ڈربی: پاکستان کرکٹ ٹیم کے نوجوان پیسر نسیم شاہ نے 4 روزہ انٹرا اسکواڈ میچ کے درمیان ڈومیسٹک کرکٹ میں رنز کے انبار لگانے والے فواد عالم کو خطرناک باؤنسر مارا جس کی وجہ سے نہ صرف انہیں اپنا ہیلمٹ تبدیل کرنا پڑا بلکہ طبی امداد کی بھی ضرورت پڑگئی۔

تفصیلات کے مطابق قومی کرکٹ ٹیم ان دنوں انگلینڈ میں موجود ہے اور میزبان ٹیم کےخلاف سیریز کے آغاز سے قبل انٹرا اسکواڈ میچز کھیل رہی ہے۔

Blockquote

ECB report from today's play in Derby "Naseem Shah generated considerable pace on a slow pitch and troubled all of the batsmen, with Fawad Alam needing treatment and a new helmet after he was clattered by a skiddy bouncer from Naseem" #Cricket

— Saj Sadiq (@Saj_PakPassion) July 17, 2020

گزشتہ روز 4 روزہ پریکٹس میچ کے پہلے دن نوجوان پیسر نسیم شاہ نے تجربہ کار بلے باز فواد عالم کو خطرناک باؤنسر کیا جس کی وجہ سے انہیں طبی امداد کی ضرورت پڑگئی اور ہیلمٹ بھی تبدیل کرنا پڑا۔

واضح رہے کہ ٹیم وائٹ پہلے بیٹنگ کرتے ہوئے آج 249 کے مجموعے پر آل آؤٹ ہوگئی، محمد رضوان ناٹ آؤٹ 54 کے ساتھ ٹاپ اسکورر رہے جبکہ نسیم شاہ نے 5، محمد عباس نے 3 اور یاسر شاہ نے 2 کھلاڑیوں کو آؤٹ کیا۔