Aaj TV News

اسلام آباد:حکومت نے 16مئی سے 30سال سے زائد عمر کے افراد کیلئے کورونا ویکسین رجسٹریشن کھولنے کا اعلان کردیا۔

نیشنل کمانڈ اینڈ آپریشن سینٹر(این سی اوسی)کے سربراہ اسد عمر کا سماجی رابطے کی ویب سائٹ ٹوئٹر پر اپنی ایک ٹویٹ میں کہنا تھا کہ کورونا ویکسین کی استعداد کار بڑھنے سے ویکسی نیشن کے عمل میں بہتری آ رہی ہے، کووڈ 19 ویکسین لگانے کا سلسلہ جاری ہے، تمام وفاقی یونٹس میں شہریوں کی ویکسینشن ہو رہی ہے۔

As vaccine supply continues to improve and vaccination capacity gets enhanced in all Federating units, we continue to expand the categories of those who are eligible to get vaccinated. Starting sunday the 16th of May, registration will be open to all 30 years and older citizens

— Asad Umar (@Asad_Umar) May 12, 2021

وفاقی وزیر منصوبہ بندی اسد عمر نے بتایا کہ 30 سال اور اس سے زائد عمر والوں کی رجسٹریشن 16 مئی سے شروع ہوگی۔

دوسری جانب این سی او سی کا کہنا ہے کہ ملک بھر میں ایک روز میں 1لاکھ 31 ہزار 517 افراد کو ویکسین لگائی گئی، اب تک 38 لاکھ 83 ہزار 884 افراد کو ویکسین لگائی جا چکی ہے۔