لاہور: دورہ نیوزی لینڈ کیلئے قومی اسکواڈ کا لاہور میں پڑاؤ، اسکواڈ 23 نومبر کی شب لاہور سے نیوزی لینڈ روانہ ہوگا۔

قومی کرکٹ ٹیم کا دورہ نیوزی لینڈ، کھلاڑی آج سے لاہور میں اکٹھے ہونا شروع ہوگئے۔ منتخب کرکٹرز اور سپورٹ اسٹاف کو رات تک مقامی ہوٹل میں رپورٹ کرنے کی ہدایت کی گئی ہے۔

35 کھلاڑیوں اور 20 رکنی سپورٹ اسٹاف کے کوویڈ ٹیسٹ کل لئے جائیں گے۔ کلیئرنس پانے والوں کو ہی کیویز کے دیس جانے کا موقع ملے گا۔

قومی اسکواڈ 23 نومبر کو لاہور سے اڑان بھرے گا، نیوزی لینڈ پہنچ کر 14 روز قرنطینہ اور 3 بار ٹیسٹ کے مراحل سے گزرنا ہوگا۔

پاکستان اور نیوزی لینڈ کے درمیان تین ٹی ٹوئنٹی میچز کی سیریز 18 سے 22 دسمبر تک شیڈول ہے۔ پہلا ٹیسٹ 26 دسمبر سے ماؤنٹ مونگنوئی اور دوسرا 3 جنوری سے کرائسٹ چرچ میں کھیلا جائے گا۔