Aaj TV News

BR100 4,668 Increased By ▲ 50 (1.09%)
BR30 20,892 Increased By ▲ 107 (0.52%)
KSE100 44,822 Increased By ▲ 488 (1.1%)
KSE30 17,521 Increased By ▲ 178 (1.03%)
COVID-19 TOTAL DAILY
CASES 1,263,664 893
DEATHS 28,252 24
Sindh 465,175 Cases
Punjab 437,572 Cases
Balochistan 33,114 Cases
Islamabad 106,402 Cases
KP 176,650 Cases

وزیراعظم عمران خان کنٹونمنٹ بورڈ انتخابات میں کچھ شہروں سے بہتر نتائج نہ آنے پر ناراض ہوگئے۔

انہوں نے صورتحال پر تشویش کا اظہار کرتے ہوئے لاہور، راولپنڈی، ملتان، پشاور کے نتائج کی رپورٹ تیار کرنے کا حکم دے دیا،ہدایت کی کہ پتا کیاجائے کہ شکست کی وجہ مہنگائی ہے یا پھر شہری سہولتوں کا فقدان؟ بڑے شہروں میں امیدواروں کے چناو، ووٹرز کے ساتھ پارٹی قائدین کا رویہ بھی رپورٹ میں شامل ہوگا۔

کنٹونمنٹ بورڈ انتخابات میں کچھ شہروں کے نتائج پر وزیراعظم ناراض ہوگئے۔

وزیراعظم نے بڑے شہروں کےنتائج کی رپورٹ تیار کرنےکاحکم دے دیا۔

کنٹونمنٹ الیکشن ، پی ٹی آئی 63 جبکہ ن لیگ 59نشستوں پرفاتح

ملک بھر کےکنٹونمنٹ بورڈز کے بلدیاتی انتخابات کے غیرسرکاری اور غیر حتمی نتائج سامنے آگئے ،جس کے مطابق تحریک انصاف 63نشستوں پر کامیاب جبکہ مسلم لیگ (ن)59نشستوں پرفاتح قرار پائی۔

ملک کے 41کنٹونمنٹ بورڈز کے 212 وارڈز میں 1560 امیدواروں کے درمیان مقابلہ ہوا جبکہ پولنگ کا عمل صبح 8 بجے شروع ہوا جو شام 5 بجے تک جاری رہا۔

غیرسرکاری اور غیر حتمی نتائج کے مطابق پاکستان تحریک انصاف کے 63، مسلم لیگ ن کے 59، آزاد امیدوار 52، پیپلزپارٹی کے 17، متحدہ قومی موومنٹ کے 10، جماعت اسلامی کے 7، بلوچستان عوامی پارٹی اور عوامی نیشنل پارٹی کے 2، 2 امیدوار کامیاب قرار پائے۔