Aaj TV News

BR100 4,231 Decreased By ▼ -22 (-0.51%)
BR30 21,389 Decreased By ▼ -14 (-0.07%)
KSE100 40,807 Decreased By ▼ -224 (-0.55%)
KSE30 17,160 Decreased By ▼ -135 (-0.78%)

کورونا وائرس کے باعث خطے میں پاکستان کی برآمدات 24 فیصد کم ہوگئیں، رواں مالی سال پہلی سہ ماہی کے دوران چین اور افغانستان سمیت خطے کے دیگر ملکوں کو صرف 71 کروڑ 91 لاکھ ڈالر کی برآمدات کی گئیں، جس میں 23 کروڑ 19 لاکھ ڈالر کمی ہوئی۔

کوویڈ نائنٹین کے منفی اثرات، خطے کیلئے پاکستانی برآمدات 24 اعشاریہ 4 فیصد کم ہوگئیں۔ اسٹیٹ بینک کے اعداد و شمار کے مطابق افغانستان، چین، بنگلہ دیش، سری لنکا، ایران، نیپال، بھوٹان اور مالدیپ کو برآمدات 71 کروڑ 91 لاکھ ڈالرز رہیں۔ گذشتہ مالی سال پہلی سہ ماہی میں 95 کروڑ 10 لاکھ ڈالر کی برآمدات کی گئی تھیں۔

چین کیلئے برامدات میں تقریباً 25 فیصد، بنگلہ دیش کیلئے 29 اعشاریہ 5 فیصد، سری لنکا کیلئے 30 فیصد، نیپال کیلئے 78 فیصد، مالدیپ کیلئے 24 فیصد، ایران اور بھوٹان کیلئے برآمدات صفر پر آگئیں۔

تاہم اس دوران خطے کے ساتھ ملک کا تجارتی خسارہ کم ہوگیا، کیونکہ ان ممالک سے درآمدات میں بھی کمی آئی۔