کراچی: انٹربینک میں امریکی ڈالر کی قدر 6 ماہ کی کم ترین سطح پر آگئی، کاروباری ہفتے کے دوسرے روز ڈالر کی قدر میں 14 پیسے کی مزید کمی ہوئی ہے۔

اسٹیٹ بینک آف پاکستان کی جانب سے جاری کردہ اعداد و شمار کے مطابق منگل کے روز انٹربینک میں ڈالر 14 پیسے مزید سستا ہوا ہے جس سے اس کی قدر 161 روپے 05 پیسے سے کم ہوکر 160 روپے 91 پیسے ہوگئی ہے۔

واضح رہے کہ انٹربینک میں ڈالر کی قدر میں گزشتہ کئی دنوں سے مسلسل کمی کا رجحان دیکھا جارہا ہے، 14 اکتوبر سے اب تک امریکی کرنسی کی قدر 2 روپے 96 پیسے کم ہوچکی ہے۔

13 اکتوبر کو انٹربینک میں ڈالر 163 روپے 87 پیسے جبکہ آج 160 روپے 91 پیسے پر بند ہوا ہے۔ اس کچھ عرصے کے دوران انٹربینک میں امریکی کرنسی کی قدر 2 روپے 96 پیسے کم ہوگئی ہے۔