Aaj TV News

BR100 4,671 Increased By ▲ 6 (0.13%)
BR30 18,834 Increased By ▲ 160 (0.86%)
KSE100 45,369 Increased By ▲ 297 (0.66%)
KSE30 17,576 Increased By ▲ 146 (0.84%)
COVID-19 TOTAL DAILY
CASES 1,285,254 414
DEATHS 28,737 9
Sindh 475,820 Cases
Punjab 443,185 Cases
Balochistan 33,484 Cases
Islamabad 107,722 Cases
KP 180,075 Cases

قومی کرکٹ ٹیم پانچ سال بعد بنگلادیش کا دورہ کرے گی۔ رواں برس نومبر دسمبر میں ہونے والی سیریز کے شیڈول کا اعلان کردیا گیا۔

سیریز میں تین ٹی ٹوئںٹی اور دو ٹیسٹ میچز ہوں گے۔ ڈھاکا میں پہلا ٹی ٹوئنٹی انیس، دوسرا بیس اور تیسرا بائیس نومبر کو کھیلا جائے گا۔

پہلا ٹیسٹ چھبیس سے تیس نومبر تک چٹاگانگ اور دوسرا چار سے آٹھ دسمبر تک ڈھاکا میں ہوگا۔

پاکستان ٹیم کی روانگی کی تاریخ کا اعلان بعد میں ہوگا۔

اس سے قبل نومنتخب چیئرمین پی سی بی رمیز راجا نے ٹی 20 ورلڈ کپ کیلئے میتھیو ہیڈن اور ورنون فلینڈر کو پاکستان کا کوچ مقرر کردیا ۔

چیئرمین پی سی بی کا عہدہ سنبھالنے کے بعد اپنی اولین پریس کانفرنس میں رمیز راجا نے کہا کہ مصباح الحق اور وقار یونس نے محنت اور ایمانداری سے کام کیا، ان کے کے مستعفی ہونے میں میرا کوئی کردار نہیں تھا۔

رمیز راجا نے کہا کہ ہمیں ڈری سہمی پاکستانی ٹیم کو شیر بنانا ہے، ٹی ٹوئنٹی ورلڈ کپ کیلئے بہترین ٹیم منتخب کی گئی ہے، میگا ایونٹ میں میتھیو ہیڈن اور ورنون فلینڈر پاکستان کرکٹ ٹیم کے کوچ ہوں گے۔ امید ہے ٹی 20 ورلڈ کپ میں یہ دونوں کوچز ٹیم کو جارحانہ حکمت عملی اپنانے میں اہم کردار ادا کریں گے۔

واضح رہے کہ میتھیو ہیڈن نے 103 ٹیسٹ اور 161 ون کھیلے ہیں، کرکٹ کے تینوں بین الاقوامی فارمیٹ میں وہ مجموعی طور پر 14 ہزار سے زائد رنز اسکور کرچکے ہیں۔