Aaj TV News

COVID-19 TOTAL DAILY
CASES 324,744 667
DEATHS 6,692 19

امریکی کمپنی مائیکروسافٹ کی مقبول ویڈیو ایپ ٹک ٹاک کے امریکا میں کاروبار کو اپنے کنٹرول میں لینے کی کوشش ناکام ہوگئی۔

مائیکروسافٹ نےاعلان کیا کہ چینی کمپنی ٹک ٹاک کے مالک ادارے "بائٹ ڈانس" نے اس کی طرف سے کی گئی پیش کش مسترد کردی ہے۔

تاہم چینی ایپ نے امریکا میں ٹک ٹاک کے آپریشنز کی نگرانی کےلئے امریکی ٹیکنالوجی کمپنی اوریکل کی ماتحت ایک کنشورشیم کا انتخاب کیا ہے۔

واضح رہے کہ امریکی صدر ٹرمپ نے ٹک ٹاک کی سرگرمیوں کو ملکی قومی سلامتی کےلئے خطرہ قرار دیتے ہوئے کہا تھا کہ وہ اس ایپ پر پابندی لگانا چاہتے ہیں۔

اسی لیے صدر ٹرمپ نے بائٹ ڈانس کو ہدایت کی تھی کہ وہ امریکا میں ٹک ٹاک کا کاروبار اگلے 90 دنوں میں کسی امریکی کمپنی کو فروخت کر دے۔