گذشتہ ماہ کرنٹ اکاؤنٹ خسارہ ڈیڑھ ارب ڈالر رہا، اگست میں جاری کھاتوں کا خسارہ جولائی کی نسبت ستر کروڑ ڈالر بڑھ گیا۔

اسٹیٹ بینک کا کہنا ہے کہ ملکی معیشت کی بحالی اور عالمی سطح پر اجناس کی قیمتوں میں اضافے کی وجہ سے کرنٹ اکاؤنٹ خسارہ بڑھ گیا۔

ملک میں معاشی بحالی کا عمل شروع جاری ہے اور عالمی اجناس کی قیمتوں میں اضافہ ریکارڈ کیا گیا ہے جس سے توازن ادائیگی کا خسارہ بڑھ گیا۔

اسٹیٹ بینک کے مطابق گذشتہ ماہ کرنٹ اکاؤنٹ خسارہ ڈیڑھ ارب ڈالر رہا، جو مجموعی قومی پیداوار کے پانچ اعشاریہ چار فیصد کے برابر ہے۔

اگست دوہزار بیس میں کرنٹ اکاؤنٹ پچیس کروڑ ڈالر سرپلس تھا۔

رواں مالی سال دو ماہ کے دوران کرنٹ اکاؤنٹ خسارہ دو ارب انتیس کروڑ ڈالر ریکارڈ کیا گیا۔

گذشتہ مالی سال دو ماہ میں توازن ادائیگی تیراسی کروڑ اسی لاکھ ڈالر فاضل تھا۔