Aaj News

جمعہ, مارچ 29, 2024  
19 Ramadan 1445  

آئی فون 12 کے ڈوئل سم موڈ کی وجہ سے بڑا مسئلہ پیدا ہوگیا

ایپل نے گزشتہ ہفتے اپنے آئی فون 12 سیریز کے 4 فونز متعارف کرائے...
اپ ڈیٹ 21 اکتوبر 2020 10:29am
سائنس

ایپل نے گزشتہ ہفتے اپنے آئی فون 12 سیریز کے 4 فونز متعارف کرائے تھے، جن میں پہلی بار 5 جی سپورٹ دی گئی ہے۔

مگر اب ایک لیک میں انکشاف ہوا ہے کہ 5 جی سپورٹ اسی صورت میں صارفین کو دستیاب ہوگی، اگر وہ سنگل سم استعمال کریں گے۔

اگر آئی فون 12 (اس سیریز کے کسی بھی فون) میں ڈوئل سم کو استعمال کیا گیا تو 5 جی انٹرنیٹ کنکٹویٹی استعمال نہیں کرسکیں گے۔

خیاال رہے کہ آئی فونز میں ریگولر سم کے ساتھ دوسری سم کے لیے ای سم کو استعمال کیا جاسکتا ہے۔

تاہم ان دونوں کے استعمال پر 4 جی ایل ٹی ای اسپیڈ تو حاصل ہوگی مگر 5 جی کی سہولت سے محرومی کا سامنا ہوگا۔

اگر 5 جی کی زبردست اسپیڈ کے خواہشمند ہیں تو ڈوئل کی بجائے سنگل سم پر ہی گزارہ کرنا ہوگا، کیونکہ ڈوئل سم کنکٹویٹی پر نئے آئی فونز خودکار طور پر 4 جی اسپیڈ پر منتقل ہوجائے گا۔

لیک میں ایپل کا ایک سیلز ویب پیج جاری کیا گیا ہے جس میں واضح طور پر لکھا ہے 'جب ڈوئل سم موڈ میں 2 لائنز استعمال ہوں گی تو 5 جی ڈیٹا کسی لائن کو سپورٹ نہیں کرے گا اور 4 جی ایل ٹی ای پر منتقل ہوجائے گا، اگر صارف صرف ای سم استعمال کرے گا اور موبائل کمپنی 5 جی سپورٹ فراہم کرے گی تو پھر اسے 5 جی تک رسائی حاصل ہوگی'۔

مختلف رپورٹس کے مطابق ایپل کی جانب سے اس مسئلے کے حوالے سے سافٹ ویئر اپ ڈیٹ رواں سال کے آخر تک ریلیز کی جاسکتی ہے تاہم اس سے یہ مسئلہ حل ہوگا، یہ کہنا مشکل ہے۔

Comments are closed on this story.

تبصرے

تبولا

Taboola ads will show in this div