Aaj TV News

BR100 4,730 Decreased By ▼ -34 (-0.7%)
BR30 20,317 Decreased By ▼ -354 (-1.71%)
KSE100 45,578 Decreased By ▼ -243 (-0.53%)
KSE30 17,872 Decreased By ▼ -134 (-0.75%)
COVID-19 TOTAL DAILY
CASES 1,267,393 567
DEATHS 28,344 16
Sindh 466,945 Cases
Punjab 438,636 Cases
Balochistan 33,159 Cases
Islamabad 106,615 Cases
KP 177,240 Cases

پی سی بی زمبابوے کے بعد ایک اور ٹیم کی میزبانی کیلئے تیار ہے۔

انگلینڈ کرکٹ ٹیم کے دورہ پاکستان کے امکانات روشن ہوگئے ہیں، پاکستان کرکٹ بورڈ نے آئندہ سال جنوری میں انگلینڈ کو مختصر دورانیے کی سیریز کیلئے دورہ پاکستان کی دعوت دے دی۔

انگلش ٹیم کو جنوری 2021 ميں ٹی ٹوئنٹی سیریز کیلئے مدعو کیا گیا ہے، ای سی بی نے دعوت ملنےکی تصدیق کردی ہے۔

انگلش بورڈ کا کہنا ہے کہ پاکستان ميں انٹرنیشنل کرکٹ کی بحالی کيلئے کردار ادا کريں گے۔ مجوزہ دورے سے پہلے سکیورٹی اور صحت کے معاملات دیکھنا ہوں گے۔

انگلينڈ کی ٹيم کا 2005 کے بعد يہ پہلا دورہ پاکستان ہوگا۔ جنوبی افریقی ٹیم بھی دو ٹیسٹ اور تین ٹی ٹوئنٹی میچز کی سیریز کیلئے جنوری میں پاکستان کا دورہ کرے گی۔

لاہور میں میڈیا سے بات چیت کرتے ہوئے پاکستان کرکٹ بورڈ کے چیئرمین احسان مانی نے کہا ہے کہ انگلینڈ کے دورہ پاکستان سے دوسری ٹیموں کا اعتماد بڑھے گا، انگلینڈ کے آنے سے آسٹریلیا کے دورہ پاکستان کی راہ بھی ہموار ہوگی۔