Aaj TV News

BR100 4,439 Increased By ▲ 19 (0.44%)
BR30 22,677 Increased By ▲ 65 (0.29%)
KSE100 42,505 Increased By ▲ 170 (0.4%)
KSE30 18,046 Increased By ▲ 102 (0.57%)
COVID-19 TOTAL DAILY
CASES 288,047 747
DEATHS 6,162 9

حکومت پنجاب نے مسلم لیگ ن کی جانب سے نیب کےدفتراور پولیس پر حملے کو شرمناک قرار دے دیا۔وزیر قانون راجہ بشارت نے کہا کہ آج ن لیگ نے سپریم کورٹ پر حملے کی یاد دھرائی ہے۔مریم نواز ضمانت پر ہیں اور وہ اس کا غلط استعمال کر رہی ہیں۔

ایوان وزیراعلیٰ لاہور میں پریس کانفرنس کے دوران بشارت راجہ کا کہنا تھا کہ نیب میں پیشی کےلئے مریم نواز کا جلوس کی صورت میں جانا قانون کی خلاف ورزی ہے۔آج مسلم لیگ ن کا اصل چہرہ میڈیا سامنے لیکر آیا ہے۔ ن لیگ اداروں کا احترام نہیں کرتی اور وہ اس کی قیادت ذاتی مفاد کےلئے کسی بھی حد تک جا سکتی ہے۔

وزیر اطلاعات فیاض الحسن چوہان نے بھی مریم نواز کو آڑے ہاتھوں لیا اور کہا کہ مریم صفدر نے شہباز شریف اور حمزہ شہباز کی سیاست پر خودکش حملہ کیا۔انہوں نے مسلم لیگ ن کی قیادت پر خود پر حملے کی منصوبہ بندی کا الزام لگایا۔

حکومتی وزراء کاکہناتھا کہ یہ سارا کام پرویز رشید کی حکمت عملی کے مطابق کیا گیا۔حملے میں چار پولیس اہلکار زخمی ہوئے، قانون ہاتھ میں لینے والوں کے خلاف کارروائی کےلئے متعلقہ محکموں کو ہدایات جاری کر دی گئی ہیں۔