تماشائیوں کو اسٹیڈیم آمد کی اجازت، ٹکٹوں کی فروخت شروع
گزشتہ برس دسمبر میں چین کے شہر ووہان سے پھیلنے والی عالمی وباء کورونا وائرس دنیا بھر میں پھیلی اور کھیلوں سمیت زندگی کے تمام شعبوں کو مفلوج کرکے رکھ دیا تاہم اب کرکٹ شائقین کیلئے بڑی خوشخبری آگئی ہے۔ پاکستان اور نیوزی لینڈ کے درمیان نیوزی لینڈ میں کھیلی جانے والی سیریز تماشائیوں کی موجودگی میں کھیلی جائے گی۔
تفصیلات کے مطابق پاکستان اور نیوزی لینڈ کے درمیان دسمبر جنوری میں کھیلی جانے والی سیریز میں تماشائی بھی اسٹیڈیم میں موجود ہونگے اور اس سلسلے میں ٹکٹوں کی فروخت کا آغاز کردیا گیا۔
کورونا وائرس کے بعد نیوزی لینڈ میں پہلی انٹرنیشنل سیریز آئندہ ماہ کھیلی جائے گی، کیویز اور ویسٹ انڈیز کے مابین سیریز میں 3 ٹی ٹوئنٹی اور 2 ٹیسٹ میچ کھیلے جائیں گے جس کے بعد پاکستان ٹیم بھی وہاں جاکر اتنے ہی ٹی ٹوئنٹی اور ٹیسٹ میچز کھیلے گی۔
ٹی ٹوئنٹی سیریز کے میچز 18، 20 اور 22 دسمبر کو جبکہ پہلا 26 دسمبر اور دوسرا 3 جنوری سے شروع ہوگا۔
Comments are closed on this story.