Aaj TV News

BR100 4,244 Increased By ▲ 14 (0.32%)
BR30 21,424 Increased By ▲ 35 (0.16%)
KSE100 40,854 Increased By ▲ 47 (0.12%)
KSE30 17,178 Increased By ▲ 19 (0.11%)

کراچی: انٹربینک میں امریکی کرنسی کی قدر ایک ماہ سے بھی کم وقت میں ساڑھے 5 روپے سے زیادہ گرچکی ہے، آج کاروباری ہفتے کے چوتھے روز ڈالر 16 پیسے مزید سستا ہوگیا۔

اسٹیٹ بینک آف پاکستان کی جانب سے جاری کردہ اعداد و شمار کے مطابق جمعرات کے روز انٹربینک میں ڈالر 16 پیسے مزید سستا ہوا ہے جس سے اس کی قدر 158 روپے 49 پیسے سے کم ہوکر 158 روپے 33 پیسے ہوگئی ہے۔

enter image description here

واضح رہے کہ انٹربینک میں ڈالر کی قدر میں گزشتہ کئی دنوں سے مسلسل کمی کا رجحان دیکھا جارہا ہے، 14 اکتوبر سے اب تک امریکی کرنسی کی قدر 5 روپے 54 پیسے کم ہوچکی ہے۔

13 اکتوبر کو انٹربینک میں ڈالر 163 روپے 87 پیسے جبکہ آج 158 روپے 33 پیسے پر بند ہوا ہے۔ اس ایک ماہ سے بھی کم عرصے کے دوران امریکی کرنسی کی قدر 5 روپے 54 پیسے کم ہوچکی ہے۔