لاہور:وزیر اعلیٰ پنجاب عثمان بزدار نے صوبے بھر میں صفائی آپریشن جاری رکھنے کی ہدایت کردی۔

وزیراعلیٰ پنجاب نے صفائی آپریشن جاری رکھنے کی ہدایت کرتےہوئے کہا کہ گزشتہ روز کی طرح آج بھی بہترین انتظامات ہونے چاہئیں،صفائی آپریشن پر مامور گارڑیاں تسلسل کے ساتھ گشت کریں۔

عثمان بزدارنے مزید کہا کہ بروقت آلائشیں اٹھا کر مناسب طریقے سے ٹھکانے لگائی جائیں،شہروں کی صفائی کیلئے ممکنہ وسائل فراہم کئے گئے ہیں،ماحول کو صاف ستھرا رکھنا سب کی مشترکہ ذمہ داری ہے۔