لاہور: مصباح الحق نے آج قومی ٹیم کے چیف سلیکٹر کے عہدے سے استعفیٰ دے دیا تاہم اُن کے بعد نیا چیف سلیکٹر کیلئے سابق فاسٹ بولر محمد اکرم مضبوط امیدوار بن کر سامنے آگئے۔

ذرائع کے مطابق پی سی بی اور محمد اکرم کے درمیان معاملات حتمی مراحل میں ہیں۔ شعیب اختر نے اپنی ٹویٹ میں پیشگی مبارکباد بھی دے دی ہے۔

دوسری جانب چیف ایگزیکٹو پاکستان کرکٹ بورڈ وسیم خان کہتے ہیں کہ چیف سلیکٹر کیلئے محمد اکرم سمیت تین افراد کے نام زیر غور ہیں۔

واضح رہے کہ 13 ماہ سے 2 عہدوں پر براجمان رہنے والے مصباح الحق آج بالآخر ہمت ہار بیٹھے اور انہوں نے پریس کانفرنس کرتے ہوئے چیف سلیکٹر کا عہدہ چھوڑدیا۔ انہوں نے کہا کہ 2 ذمہ داریاں رکھنا مشکل ہے، پوری توجہ پاکستان ٹیم کی کوچنگ پر دینا چاہتا ہوں، عہدہ چھوڑنے کا وزیراعظم سے ملاقات سے کوئی تعلق نہیں۔