Aaj TV News

BR100 4,979 Decreased By ▼ -47 (-0.94%)
BR30 24,460 Decreased By ▼ -313 (-1.26%)
KSE100 46,623 Decreased By ▼ -297 (-0.63%)
KSE30 18,469 Decreased By ▼ -189 (-1.01%)
COVID-19 TOTAL DAILY
CASES 1,218,749 2,928
DEATHS 27,072 68
Sindh 448,658 Cases
Punjab 419,423 Cases
Balochistan 32,707 Cases
Islamabad 103,720 Cases
KP 170,391 Cases

وزیراعظم عمران خان سے ٹویوٹا انڈس موٹرزکمپنی پاکستان کے وفد نے ملاقات کی ہے ۔ وزیراعظم نے ٹویوٹا موٹرزکے فیصلے کوموسمیاتی تبدیلی سے نبردآزما ہونے اورملک میں روزگارکے وسیع مواقع پیدا کرنے کے حوالے سے ایک قابل ذکراقدام قراردیا ۔

وزیراعظم عمران خان سے ٹویوٹا انڈس موٹرزکمپنی پاکستان کے وفد نے ملاقات کی ۔

اس ملاقات میں وائس چئیرمین شنجی یناگی اورچیف ایگزیکٹو آفیسرعلی اصغرجمالی شریک تھے۔

ملاقات میں وزیرخزانہ شوکت فیاض ترین ، وزیرصنعت و پیداوارخسرو بختیار، وزیرتوانائی محمد حماد اظہراورمتعلقہ سینئرافسران بھی شریک ہوئے ۔

وزیراعظم کوبتایا گیا کہ ٹویوٹا موٹرزہائبرڈ الیکٹرک گاڑیوں کی مقامی پیداوارکیلئے پاکستان میں 100 ملین ڈالرکی سرمایہ کاری کرے گا ۔ وزیراعظم نے ٹویوٹا موٹرزکے فیصلے کوموسمیاتی تبدیلی سے نبردآزما ہونے اورملک میں روزگار کے وسیع مواقع پیدا کرنے کے حوالے سے ایک قابل ذکراقدام قراردیا ۔

وزیراعظم نے متعلقہ حکام کو ہدایت کی کہ وہ بین الاقوامی آٹوایکسپورٹ مارکیٹ میں پاکستان کیلئے زیادہ سے زیادہ حصہ حاصل کریں ۔ وزیر اعظم نے گاڑیوں کی قیمتوں میں کمی لانے کے حوالے سے ٹویوٹا موٹرزکے تعاون کوسراہا ۔ وزیرِاعظم نے ٹیکنالوجی ٹرانسفرکی اہمیت پرزوردیتے ہوئے کہا کہ مناسب قیمتوں پرمعیاری گاڑیوں کی پیداوارکے حوالے سے حکومت ہر ممکنہ معاونت فراہم کرے گی ۔