نیشنل ٹی وی پر کرشنا ابھیشیک کے ایک لطیفے سے ان کے ماموں اداکارگووندا کو کافی دکھ پہنچا تھا جس کے بعد ان کی بیویوں سنیتا آہوجا اور کشمیرا شاہ کے درمیان بھی تکرار دیکھنے میں آئی تھی۔

لیکن کہا جاتا ہے کہ خون پانی سے زیادہ گاڑھا ہوتا ہے، جب گووندا کو اپنی بندوق سے گولی لگنے کی خبر سامنے آئی ، کرشنا ابھیشیک اور اہلیہ کشمیرا ان کی عیادت کے لیے پہنچ گئے۔

اب ایسا لگتا ہے کہ دونوں فیملیز کے دل پگھل گئے ہیں اور انہوں نے جو ہوا سو ہوا کے مصداق آگے بڑھنے کا فیصلہ کیا ہے۔

کپل شرما کے نیٹ فلکس شو کی اگلی قسط میں گووندا خصوصی طور پر شریک ہوں گے، ٹانگ میں گولی لگنے سے زخمی ہونے کے بعد یہ ان کی پہلی ٹی وی انٹری ہوگی۔

یہ قسط انتہائی خاص ہے کیونکہ اس میں کرشنا ابھیشیک کی اپنے ماما گووندا کے ساتھ طویل انتظار کے بعد دوبارہ ملاقات سامنے آئی ہے، شو میں اداکار شکتی کپور اور چنکی پانڈے بھی نظر آئیں گے۔

پروگرام پرومو میں دیکھا گیا کہ گووندا نے کرشنا ابھیشیک کا کھلی بانہوں سے استقبال کیا، ماما بھانجا جوڑی نے ایک ساتھ رقص کیا اور ایک دوسرے کو گلے لگایا۔

کرشنا نے بتایا کہ کس طرح ان کی 2 سال بعد ملاقات ہوئی ہے، اب وہ انہیں چھوڑ کر نہیں جائیں گے، اس موقع پر حاضرین کے درمیان بیٹھی کرشنا کی بہن آرتی سنگھ مسکراتے ہوئے آنسوؤں پر قابو پانے کی پوری کوشش کرتیں دکھائی دیں۔

شو کے دوران جب کرشنا پرفارم کر رہے تھے، انہوں نے کیکو شردا کو ’گدھا‘ کہا جس پر گووندا نے مزاحیہ انداز میں تبصرہ کرتے ہوئے کہا کہ ان میں ایک اور گدھا تھا اور فوراً بھانجے کی طرف اشارہ کردیا۔

پچھلے سال گووندا منیش پال کے پوڈ کاسٹ میں شریک ہوئے اور اپنے دل کو پہنچنے والی تکلیف کے بارے میں بات کی، گووندا نے انکشاف کیا کہ کامیڈی شو کے دوران کرشنا کے ون لائنر نے انہیں چوٹ پہنچائی تھی۔

گووندا نے بتایا کہ اتفاق سے وہ ٹی وی دیکھ رہے تھے اور ایک کامیڈی شو میں کرشنا سے کسی نے پوچھا کہ کیا ان کا کوئی فلمی دشمن ہے؟

جس پر کرشنا نے جواب دیا مجھے ضرورت نہیں ہے، میرے گھر میں میرے ماموں ہیں ، گووندا کے مطابق انہیں محسوس ہوا کہ یہ لائن شو کے رائٹر نے نہیں لکھی ہوگی ، مجھے لگا کہ اسے ایسا لگتا ہے کہ میری وجہ سے اس کی زندگی میں کچھ غلط ہورہا ہے۔

انہوں نے یہ بھی بتایا کہ وہ کرشنا کو ہمیشہ کے لیے معاف کرچکے ہیں تاہم نفرت کے باوجود گووندا نے اپنی بھانجی اور کرشنا کی بہن، آرتی کی شادی میں شرکت کی۔

ٹی وی پروگرام کے دوران جب ان سے پوچھا گیا کہ وہ سنگل ہیں یا ڈیٹنگ کر رہے ہیں، تو انہوں نے ہنستے ہوئے جواب دیا، ”میں 35 کا ہوں، آپ کو لگتا ہے کہ میں سنگل ہوں؟“۔ تاہم، انہوں نےساتھی اداکارہ کا نام لینے سےانکار کر دیا۔

نئے گانے ”صاحبہ“ کی پروموشنز کے دوران وجے نے محبت کے بارے میں خیالات کا اظہار کرتے ہوئےکہا کہ ”محبت کے ساتھ توقعات آتی ہیں، میں غیر مشروط محبت کو نہیں مانتا ہوں، یہ قدرتی ہے کہ انسان محبت میں کچھ توقع کرے۔“

واضح رہے کہ راشمیکا مندانا کے ساتھ وجے کے تعلقات کی خبریں طویل عرصے سے گردش کررہی ہیں۔ حالیہ انٹرویو میں جب سندیپ ریڈی ونگا نے وجے کو کال کی اور راشمیکا کا ردعمل دیکھا گیا تو شائقین نے اسے ان کے تعلقات کی ایک اور جھلک قرار دیا ہے، مداح دونوں اداکاروں کے رشتے کے بارے میں مزید وضاحت کا انتظار کر رہے ہیں۔

