Aaj TV News

BR100 4,671 Increased By ▲ 6 (0.13%)
BR30 18,834 Increased By ▲ 160 (0.86%)
KSE100 45,369 Increased By ▲ 297 (0.66%)
KSE30 17,576 Increased By ▲ 146 (0.84%)
COVID-19 TOTAL DAILY
CASES 1,285,254 414
DEATHS 28,737 9
Sindh 475,820 Cases
Punjab 443,185 Cases
Balochistan 33,484 Cases
Islamabad 107,722 Cases
KP 180,075 Cases

وفاقی وزیر اطلاعات شبلی فراز کا کہنا ہے کہ اداروں کے خلاف ہرزہ سرائی کو برداشت نہیں کیا جائے گا۔اپوزیشن کا پہلا شو فلاپ ہوگیا۔ ان کے پاس کوئی پروگرام نہیں۔ مریم نواز بتائیں ،کسی غریب سے آخری ملاقات کب کی؟

اسلام آباد میں پریس کانفرنس کرتے ہوئے شبلی فراز نے کہا کہ عوام اپوزیشن کے ذاتی مفادات کی سیاست کو جانتے ہیں۔انہوں نے عوام کے لئے کچھ نہیں کی۔ ان کو غریبوں کے دکھ درد کا کیا پتہ؟

انہوں نےکہااپوزیشن کے جلسے میں اداروں کے خلاف گھٹیا زبان استعمال کی۔ملکی تحفظ کے ضامن اداروں کے خلاف مہم جوئی کی اجازت نہیں دی جاسکتی۔

اس موقع پر فواد چوہدری نے کہا کہ عمران خان نے کہا تھااحتساب کا عمل شروع ہوگاتو یہ اکٹھےہو جائیں گے۔11 پارٹیاں 15 سے 18 ہزار لوگ بھی اکٹھےنہیں کر پائیں۔ مولانا فضل الرحمان نےتو خالی کرسیوں سےخطاب کیا۔ان کو اپنی اصلیت نظر آگئی۔ ان کو مزید جلسوں پر نظر ثانی کرنی چاہیئے۔ امید ہے آپ اپنے باقی جلسے موخر کردیں گے۔

انہوں نے کہا کہ مسلم لیگ والوں سے کہتا ہوں کہ خطرناک کھیل نہ کھیلے۔نواز شریف خطرناک بیانیے پر کام کررہے ہیں ، یہ بیانیہ ناکام ہوگا۔نواز شریف کاعمل ایسا ہےجیسے ناراض محبوبہ،انہیں سمجھ نہیں آرہی کہ کیسے بدلہ لیں۔ پاکستان کےاداروں پر تنقید بھارت کا ایجنڈا ہے، نوازشریف کو لندن سے واپس لایا جائے گا۔