کراچی میں لیاری گینگ وار کے سرغنہ عزیربلوچ کی جے آئی ٹی رپورٹ میں چشم کشا انکشافات ہوئے ہیں۔

خون کی ہولی کھیلنے والے اِس مجرم کی سپورٹ خود پولیس کی۔ کئی کالی بھیڑوں نے کی۔

عزیر بلوچ نے اعتراف کیا کہ۔ شیرشاہ کباڑی مارکیٹ میں گیارہ افراد کو صرف اسلئے قتل کیا کہ اُن پر مخالف گروپ کو بھتہ دینے کا الزام تھا، مخالف گینگسٹر ارشد پپو کو قتل کیلئے اغوا کیا گیا تو پولیس انسپیکٹر یوسف بلوچ نے پولیس موبائل کا بندوبست کیا۔

جے آئی ٹی کے مطابق ایس ایچ او جاوید بلوچ اور انسپیکٹر چاند خان نیازی نے بھی ملزم کی معاونت کی، عزیربلوچ نے رینجرز کے حوالدار منیر اور اعجاز کے قتل سمیت کئی پولیس اہلکاروں کو مارنے کااعتراف کیا۔

جے آئی ٹی کے مطابق عزیربلوچ نے رینجرز اور پولیس اہلکاروں کو مارنے کا اعتراف بھی کیا۔ رزاق کمانڈو کے بھائی کو بھی قتل کرایا۔

جے آئی ٹی کے مطابق پیپلزپارٹی کونسلرز اور تھانوں پر حملوں کا بھی اعتراف کیا گیا ہے، جے آئی ٹی میں لیاری گینگ گروپ اور ایم کیوایم کے درمیان رابطوں کا بھی انکشاف سامنے آیا ہے۔