Aaj News

جمعرات, مارچ 28, 2024  
17 Ramadan 1445  

'اعانتی نظام میں اصلاحات حکومت کی اولین ترجیحات میں شامل ہے'

وزیراعظم نے کہا کہ قومی خزانے سے فراہم کی جانے والی سبسڈیز کا مقصد معاشرے کے کمزور طبقات کی مدد کرنا اور معاشرتی اور معاشی ترقی کو فروغ دینا ہے۔
شائع 21 ستمبر 2020 09:30pm

وزیراعظم عمران خان نے کہا ہے کہ اس بات کو یقینی بنانا حکومت کی اولین ترجیح ہے کہ سبسڈیز کا فائدہ مستحق عوام کو پہنچے۔

پیر کو وزیر اعظم نے حکومت کی جانب سے مختلف شعبوں کو فراہم کی جانے والی سبسڈیز کے نظام کو شفاف اور منظم بنانے کے بارے میں اسلام آباد میں ایک اجلاس کی صدارت کی۔

وزیراعظم نے کہا کہ قومی خزانے سے فراہم کی جانے والی سبسڈیز کا مقصد معاشرے کے کمزور طبقات کی مدد کرنا اور معاشرتی اور معاشی ترقی کو فروغ دینا ہے۔

انہوں نے کہا کہ غیر مستحق افراد کی جانب سے سبسڈیز کا غلط استعمال وسائل کا زیاں ہے او ر مستحق افراد کی حق تلفی ہے۔

وزیراعظم نے تھنک ٹینک کی کوششوں کو سراہا اور ہدایت کی کہ حکومت کی ترجیحات کو مدنظر رکھتے ہوئے ہر قابل عمل تجویز کے لئے لائحہ عمل تیار کیا جائے تاکہ ان پر مرحلہ وار طریقے سے عمل درآمد کیا جاسکے۔

ریڈیو پاکستان

Comments are closed on this story.

تبصرے

تبولا

Taboola ads will show in this div