پاک افغان بارڈر پر بارودی سرنگ کا دھماکا، میجر سمیت 2 فوجی شہید
پاک افغان سرحد پر سڑک کنارے بارودی سرنگ کے دھماکے میں میجرعدیل شاہد اور سپاہی فرازحسین شہید ہوگئے۔
آئی ایس پی آر کے مطابق بارودی سرنگ سرحد پار سے آنے والے دہشت گردوں نے لگائی۔
ڈی جی آئی ایس پی آر میجر جنرل آصف غفور کے مطابق میجرعدیل شاہد کی سربراہی میں اسکواڈ پاک افغان سرحد پر لگی باڑ کا جائزہ لے رہے تھا کہ سڑک کنارے بارودی سرنگ کے دھماکے میں میجرعدیل شاہد اور سپاہی فراز حسین نے جام شہادت نوش کیا۔
ترجمان پاک فوج کے مطابق بارودی سرنگ سرحد پارسے آنے والے دہشت گردوں نے لگائیں کیوںکہ ضلع مہمند میں پاک افغان سرحد کا یہ علاقہ دہشت گردوں کی آمدورفت کا اہم روٹ تھا۔
میجر عدیل شاہد شہید کا تعلق کراچی سے ہے جبکہ 23 سالہ سپاہی فراز حسین کا تعلق آزاد کشمیر کے سیکٹر کوٹلی سے ہے۔
Comments are closed on this story.