وزیرِ توانائی عمر ایوب نے کہا ہے کہ کراچی میں گیس کی قلت کی بنیادی وجہ سندھ حکومت کی جانب سے نئی سوئی سدرن گیس کمپنی کی پائپ لائن کےلئےراستہ دینے سے انکار ہے۔

معاون خصوصی برائے توانائی ندیم بابر کے ہمراہ جمعرات کو اسلام آباد میں نیوز کانفرنس سے خطاب کرت ہوئے وفاقی وزیر نے کہاکہ اگر سندھ حکومت 17 کلومیٹرز پر مشتمل نئی پائپ لائن کےلئے راستہ دے دے تو صوبے کو اضافی 150 ملین معکب فٹ گیس یومیہ فراہم کی جاسکتی ہے۔

انہوں نے کہاکہ گیس شعبے کی گردشی قرضہ 250 ارب روپے تک پہنچ گیا ہے جو تمام شراکت داروں کو اعتماد میں لیکر کم کیاجاسکتا ہے۔

اس موقع پر خطاب کرتے ہوئے ندیم بابر نے کہاکہ سندھ میں گیس کی قلت سے کراچی کی تاجر برادری متاثر ہوگی اس لیئے اس مسئلے کے حل کےلئے تمام کوششیں بروئے کار لائی جارہی ہیں۔

ریڈیو پاکستان