Aaj TV News

BR100 4,846 Increased By ▲ 46 (0.97%)
BR30 24,817 Increased By ▲ 124 (0.5%)
KSE100 45,175 Increased By ▲ 231 (0.51%)
KSE30 18,470 Increased By ▲ 87 (0.47%)
COVID-19 TOTAL DAILY
CASES 850,131 4298
DEATHS 18,677 140
Sindh 289,646 Cases
Punjab 314,517 Cases
Balochistan 23,016 Cases
Islamabad 77,414 Cases
KP 122,520 Cases

انسٹاگرام کے ہوم پیج پر کی جانے والی حالیہ بڑی تبدیلی سے دنیا بھر کے صارفین ناخوش نظر آرہے ہیں اور کئی صارفین نے تو ایپ ڈیلیٹ کرنے کی دھمکی بھی دے دی۔

فیس بک کی زیرملکیت دنیا کی مقبول فوٹو شیئرنگ ایپ انسٹاگرام نے گزشتہ ہفتے اپنے ہوم پیج پر ٹک ٹاک کی طرز پر ویڈیو فیچر ریلز اور شاپنگ بٹن کا اضافہ کیا گیا تھا تاہم صارفین کو یہ تبدیلی پسند نہیں آ رہی ہے۔ صارفین اس تبدیلی کو بدصورت اور اذیت ناک قرار دے رہے ہیں۔

رپورٹس کے مطابق درجنوں صارفین فیس بک انتظامیہ کو بھی اس تبدیلی پر شکایتی کالز کی ہیں جن میں انہوں نے اپنے اکاؤنٹس ڈیلیٹ کرنے کی دھمکیاں بھی دی ہیں۔

ایک صارف نے اس ری ڈیزائننگ کو کچرے سے مشابہت دیتے ہوئے پرانے انسٹاگرام ڈیزائن کی بحالی کا مطالبہ کیا۔

واضح رہے کہ انسٹاگرام لے آؤٹ میں کی جانے والی میجر ری ڈیزائننگ کا اعلان گزشتہ ہفتے انسٹاگرام کے سربراہ ایڈم موزری کی جانب سے بلاگ پوسٹ کے ذریعے کیا گیا تھا۔

پوسٹ میں ایڈم نے واضح کیا تھا کہ ری ڈیزائننگ کے بعد صارفین کو انسٹاگرام میں ریلز اور شاپنگ کے فیچر تک تیزی سے رسائی ملے گی۔

انہوں نے مزید کہا تھا کہ ہم تبدیلیوں کو غیر سنجیدہ نہیں لیتے ہم نے طویل عرصے تک انسٹاگرام کے ہوم پیج پر کوئی تبدیلی نہیں کی۔

انہوں نے کہا کہ لوگ کس طرح سے کلچر کو تخلیق کرتے اور اس سے لطف اندوز ہوتے ہیں یہ اب بدل گیا ہے اور انسٹاگرام کو سب سے بڑا خطرہ یہ نہیں ہے کہ ہم بہت تیزی سے بدل جائیں بلکہ یہ ہے کہ ہم تبدیل نہ ہوتے ہوئے غیر متعلق ہوجائیں۔