انٹربینک میں ڈالر کی قدر 7 ماہ کی کم ترین سطح پر آگئی
کراچی: انٹربینک میں امریکی کرنسی کی قدر میں مزید کمی، کاروباری...
کاروبار
کراچی: انٹربینک میں امریکی کرنسی کی قدر 7 ماہ کی کم ترین سطح پر پہنچ گئی، کاروباری ہفتے کے پہلے روز ڈالر 18 پیسے مزید سستا ہوگیا۔
اسٹیٹ بینک آف پاکستان کی جانب سے جاری کردہ اعداد و شمار کے مطابق پیر کے روز انٹربینک میں ڈالر 18 پیسے مزید سستا ہوا ہے جس سے اس کی قدر 159 روپے 09 پیسے سے کم ہوکر 158 روپے 91 پیسے ہوگئی ہے۔
واضح رہے کہ انٹربینک میں ڈالر کی قدر میں گزشتہ کئی دنوں سے مسلسل کمی کا رجحان دیکھا جارہا ہے، 14 اکتوبر سے اب تک امریکی کرنسی کی قدر 4 روپے 96 پیسے کم ہوچکی ہے۔
13 اکتوبر کو انٹربینک میں ڈالر 163 روپے 87 پیسے جبکہ آج 158 روپے 91 پیسے پر بند ہوا ہے۔ اس ایک ماہ سے بھی کم عرصے کے دوران امریکی کرنسی کی قدر 4 روپے 96 پیسے کم ہوچکی ہے۔
تبولا
Taboola ads will show in this div
مقبول ترین
Comments are closed on this story.