Aaj TV News

BR100 4,854 Increased By ▲ 17 (0.36%)
BR30 24,609 Increased By ▲ 164 (0.67%)
KSE100 45,905 Increased By ▲ 179 (0.39%)
KSE30 19,124 Increased By ▲ 105 (0.55%)

آج کل پاکستان میں سردیوں کا سیزن اپنی پوری آب و تاب سے جاری ہے۔ سردیوں کے موسم میں ہر دوسرا فرد ہی نزلہ، زکام و بخار وغیرہ کا شکار رہتا ہے۔ اس کے علاوہ اگر نوزائیدہ بچوں سے متعلق بات کی جائے تو اکثر اس موسم میں چھوٹے بچوں کا سینہ جام رہنے کی شکایت بھی سننے کو ملتی رہتی ہے۔

آج ہم آپ کو پاکستان کے مشہور و معروف شیف، شیف گلزار حسین کی جانب سے بتایا گیا نوزائیدہ بچوں کا جام سینہ کھولنے کا بہترین اور آزمودہ ٹوٹکا بتانے جارہے ہیں۔

اگر آپ کے نوزائیدہ بچے کو بھی سینہ جام رہنے کی شکایت ہے تو اس کیلئے کرنا صرف یہ ہے کہ بازار سے ایکسٹرا ورژن زیتون کا تیل منگوائیں اور اس تیل کے صرف 2 قطرے (مقدار زیادہ نہ ہو) دن کے وقت بچے کی ناف میں ڈال دیں۔

اس کے علاوہ کسی بھی پنساری کی دکان سے امرت دھارا منگوالیں اور اسے ایکسٹرا ورژن زیتون کے تیل میں شامل کرکے بوتل میں رکھ لیں۔ رات کو سوتے وقت اس تیل کے صرف 2 قطرے بچے کے سینے پر لگائیں اور آہستگی کے ساتھ مالش کریں۔ ایسا کرنے سے انشااللہ بچے کا جام سینہ کھُل جائے گا۔