وزیراعظم عمران خان سے وزیرخزانہ شوکت ترین نے ملاقات کی۔

ملاقات میں اثاثہ جات مینجمنٹ اتھارٹی کے قیام سے متعلق امور پر تبادلہ خیال کیا۔

ملاقات میں وزیراعظم نے ملک میں عام لوگوں کوزیادہ سے زیادہ ریلیف دینے کے لیے موثر اقدامات کرنے کی ہدایت کردی ۔

ملاقات میں وزیراعظم نے قیمتی قومی اثاثوں کے پیداواری استعمال کو یقینی بنانے کے لیے موثر اقدامات کرنے کی ہدایت کی۔

انہوں نے پاکستان کے قیمتی تاریخی اور ثقافتی اثاثوں سے بھرپور استفادہ کرتے ہوئے ملک میں سیاحت کے شعبے کی ترقی پر توجہ دینے کی بھی ہدایت کی۔

ملاقات میں وزیر اعظم نے بورڈ آف انویسٹمنٹ کو مؤثر بنانے کی ہدایت کی تاکہ لوگوں کی سماجی و اقتصادی ترقی کے لیے ملک میں کاروبار کرنے میں آسانی کو یقینی بنایا جا سکے۔

ملاقات میں وزیراعظم کو ملک کی موجودہ معاشی صورتحال پر بھی بریفنگ دی گئی جبکہ وزیرِاعظم عمران خان سے وزیرِدفاع پرویزخٹک نے بھی ملاقات کی ، اس ملاقات میں ملکی سیاسی صورتحال پر گفتگو کی گئی ۔