انٹربینک میں امریکی کرنسی کی قدر مزید کم ہوگئی
کراچی: کاروباری ہفتے کے تیسرے روز انٹربینک میں روپے کے مقابلے...
کاروبار
کراچی: کاروباری ہفتے کے تیسرے روز انٹربینک میں روپے کے مقابلے امریکی کرنسی کی قدر میں 15 پیسے کی مزید کمی ہوئی ہے۔
اسٹیٹ بینک آف پاکستان کی جانب سے جاری کردہ اعداد و شمار کے مطابق بدھ کے روز انٹربینک میں ڈالر 15 پیسے مزید سستا ہوا ہے جس سے اس کی قدر 162 روپے 28 پیسے سے کم ہوکر 162 روپے 13 پیسے ہوگئی ہے۔
انٹربینک میں ڈالر کی قدر میں گزشتہ کئی دنوں سے مسلسل کمی کا رجحان دیکھا جارہا ہے، 14 اکتوبر سے اب تک امریکی کرنسی کی قدر 1 روپے 74 پیسے کم ہوچکی ہے۔
13 اکتوبر کو انٹربینک میں ڈالر 163 روپے 87 پیسے جبکہ آج 162 روپے 13 پیسے پر بند ہوا ہے۔ اس کچھ عرصے کے دوران انٹربینک میں امریکی کرنسی کی قدر 1 روپے 74 پیسے کم ہوگئی ہے۔
تبولا
Taboola ads will show in this div
مقبول ترین
Comments are closed on this story.