Aaj News

جمعہ, مارچ 29, 2024  
18 Ramadan 1445  

ویڈیو کانفرنس:صارفین کی معلومات چوری ہونے کا خدشہ، ایڈوائزری جاری

کورونا کے باعث جہاں ویڈیو کانفرنسنگ کے رجحان میں اضافہ ہوا ہے...
شائع 02 مارچ 2021 08:55am
سائنس

کورونا کے باعث جہاں ویڈیو کانفرنسنگ کے رجحان میں اضافہ ہوا ہے وہاں ویڈیو کانفرنس پلیٹ فارمز کی آڑ میں صارفین کی معلومات چوری ہونے کا خدشہ بھی پیدا ہوگیا ہے۔

وفاقی حکومت نے صارفین کو ہیکرز کے حملوں سے بچانے کے لیے ایڈوائزری جاری کردی ہے جس میں کہا گیا ہے کہ ہیکرز زوم، زوہو، سلیک اور گوگل میٹ سمیت دیگر ویڈیو پلیٹ فارمز کے ذریعے صارفین کی معلومات تک رسائل حاصل کرسکتے ہیں۔

ہیکرز ویڈیو پلیٹ فارمز کے کمزور پاس ورڈز اور کمزور سیکیورٹی سیٹنگز کا فائدہ اٹھا کر معلومات چرا سکتے ہیں۔

ایڈوائزری میں سفارش کی گئی ہے کہ ویڈیو کانفرنسنگ کے ذریعے کسی بھی قسم کی کلاسیفائیڈ انفارمیشن شئیر نہ کی جائے اور ویڈیو کانفرنسنگ سسٹم اور آپریشنل سسٹم کو اپ ڈیٹڈ رکھا جائے۔

ایڈوائزری میں غیر تصدیق شدہ نیٹ ورک ٹریفک کو روکنے کیلئے فائروال کے استعمال کی بھی سفارش کی گئی ہے، صارفین سے ورچوئل میٹنگ رومز میں خودکار جواب کے آپشن کو بند کرنے اور ہر ورچوئل میٹنگ روم کیلئے الگ الگ پن کوڈ بنانے کی بھی سفارش کی گئی ہے۔

Comments are closed on this story.

تبصرے

تبولا

Taboola ads will show in this div