ہیں۔

پاکستان ٹیم کے کپتان سلمان علی آغا نے ٹاس جیت کر پہلے خود بیٹنگ کا فیصلہ کیا جو غلط ثابت ہوا اور کپتان سمیت صائم ایوب نے ناقص بیٹنگ کی جب کہ صاحبزادہ فرحان نے ذمہ دارانہ بیٹنگ کی اور پاکستان کی جانب سے سب سے زیادہ 63 رنز کی اننگز کھیلی، جس میں 7 چوکے اور دو چھکے شامل تھے، بابراعظم اور فخرزمان نے 25،25 رنز بنائے، اس کے علاوہ شاداب خان 23 رنز بنا کر آؤٹ ہوئے۔

ٹی 20 ورلڈ کپ: پاکستان کو شکست دے کر انگلینڈ سیمی فائنل میں پہنچ گیا

انگلینڈ کے کپتان ہیری بروک نے شان دار سنچری بنا کر اپنی ٹیم کو شان دار کامیابی دلائی اور 165 رنز کا ہدف آخری اوور میں حاصل کرکے سیمی فائنل میں جگہ بنالی۔

پاکستان کی جانب سے شاہین شاہ آفریدی نے بہترین آغاز کرتے ہوئے اپنے پہلے ہی اوور میں وکٹ حاصل کی تھی لیکن دیگر بولرز ان کا ساتھ نہیں دے پائے اور قومی ٹیم ناقص حکمت عملی کی وجہ سے اچھے آغاز کا بھرپور فائدہ نہیں اٹھا سکی۔

پاکستان کے اسٹار فاسٹ بولر شاہین شاہ آفریدی نے ٹی 20 انٹرنیشنل کرکٹ میں نئی تاریخ رقم کر دی۔ انہوں نے ٹی 20 ورلڈ کپ کے اہم میچ میں بہترین کارکردگی کا مظاہرہ کرتے ہوئے 4 اوور کے کوٹے میں 30 رنز دے کر 4 وکٹیں حاصل کرکے ریکارڈ توڑ دیا۔

شاہین شاہ آفریدی ٹی20 کرکٹ میں پاکستان کی جانب سے سب سے زیادہ وکٹیں لینے والے بولر بن گئے ہیں، اس سے قبل یہ ریکارڈ فاسٹ بولر حارث رؤف کے پاس تھا جنہوں نے 94 میچوں میں 133 وکٹیں حاصل کر رکھی ہیں۔

پاکستان کی جانب سے شاہین شاہ آفریدی نے 102 میچوں میں سب سے زیادہ 135 وکٹیں حاصل کرلی ہیں، حارث رؤف 133 وکٹوں کے ساتھ دوسرے، شاداب خان نے 123 ٹی20 میچز کھیلے ہیں اور 114 وکٹوں کے ساتھ تیسرے نمبر پر ہیں۔

سابق کپتان شاہد آفریدی 98 میچ کھیل کر 96 وکٹوں کے ساتھ چوتھے، محمد نواز 91 وکٹوں کے ساتھ پانچویں نمبر پر موجود ہیں۔

انگلینڈ کے خلاف میچ میں شاداب خان اور سلمان مرزا نے نویں وکٹ میں 15 رنز کی شراکت کے ساتھ ٹی20 ورلڈ کپ میں پاکستان کی جانب سے سب سے بڑی شراکت کا بھی ریکارڈ بنایا جبکہ سعید اجمل اور عمر گل کی 13 رنز کی شراکت کا ریکارڈ بنایا تھا۔

ذرائع کے مطابق سپر ایٹ مرحلے میں سیدھا فارمولا یہی ہے کہ انگلینڈ کو شکست دے کر سیمی فائنل تک رسائی کا راستہ آسان بنایا جائے، بصورت دیگر قومی ٹیم کو دیگر ٹیموں کے نتائج پر انحصار کرنا پڑ سکتا ہے۔ اگر پاکستان کو شکست ہوئی تو پوائنٹس ٹیبل پر پیچیدہ صورتحال جنم لے سکتی ہے۔

