پاکستان اورکویت کا مختلف شعبوں میں تعاون کو فروغ دینے پر اتفاق
پاکستان اورکویت نے زراعت اورتحفظ خوراک سمیت مختلف شعبوں میں تعاون کو فروغ دینے پر اتفاق کیاہے۔
وزیرخارجہ شاہ محمودقریشی اورکویت کے وزیرخارجہ ڈاکٹراحمدناصرال محمدال صباح کے درمیان ہفتے کو نائیجر کے دارالحکومت نیامے میں منعقد ہونے والی اسلامی تعاون تنظیم کے وزرائے خارجہ کی کونسل کے موقع پر ملاقات ہوئی۔
دونوں وزرائے خارجہ نے دوطرفہ تعاون کومزید مستحکم بنانے کےلئے مختلف سطحوں پرروابط کو فروغ دینے پر اتفاق کیا۔
شاہ محمودقریشی نے کہاکہ پاکستان اورکویت کے درمیان قریبی،تاریخی اور برادرانہ تعلقات ہیں۔
انہوں نے پاکستان کی قریبی سیاسی تعلقات کوتیزرفتاراقتصادی شراکت داری میں تبدیل کرنے کی خواہش کااظہارکیا۔
بھارت کے غیرقانونی زیرقبضہ جموں وکشمیرمیں صورتحال کاذکرکرتے ہوئے شاہ محمودقریشی نے تنازعہ جموں وکشمیرکے بارے میں پاکستان کی مسلسل حمایت پرکویت کی حکومت کاشکریہ اداکیا۔
کویت کے وزیرخارجہ نے تنازعہ جموں وکشمیرکے بارے میں اپنے ملک کے مستحکم موقف کااظہارکیا۔
Comments are closed on this story.