وفاقی کابینہ نے کوروناوائرس سے بچاؤ کی ویکسین کے حصول کےلئے 15 کروڑ ڈالرز کی رقم کی منظوری دے دی ہے۔

منگل کواسلام آباد میں وزیراعظم کےمعاون خصوصی قومی صحت ڈاکٹر فیصل سلطان نے وزیراطلاعات ونشریات شبلی فرازکے ہمراہ وفاقی کابینہ کے فیصلوں سے متعلق صحافیوں کو بریفنگ دی۔

معاون خصوصی برائے صحت کا کہنا تھا کہ ویکسین کی خریداری کے لئے کچھ کمپنیوں کو منتخب کیا گیا ہے اور ان سے ابتدائی مذاکرات کا آغاز کردیا گیا ہے۔

ان کاکہناتھاکہ ویکسین کی فراہمی کے پہلے مرحلے میں ہماری ترجیحی طبی عملہ اور بزرگ شہری ہونگے جن کے وائرس سے متاثر ہونے کا خدشہ زیادہ ہے۔

ریڈیو پاکستان