Aaj TV News

BR100 4,231 Decreased By ▼ -22 (-0.51%)
BR30 21,389 Decreased By ▼ -14 (-0.07%)
KSE100 40,807 Decreased By ▼ -224 (-0.55%)
KSE30 17,160 Decreased By ▼ -135 (-0.78%)

پاکستان میں نئے کرکٹ ٹیلنٹ کی تلاش کیلئے پشاور زلمی کی شہر شہر کوششیں جاری، خضدار میں نوجوان کرکٹرز کے ٹرائلز لئے اور کوچنگ ٹپس بھی دیں۔

تفصیلات کے مطابق خضدار میں پشاور زلمی کے ڈائریکٹر کرکٹ محمد اکرم اور ارشد خان نے ٹرائلز لئے۔

محمد اکرم نے کہا کہ خضدار میں کرکٹ کا زبرست ٹیلنٹ موجود ہے ۔ مسقتبل میں بلوچستان کوئٹہ اور خضدار سے کئی نوجوان کرکٹرز ابھر کر سامنے آئیں گے۔

پشاور زلمی کے اسپن کنسلٹنٹ ارشد خان نے کہا کہ بلوچستان کے نوجوانوں میں کرکٹ کا ٹیلنٹ اور جوش وخروش دیدنی ہے۔

چیئرمین پشاور زلمی جاوید آفریدی کا کہنا ہے کہ کرکٹ کے فروغ اور گراس روٹ لیول پر نوجوان کرکٹرز کی حوصلہ افزائی جاری رکھیں گے۔

انہوں نے مزید کہا کہ نئے کرکٹ ٹیلنٹ کی تلاش ہمارا مشن ہے، خیرپختونخواہ اور پورے پاکستان میں گراس روٹ لیول پر کرکٹ کے فروغ میں اپنا بھرپور کردار ادا کریں گے۔

واضح رہے کہ پشاور زلمی نے پشاور، جمرود، سوات، لاہور، صوابی وزیرستان باڑہ کوئٹہ کے بعد خضدار میں زلمی کیمپ اور ٹرائلز کا انعقاد کیا ہے۔