Aaj TV News

BR100 4,439 Increased By ▲ 19 (0.44%)
BR30 22,677 Increased By ▲ 65 (0.29%)
KSE100 42,505 Increased By ▲ 170 (0.4%)
KSE30 18,046 Increased By ▲ 102 (0.57%)
COVID-19 TOTAL DAILY
CASES 288,047 747
DEATHS 6,162 9

کراچی کا موسم ایک بار پھر تبدیل ہوگیا، محکمہ موسمیات نے آج شام اور رات کو بارش کی پیشگوئی کردی۔

شہر قائد کا موسم صبح سے ہی سہانا ہے ، شہر پر بادلوں کے ڈیرے ہیں اور تیز ٹھنڈی ہوائیں بھی چل رہی ہیں۔

محکمہ موسمیات کا کہنا ہے کہ شہر کے بیشتر مقامات میں آج شام یا رات کو ہلکی بارش ہوسکتی ہے ۔

محکمہ موسمیات کے مطابق جنوب مغربی علاقوں سے 27 سے 30 کلو میٹر فی گھنٹہ کی رفتار سے ہوائیں چل رہی ہیں جس کا سلسلہ شام تک جاری رہ سکتا ہے ۔

محکمہ موسمیات کی جانب سے شہر کا موسم ایک بار تبدیل ہونے اور بارش کی پیشگوئی پر شہریوں کے چہرے بھی خوشی سے کھل اٹھے ہیں۔

محکمہ موسمیات کے مطابق آج شہر کا کم سے کم درجہ حرارت 30 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 36 ڈگری تک جانے کا امکان ہے ، ہوا میں نمی کا تناسب 55 فیصد ہے۔