میچ پالے کیلے اسٹیڈیم میں شام ساڑھے چھ بجے شروع ہوگا، جہاں شائقینِ کرکٹ کو ایک سنسنی خیز مقابلے کی توقع ہے۔

قومی ٹیم کے فائنل الیون میں ایک یا دو تبدیلیوں کا امکان ظاہر کیا جا رہا ہے، ٹیم مینجمنٹ پچ اور موسمی حالات کو مدنظر رکھتے ہوئے حتمی فیصلہ کرے گی۔

قومی بیٹر صاحبزادہ فرحان کا کہنا ہے کہ انہیں انگلینڈ کے فاسٹ باولر جوفرا آرچر کو کھیلنے میں کوئی مسئلہ نہیں، تاہم انہوں نے اس بات پر زور دیا کہ بیٹرز کو ذمہ داری کا مظاہرہ کرنا ہوگا۔ ان کے مطابق ٹیم کو اپنے اسپنرز پر مکمل بھروسا ہے اور وہ میچ میں اہم کردار ادا کرسکتے ہیں۔

واضح رہے کہ سپر ایٹ مرحلے میں پاکستان کا پہلا میچ نیوزی لینڈ کے خلاف بارش کی نذر ہوگیا تھا، جس کے باعث دونوں ٹیموں کو پوائنٹس تقسیم کرنا پڑے۔ دوسری جانب انگلینڈ نے میزبان سری لنکا کو کینڈی میں ہی شکست دے کر اپنی پوزیشن مستحکم کی ہے۔

موسم کی صورتحال بتانے والی ویب سائٹ ایکیو ویدر کے مطابق دن کے وقت پالیکیلے میں بارش کا امکان 25 فیصد ہے اور بادلوں کا احاطہ تقریباً 48 فیصد ہوگا۔ رات کے وقت بارش کے امکانات محض 2 فیصد تک گر جائیں گے جبکہ بادلوں کا احاطہ صرف 12 فیصد رہنے کا امکان ہے۔

محکمۂ موسمیات کے مطابق شہر کینڈی میں شام 7 بجے موسم زیادہ تر صاف رہنے کی توقع ہے، درجۂ حرارت تقریباً 27 ڈگری سینٹی گریڈ جبکہ ریئل فیل 28 ڈگری سینٹی گریڈ ہو گا۔

موسمیاتی ماہرین کا کہنا ہے کہ میچ کے دوران موسم کا زیادہ اثر نہیں پڑے گا اور آسمان میچ شروع ہونے سے قبل صاف ہو جائے گا یعنی میچ کے دوران بارش کا امکان نہیں ہے۔

میچ پالیکیلے اسٹیڈیم میں شام ساڑھے چھ بجے شروع ہوگا، جہاں شائقینِ کرکٹ کو ایک سنسنی خیز مقابلے کی توقع ہے۔

قومی ٹیم کے فائنل الیون میں ایک یا دو تبدیلیوں کا امکان ظاہر کیا جا رہا ہے، ٹیم مینجمنٹ پچ اور موسمی حالات کو مدنظر رکھتے ہوئے حتمی فیصلہ کرے گی۔

یاد رہے کہ اس سے قبل پاکستان اور نیوزی لینڈ کے درمیان سپر ایٹ مرحلے کا میچ بارش کے باعث منسوخ کر دیا گیا تھا۔

بارش کا سلسلہ پاکستان کے کپتان سلمان علی آغا کی جانب سے ٹاس جیت کر پہلے بیٹنگ کے اعلان کے فوراً بعد شروع ہوا اور ڈھائی گھنٹے سے زائد جاری رہنے کے بعد امپائرز نے میچ ختم کرنے کا فیصلہ کیا تھا، جس کے نتیجے میں دونوں ٹیموں کو ایک، ایک پوائنٹ دے دیا گیا تھا۔

