وزیرمنصوبہ بندی کا سی پیک منصوبوں پر کام کی رفتار برقرار رکھنے پر زور
وزیر منصوبہ بندی اسد عمر نے چین پاکستان اقتصادی راہداری کے منصوبوں پر کام کی رفتار برقرار رکھنے اور ان کی جلد تکمیل یقینی بنانے پر زور دیا ہے۔
منگل کو اسلام آباد میں سی پیک کے متعلق کابینہ کمیٹی کے اجلاس کی صدارت کرتے ہوئے اسد عمر نے کہا کہ سی پیک چین پاکستان اقتصادی تعاون میں اضافے کےلئے ایک ترجیحی منصوبہ ہے۔
فورم نے سی پیک کے تحت ورکنگ گروپس کے مختلف منصوبوں پر پیشرفت کا جائزہ لیا۔
اجلاس میں صنعتی تعاون،توانائی،بنیادی ڈھانچے،گوادر،سائنس و ٹیکنالوجی،سماجی و اقتصادی ترقی،زراعت، ٹرانسپورٹ اور روابط میں سی پیک منصوبوں پر مجموعی پیشرفت اور ان منصوبوں پر عملدرآمد میں حائل مسائل کے بارے میں بتایا گیا۔
کمیٹی نے اس امر پر بھی زور دیا کہ متعلقہ وزارتوں کو تصفیہ طلب بین الوزراتی مسائل باضابطہ طور پر سی پیک کے بارے میں کابینہ کمیٹی کے سامنے پیش کرنا چاہیئے اور ان کے حل کے لئے سفارشات بھی دینی چاہیئے۔
کمیٹی نے کہا کہ مختلف منصوبوں پر نمایاں پیش رفت ہوئی ہے۔
Comments are closed on this story.