عمیر جسوال نے اتوار کے روز یہ بھی واضح کیا کہ ان کا ایکس اکاؤنٹ مختلف ہے ، جس کا صارف نام @umairjaswal ہے۔ اپنی انسٹاگرام پوسٹ میں انہوں نے یہ بھی لکھا کہ یہ ایک ”آفیشل اکاؤنٹ“ تھا۔

عمیر جسوال کو یہ وضاحت اس لئے دینا پڑی کہ غیر تصدیق شدہ اکاؤنٹ سے پوسٹس سوشل میڈیا پلیٹ فارم پر وائرل ہو رہی ہیں۔ جس سے یہ تاثر جارہا ہے کہ یہ پوسٹ عمیر جسوال کررہے ہیں۔

ثنا نے ہفتے کے روز اپنی دوسری شادی کی تصدیق کی جس کے بعد سے @UmairJas صارف نام کے ساتھ ایکس اکاؤنٹ نے کئی پوسٹس کی ہیں جس میں اداکارہ کا امیج خراب کرنے کی کوششں کی۔

ایک پوسٹ میں لکھا گیا کہ سابق وزیراعظم عمران خان کی اہلیہ بشریٰ بی بی کی پیروی کرنے کی وجہ سے عمیر کی سابق اہلیہ پر گھر کو نقصان پہنچانے کا الزام عائد کیا گیا اور اسے 200 سے زائد مرتبہ دوبارہ پوسٹ کیا جا چکا ہے۔

ایک اور پوسٹ، جس میں صارف نے گلوکار کا موازنہ خاور مانیکا سے کیا اور ان کی تصویر کو 60 سے زائد بار دوبارہ پوسٹ کیا گیا۔

رپورٹس کے مطابق شعیب اور ثنا کی شادی چند روز قبل کراچی میں ہوئی تھی اور ان کی تصاویر سوشل میڈیا پر لیک ہوگئی تھیں۔

واضح رہے کہ ثنا نے 2020 میں گلوکار عمیر جسوال سے شادی کی تھی۔ ثنا کی گلوکار عمیر جسوال سے طلاق کی خبریں دسمبر 2022 میں سامنے آئی تھیں۔

ہانیہ نے بادشاہ کے ساتھ ملاقات کی کچھ تصاویر شیئر کرکے لاکھوں مداحوں کو حیران کردیا۔

پہلی تصویر میں ہانیہ بغیر آستین کے سویٹر، بغیر میک اپ اور چشمے میں نظر آرہی ہیں۔

دوسری جانب بادشاہ سبز رنگ کی ٹی شرٹ پہنے ہوئے دکھائی دے رہے تھے۔ ایسا لگتا تھا کہ وہ ایک دوسرے کے ساتھ وقت گزار کر لطف اندوز ہو رہے تھے کیونکہ ہانیہ کو ہنستے دیکھا گیا۔

یاد رہے کہ اپنے شو ’میرے ہمسفر‘ سے لاکھوں بھارتیوں کے دل جیتنے والی معروف پاکستانی اداکارہ ہانیہ عامر بھارتی ریپر بادشاہ کے ساتھ گھومتی نظر آئیں۔ تو سوشل میڈیا صارفین نے بھی مختلف رائے کا اظہار کیا۔

واضح رہے کہ بادشاہ سے ملاقات سے قبل ایک ہفتہ پہلے ہانیہ عامر نے بھارتی ریپر کو ان کی سالگرہ پر مبارک باد بھی پیش کی تھی، جس پر انڈین گلوکار نے ان کی تعریفیں بھی کی تھیں۔

میڈیا رپورٹس کے مطابق ماضی میں بھی دونوں سوشل میڈیا پر ایک دوسرے کے لیے تعریفی سوشل میڈیا اسٹوریز شیئر کرتے رہے ہیں اور ہانیہ عامر متعدد انٹرویوز میں یہ کہہ چکی ہیں کہ انہیں بھارتی ریپر بادشاہ پسند ہیں۔

اداکارہ نے اپنی انسٹاگرام اسٹوری پراس اعزاز کو قبول کرتے ہوئے شکریہ ادا کیا ہے۔

ڈرامہ ”فراڈ“ کی مرکزی اداکارہ نے اپنے سوشل میڈیا اکا ؤنٹ پرجی سی سی لیگل کنسلٹنٹس کا ویزا کے عمل کی حمایت اور پیشہ ورانہ ہینڈلنگ پر شکریہ بھی ادا کیا ہے۔

مزید پڑھیں: اداکارہ سعدیہ خان کو دبئی کا گولڈن ویزا مل گیا

ہمایوں سعید نے گولڈن ویزا حاصل کرلیا

متحدہ عرب امارات: گولڈن اور گرین ویزا کی اہلیت اور درخواست کی شرائط کیا ہیں؟

متحدہ عرب امارات کی جانب سے ایوارڈ سے نوازے جانے والے پاکستانی ستاروں کی فہرست میں یاسر حسین، اقرا عزیز، مومل شیخ، فخر عالم اور مایا علی سمیت دیگر اداکار بھی شامل ہیں۔

صباء قمر نے حال ہی میں ”باغی“، ”منٹو“، ”چیخ“، ”فراڈ“، ”سرِ راہ“، ”گناہ“ اور ”تمہارے حسن کے نام“ میں اداکاری کی تھی۔