ٹورنامنٹ کے قوانین کے مطابق سپر ایٹ مرحلے کے بعد ہر گروپ کی ٹاپ 2 ٹیمیں سیمی فائنل کے لیے کوالیفائی کریں گی، جو 4 اور 5 مارچ کو کھیلے جائیں گے۔

ہفتے کو سری لنکا کے شہر کولمبو میں ٹی 20 ورلڈ کپ کے سپر ایٹ مرحلے میں پاکستان اور نیوزی لینڈ کا اہم میچ بارش کے باعث منسوخ کر دیا گیا۔

پاکستان کے کپتان سلمان علی آغا نےٹاس جیت کر بیٹنگ کرنے کا فیصلہ کیا تاہم مسلسل بارش کے باعث میچ تاخیر کا شکار ہوا اور ایک بھی گیند پھینکی نہ جاسکی۔ بعد ازاں امپائرز نے میچ منسوخ کرنے کا اعلان کیا۔

بارش کے باعث میچ منسوخ ہونے سے دونوں ٹیموں کو ایک ایک پوائنٹ دے دیا گیا جب کہ میچ بارش کی نذر ہو جانے کے بعد پاکستان کے لیے سیمی فائنل میں پہنچنے کے لیے اب ہر مقابلہ انتہائی اہم ہو گیا ہے۔

گروپ کی صورت حال

سپر ایٹ مرحلے میں پاکستان  گروپ ٹو میں سری لنکا، انگلینڈ اور نیوزی لینڈ کے ساتھ شامل ہے۔ بارش کے باعث میچ منسوخ ہونے کی وجہ سے پاکستان اور نیوزی لینڈ کو ایک ایک پوائنٹ مل گیا ہے۔

سپر ایٹ میں پاکستان کا اگلا میچ 24 فروری کو انگلینڈ کے خلاف ہوگا جب کہ گرین شرٹس آخری مقابلہ میزبان سری لنکا سے کھیلے گی۔ گروپ کی ٹاپ دو ٹیمیں سیمی فائنل کے لیے کوالیفائی کریں گی۔

پاکستان کی سیمی فائنل تک رسائی کے امکانات

اگر پاکستان نیٹ رن ریٹ پر انحصار کیے بغیر سیمی فائنل میں پہنچنا چاہتا ہے تو اسے اپنے باقی دونوں میچز انگلینڈ اور سری لنکا کے خلاف جیتنا ہوں گے، ان دونوں فتوحات کی صورت میں پاکستان کے 5 پوائنٹس ہو جائیں گے اور یوں گرین شرٹس کی سیمی فائنل میں رسائی تقریباً یقینی ہو جائے گی۔

دوسرے منظرنامے میں اگر پاکستان ایک میچ جیتتا ہے اور ایک ہارتا ہے تو پھر اس کی قسمت کا فیصلہ دیگر میچوں کے نتائج اور نیٹ رن ریٹ پر ہوگا تاہم اگر پاکستان اپنے دونوں باقی میچز ہار گیا تو وہ صرف ایک پوائنٹ کے ساتھ ٹورنامنٹ سے براہِ راست باہر ہو جائے گا۔

نیوزی لینڈ کے خلاف میچ منسوخ ہونے کے بعد صورت حال یہ ہے کہ اب گروپ کا ہر مقابلہ ناک آؤٹ کی حیثیت اختیار کر چکا ہے اور غلطی کی گنجائش نہ ہونے کے برابر رہ گئی ہے۔

یاد رہے کہ 22 فروری کو کھیلے گئے سپر ایٹ مرحلے میں گروپ ٹو کے میچ میں انگلینڈ نے میزبان سری لنکا کو باآسانی 51 رنز سے شکست دے کر پوائںٹس ٹیبل کو مزید دلچسپ بنادیا ہے۔