سندھ میں آٹے کی قیمت میں اضافہ ہوگیا ہے،فائن آٹے کی قیمت میں 4روپے فی کلواضافہ کردیا گیا ہے اوراب فائن آٹے کی فی کلو قیمت 58 روپےہوگئی۔

ڈھائی نمبر چکی آٹے کی قیمت 6 روپے فی کلو بڑھ گئی اور اب چکی آٹا 54 روپے فی کلو ہوگیا ، ایک ہفتے کےدوران آٹے کی قیمت میں 6روپےاضافہ ہوا۔

چیئرمین فلورملزایسوسی ایشن سندھ کا کہنا ہے کہ نجی شعبہ گندم فراہم نہیں کررہا۔

اس سے قبل پی پی رہنما قمر الزمان کائرہ نے کہا کہ گندم کا بحران پھر سر اٹھارہا ہے، گندم کے پی کے سے اسمگل ہورہی ہے،

بیان میں قمرزمان کائرہ نے کہا کہ وزیراعظم صرف الزام تراشی سے کام نہیں چلے گا،تیل کی قیمت بڑھتے ہی تیل آگیا، کیا کسی ذمہ دار کیخلاف ایکشن ہوا۔

قمرزمان کائرہ نے مزید کہا کہ ان لاڈلوں کیخلاف وزیراعظم ایکشن نہیں لیں گے، اس میں بھی پیپلزپارٹی کا قصور ہے؟