آج ہم ان کرکٹرز کا ذکر کرنے جارہے ہیں جنہوں نے کھیل کے میدان میں ہی کسی نہ کسی وجہ سے اپنی موت کو گلے لگایا، کرکٹ ایک دلچسپ کھیل ہونے کے ساتھ ساتھ ایک خطرناک کھیل بھی ہے ہمیں افسوس کے ساتھ کہنا پڑرہا ہے کہ اب تک یہ کھیل نہ جانے کتنے لوگوں کی جان لے چکا ہے۔ ذیل میں ان 10 کرکٹرز کے بارے میں بتایا جارہا ہے جنہوں نے کھیل کے میدان میں اپنی موت کو گلے لگایا۔

(Philiph Hughes)فلف ہیوز

سب سے پہلے ہم جس کھلاڑی کا ذکر کرنے جا رہے ہیں وہ سنہ 2014 میں ہی اس خطر ناک گیند کا شکار بنے ہیں، ایک ڈومیسٹک میچ کے دوران گُدّی اور کان کے درمیان لگنے والی باؤنسر نے ان کی جان لے لی۔

(Darryn Randall)ڈیرن رینڈال

ڈیرن رینڈال جو ایک جنوبی افریقن فرسٹ کلاس کرکٹر تھے وہ ایک لیگ میچ میں پل شاٹ کھیلتے ہوئے سر کی جانب گیند لگنے کی وجہ سے اسپتال لے جاتے ہوئے راستے میں دم توڑ گئے تھے۔

(Wasim Raja)وسیم راجہ

پاکستانی کرکٹر وسیم حسن راجہ بھی اس خطر ناک کھیل کا شکار ہوگئے تھے، انہوں نے پاکستان کے لئے چوّن ون ڈے اور ستاون ٹیسٹ میچز کھیلے۔ وہ انگلش کاؤنٹی میں سرے کی نمائندگی کر رہے تھے کہ اچانک دل کا دورا پڑنے سے ان کی موت واقع ہوگئی۔

(Ramman Lamba)رمن لامبا

رمن لامبا ایک بھارتی کرکٹر تھے جو دہلی کی نمائندگی کرتے تھے، وہ بنگلا دیش میں لیگ کرکٹ کھیلتے ہوئے فیلڈنگ کے دوران گیند لگنے سے قوما میں گئے اور پھر ان کی موت واقع ہوگئی۔

(Ian Folley)ایئن فولے

ایئن فولے ایک انگلش کرکٹر تھے اور لنکاشائر کی نمائندگی کرتے تھے، ایک میچ کے دوران کھیلتے ہوئے گیند ان کی آنکھ پر لگی جس کے بعد انہیں فوری طور پر اسپتال منتقل کیا گیا۔ کچھ دیر بعد ڈاکٹرز نے بتایا کہ انہیں دل کا دورا پڑا ہے اور وہ انتقال کر چکے ہیں۔

(Wilf Slack)ولف سلیک

ولف سلیک ایک انگلش کرکٹر تھے اور مڈل سکس کی نمائندگی کرتے تھے، ایک دن انہیں بیٹنگ کرتے ہوئے اچانک دل کا دورا پڑا اور دنیا کو خیر باد کہہ گئے۔

(Zulfiqar Bhatti)ذوالفقار بھٹی

پاکستانی بلے باز ذوالفقار بھٹی 2013 میں ایک ڈومیسٹک میچ کے دوران سینے پر گیند لگنے کی وجہ سے چل بسے، انہیں گیند لگی تو فوری طور پر اسپتال منتقل کیا گیا تاہم وہاں پہنچنے پر معلوم ہوا کے وہ زندگی کی بازی ہار چکے ہیں۔

(Andy Ducat)اینڈی ڈکاٹ

اینڈی ڈکاٹ انگلینڈ کے کرکٹر ہونے کے ساتھ فٹبالر بھی تھے، انہوں نے اپنے کریئر میں باون سنچریاں بنائیں، ڈکاٹ وسڈن کرکٹر آف دی ایئر کا ایوارڈ بھی اپنے نام کر چکے ہیں۔ لارڈز کے میدان میں کھیلتے ہوئے اچانک دل کا دورا پڑنے سے دم توڑ گئے۔

(George Summers)جارج سمرس

جارج سمرس بھی ایک انگلش کرکٹر تھے اور ناٹنگھم شائر کی نمائندگی کرتے تھے، ایک میچ کے دوران فاسٹ بولر کی گیند سیدھی ان کے سر پر جا لگی اور ان کی موت واقع ہوگئی۔

(Jasper Vinall)جیسپر وینال