لاہور: زلمی فاونڈیشن اور الخدمت فاونڈیشن کے درمیان ایم او یو طے پاگیا، جس کے تحت کھیلوں کی سرگرمیوں کا انعقاد اور نوجوانوں کیلئے روزگار کے مواقع فراہم کئے جائیں گے۔

لاہور میں زلمی فاؤنڈیشن اور الخدمت فاؤنڈیشن کے درمیان ایم او یو پر دستخط کی تقریب سجائی گئی۔ زلمی فاؤنڈیشن کی جانب سے ڈاکٹر سڈرک ایمل ایڈون اور الخدمت فاونڈیشن کے سیکرٹری جنرل شاہد اقبال نے ایم و ایو پر دستخط کئے۔

ایم او یو کے تحت الخدمت فاونڈیشن کے اسکولز، اسپتال، یتیم خانوں کیلئے زلمی فاونڈیشن ٹریننگ، کھیلو‍ں کی سرگرمیوں اور ڈیجیٹل معاونت فراہم کرے گی۔

دونوں فاؤنڈیشنز مل کر روزگار کے نئے مواقع فراہم کرنے کے پروگرامز پر بھی کام کریں گے۔