Aaj TV News

BR100 4,231 Decreased By ▼ -22 (-0.51%)
BR30 21,389 Decreased By ▼ -14 (-0.07%)
KSE100 40,807 Decreased By ▼ -224 (-0.55%)
KSE30 17,160 Decreased By ▼ -135 (-0.78%)

راولپنڈی:جنوبی وزیرستان میں کیڈٹ کالج اسپنکئی میں نیشنل تائیکوانڈوچیمپئن شپ کا انعقاد کیا گیا،ملک بھرسے 200کھلاڑیوں نے حصہ لیا ،وزیرستان کی ٹیم نے مقابلہ اپنے نام کرلیا۔

پاک فوج کے شعبہ تعلقات عامہ (آئی ایس پی آر )کے مطابق وزیرستان میں کھیلوں کی سرگرمیوں میں اضافہ ہونے لگا، کیڈٹ کالج اسپنکئی جنوبی وزیرستان میں نیشنل تائیکوانڈوچیمپئن شپ کا انعقاد کیا گیا۔

پاکستان تائیکوانڈو فیڈریشن کے تحت کیڈٹ کالج اسپنکئی میں ہونے والے ایونٹ میں چاروں صوبوں ،آزاد کشمیر، گلگت بلتستان اور اسلام آباد سے 8 ٹیموں نے حصہ لیا۔

ایف سی خیبرپختونخوا ساؤتھ کے زیراہتمام اس مقابلے میں نوجوانوں کی بڑی تعداد نے شرکت کی۔

آئی ایس پی آر کا کہنا ہے کہ ملک بھر سے 200 سے زائد ایتھلیٹس نے وزیرستان میں اپنی نوعیت کے سب سے بڑے اور پہلے تائیکوانڈوایونٹ میں حصہ لیا ۔

وزیرستان کی ٹیم امرزئی نے مقابلہ اپنے نام کیا تو خیبرپختونخوا کی ٹیم نے رنراپ ٹرافی حاصل کی۔

آئی ایس پی آر کے مطابق پروگرام کا مقصد مقامی نوجوانوں کو قومی سطح پر دوسرے صوبوں کے کھلاڑیوں کے برابر مقابلہ کرنے کے مواقع فراہم کرنا تھا۔