Aaj TV News

BR100 4,250 Increased By ▲ 19 (0.46%)
BR30 21,442 Increased By ▲ 53 (0.25%)
KSE100 40,897 Increased By ▲ 90 (0.22%)
KSE30 17,197 Increased By ▲ 37 (0.22%)

پی ڈی ایم کے گوجرانوالہ جلسے اور اپوزیشن تحریک کو بھارتی میڈیا نے غلط رنگ دینا شروع کردیا ہے۔

پی ڈی ایم جلسے کو بھارتی میڈیا کی طرف سے نمایاں کوریج دی گئی اور پروپیگنڈا کیا جارہا ہے کہ ان جلسے جلوسوں کی وجہ سے پاکستان شدید دباؤ میں ہے۔

بھارتی میڈیا نے اپوزیشن کی جانب سے ہونے والے جلسے جلسوں کو وزیراعظم عمران خان اور فوج کے خلاف احتجاج کہہ کر تبصرہ کرتے ہوئے کہا کہ تحریک سول نافرمانی کی طرف بڑھ رہی ہے۔

بھارتی نیوز چینل سی این این نیوز 18 کی طرف سے پی ڈی ایم کے جلسے اور احتجاجی تحریک کو پاکستان پر دباؤ سے تشبیہ دی گئی، اور اس احتجاج کو ناصرف وزیراعظم عمران خان بلکہ فوج مخالف ریلی بنا کر پیش کیا گیا۔

بھارتی میڈیا کی جانب سے دعویٰ کیا گیا کہ بلوچستان، سندھ اور گلگت بلتستان کے بعد اب پنجاب بھی مختلف سیاسی گروہوں کی وجہ سے دباؤ میں آچکے ہیں۔