Aaj TV News

COVID-19 TOTAL DAILY
CASES 287,300 626
DEATHS 6,153 14
Sindh 125,289 Cases
Punjab 94,993 Cases
Balochistan 12,062 Cases
Islamabad 15,342 Cases
KP 35,021 Cases

نئی دہلی: بھارت کی 16 سالہ معروف ٹک ٹاک اسٹار، ڈانسر اور آرٹسٹ سیا ککڑ نے خودکشی کرلی، اہلخانہ کے مطابق وہ ڈپریشن کے مرض میں مبتلا تھیں۔

غیرملکی میڈیا رپورٹس کے مطابق سیا ککڑ کی خودکشی کی تصدیق ان کے ذاتی منیجر ارجن سارن نے کی۔ انہوں نے بتایا کہ سیا نے 25 جون کو خودکشی کرکے اپنی زندگی کا خاتمہ کیا۔

خودکشی سے متعلق ٹک ٹاک اسٹار کے اہلخانہ نے بتایا کہ وہ گزشتہ کئی روز سے شدید ڈپریشن میں مبتلا تھیں اور جب ان سے اس کی وجہ پوچھی گئی تو انہوں نے بتانے سے انکار کردیا تھا۔

وہ سوشل میڈیا پر خاصی متحرک رہتی تھیں، انسٹاگرام پر اُن کے فالوورز کی تعداد ایک لاکھ جبکہ ٹک ٹاک پر 11 لاکھ سے زائد ہے تاہم محض 16 سال کی عمر میں کئی کامیابیاں سمیٹنے والی اسٹار نے ڈپریشن کے مرض کا شکار ہوکر اپنی زندگی کا خود ہی خاتمہ کرلیا۔